:thumbs_down:مشاكل الأطفال تسبب مشاكل بين الأمهات الأخوة الكرام لا يخفى علينا جميعاً ان كثير من مشاكل الأطفال تسبب مشاكل بين الأمهات او بين الأباء في احيان قلة . بمعنى اننا نجد كثير من الأخوات يقاطعن بعض بسبب مشاكل أطفالهم البريئة التي سرعان ما تزول . ولكن يبقى اثر هذه المشاكل بين الأخوات الأمهات مثلاً . فكل ام تقول ان ابناء الأخرى هم أصحاب الشر على ابناءها والعكس . فيحصل من التفرقة الشيء الكثير . ربما هناك أسر تقاطعت بسبب مشاكل طفوليه لسنوات عديدة والمجتمع شاهد بذلك . فهل من حلول لهذه المشكلة للحفاظ على الأواصر والروابط الأسرية .. بإنتظار تجاربكم وحلولكم .
اللة انا اول وحدة ترد اى حبوبة انا وايد اعانى من هذى المشكلة وابى حل سريع يسلموووووووووووو حبوبة على الموضوع
اشكر اختى اسرار الكويت على الرد ونتمنى نلقى حل حق هالمشكله لاني الاحظ الكل يعاني من المشكله ونرجو ان نجد لها حلا بأذن الله.
اييه والله صح كلامج ياما صارت مشاكل من هالسبب اتمنى الي عندها حل تفيدنا مع اني اعتقد هالمشكله ازليه وبتم موجوده ) مشكوووره الموضوع مفيد وانشالله نستفيد اكثر من الردود
حبيباتي المفروض ان الكبار تكبر عقلها وكل وحده فيكم تهاوش عيالها وتسكت وتتعوذ من الشيطان والله الامر من هذا لما يكبرون فعلا اهني المشاكل لما يكونون صغار يحلوهم وياحلو هواشاهم المصيبه لما يكبرون والله المستعان تتفرق الاخت مع اخوها والاخت مع اختها بسبة اليهال لما يكبرون
السلام عليكم صج الموضوع حلو انا شخصيا صارت معاي هالسالفه انا متزوجه وعندي بنتي الكبيره 4 سنين وساكنه عند حمولتي ويازين الحموله بدون نجره وحماي ساكن بالبيت وعنده تبارك الرحمن 6 عيال المهم ذاك اليوم كان عندنا ضيوف من الامارات من طرف مرت حماي اللي ساكنه معاي ((ويازينها من مرت حما)) دش ولدها ((ولد حماي)) يركض ورى ولد حماتي وحماتي هذي نوعها ما ترضى احد يكلم عيالها ((كلنا ما نرضى على عيالنا بس مو جذي)) عاد طقه بالصاله طبعا كلنا قاعدين والضيفه موجوده قامت حماتي تصرخ انت وانت فيك وما فيك ولدي ماسوى شي و و و و و عاد مرت حماي كانت قاعده تناديها عشان تنتبها عالضيفه طبعا حماتي مو سامعه من كثر ما تزف مرت حماي انقص ويها جدام ضيفتها شالت شلايلها وقامت حماتي طبعا شالت نفسها وكبرو الموضوع وقالو ان امه ما ادبته ولا زفته وكل اللي سوته مرت حماي انها كانت تبي تتحاشى الموضوع جدام الضيفه وصارت سوالف طواله مو مال كتابه طبعا الحين النفوس طبيعيه بس لا ينذكر الموضوع مره ثانيه حماتي تقول انها ماغلطت الشاهد قوله ان اليهال يتهاوشون ويصير طق وصراخ ومردهم يردون يلعبون مع بعض ما جنه شي صار فيا جماعه ماله داعي نجرتنا احنا الكبار على شي ما يسوى و لازم نكبر عقولنا
