السلام عليكم بنات شلونكم وشخباركم مشكلة مالها حل انا عضوة يديدة وبنفس الوقت ماحبيت يكون هذا اول موضوع اطرحه ويضيق الخلق بس شسوي تعبت من البجي ونشفت دموعي انا عمري 24 سنة وصارلي 5 سنين متزوجة والله موعن مدح بعمري جميلة حيل ولدرجه اني بعض المرات اطلع بنقاب مع العلم اني مومتنقبة من كثر المضايقات والحمدالله موشايفة ان ناقصني شي الا اهم اهم شي اني ماقدر احمل وزوجي يحبني حيل بس اهله الله يجازيهم قاعدين يوزونه يتزوج واهو موراضي بس خايفة مع الوقت يقتنع بهالشي وانا حدي مقهورة لان مشكلتي مالها حل رحت وعالجت برة وقالولي في صعوبة بالحمل ماتقدرين تحملين وبنفس الوقت ماقدر استغني عن زوجي احبه وخايفة يوافق على شور اعله مع العلم اهلة مو زينين معاي خواته يغارون مني وانا والله مومني ماني عارفه شسوي وهذا غير معاملة خالتي لي ومع هذا خاشة هالموضوع عن اهلي مابي اضايقهم. ساعدوني ماني عارفة الحل والله حدي مضايقة
السلام عليكم اختي لاتياسين من رحمة الله الله يرزقج بالذريه الصالحه انشاالله حبيبتي رحتي مستشفى لندن وحده اعرفها اقعدت خمس سنوات ما تحمل وما خلت مكان وراحت برى سوت طفل انبوب هم ما انجحت العمليه اخر شي راحت مستشفى لندن عند دكتور نيجيري د/باتل والحمد لله الله رزقها ببنوته والله يرزقج انشاالله
الله يوفقج ويرزقج والله مرت خالي قعدت عشر سنين ماتحمل وقالولها عن دكتور بالجهرا ماعرف اسمه بس عايلتهم الصليلي وماشالله حملت
الله يرزقج يارب ويهدي اهل زوجج حاولي تصلين ركعتين اخر الليل وتكثرين من الاستغفار وباذن الله الله يرزقج بالضنا الصالح ويخلي زوجج لج
حبيبتى اللة يكون بعونج لاتياسين حاولي مدام انج جربتي الطب ومانفع جربي الطب البديل وخصوصا حريم يعالجون وعارفين الشغلات هذى يمكن اللة يرزقج ياقلبى وبنسبة لاهل زوجج مالج شغل فيهم جنج ماسمعتى شى ماقولج لاتزورينهم بل عكس روحى وكان مافي شي انتى عليج من زوجج اللة يرزقج يالغلا وسخر لج زوجج وملكج قلبة يارب ويطمس سمعة عن كلامهم وخليكم لبعض
صباح الخير حبيبتي مافي شي بعيد عن الله ادعوني استجب لكم لوبعد حين كثري من صلاة الليل ركعتين وانشالله الله يفرج همج وعلى الحمل والله وحده من اهلنا ماحملت اكثر من عشر سنين بعدها مشالله ربي رزقها بولدين اهم شي لاتهتمين لكلام اهله يعني خليج طيبه معاهم عرفتي وزوجج قد ماتقدرين دلعي فيه ولاتبين له اي شي حبيبتي روحي جربي لعلاج عند الحريم في عندهم دويات اسمها يمكن عندج سدد ياقلبي ترى بعض الاطبا خبال مايفهمون بس الحريم علاجهم ممتاز سالي امج وروحي شرط تكون بدويه و فاهمه بهالشغلات
أختي لا تأيسين من رحمة الله قبل لا يضيع زوجج منج أقنعيه بطفل الأنابيب بدون لأحد يدري مع الأستغفار وقراءة سورة البقره وعندج دكتور منصور العرف متخصص بطفل الأنابيب
هلا أختي . . . ربي يرزقج عاجلا غير آجل يارب . . . روحي للجهرة مستشفى العرف عند الدكتور الصليلي وجيكي على نفسج والاهم اختي والله الاكثار من الاستغفار يحقق لج اللي تبينه . . . يعني مافي شي مستحيل وربج قادر على كل شيء وشدي الهمة بالاستغفار ودعميه بالجانب الطبي . . .
الحمل من ربنا وصدقيني كل تأخيرة وفيها خيرة انتي لانج نفسيا متضايقة من هالموضوع وتبين الحمل يمكن يكون سبب رئيسي لعدم الحمل الحين وميخالف لا تزعلين مني لو انتي مكان امه ولا اهله تبين تشوفين احفادج وتستانسين فيهم ماقول انج مو زينة بس هذا حق بعد يعني لو كان العكس مستحيل ترضين تضحين بعمرج مع واحد ما يجيب يهال وانتي ميتة على كلمة ماما الله يهدي النفوس >>> ماقول غير ربنا كبير ووسعت رحمته لك شي عليج بالاستغفار وقراءة البقرة والله يكتبلج الي فيه خير
اختي الله يوفقج انشالله بس انا سمعت عن علاج ما من مثله هو الاستغفاررر وربي اني سامعه عن ناس وااايد صارتلهم مثل جذي واكثر من 5سنين بس يوم راحو للشيخ قال لهم عليج بالاستغفار والقراءة سورة البقره
حبيبتي لا تيأسين من رحمة الله لأن رحمة الله واااسعة و الله سبحانه و تعالى هو الوهاب الرزاق خلج على الدعاء و بنيه صااافية و انشاء الله ربي يرزقج بالذرية الصالحة و الخلقة التامة و لا توقفين محاولات تمي روحي عند الدكاترة و لمن تلقين طريق و الله سبحانه يسد باب و يفتح بداله ألف باب و البنات ما قصروا قالولج عن أكثر من دكتور رب العالمين يقول اسعى يا عبد و انا أسعى معاك ، منصور العرف سمعت وايد ناس تمدحه و اخت رفيجتي و الله حملت بتوأم صبيان الله يخليهم لها يا رب و الله شفتهم بنفسي ماشاء الله روحي و شوفي و عندج بمستوصف القرين التخصصي الدكتور و الاستشاري فواز الهاشمي و اهو كان كبير الاستشاريين بمستشفى العدان ماشاء الله أكثر من حاله حملت عنده و سمعته الكل يعرفها أنا مرة قريت و سمعت بعد وااايد عن عسل المرشد في عسل المرأة و عسل الرجل للناس اللي يعانون من العقم المؤقت أو عدم الانجاب و اللي حالتهم صعبة شوي و الله سبحانه رزقهم و العسل جاب نتيجة و مذكور بالقرأن موفقة انشاء الله و الله يهدي الجميع يا رب
حبيبتي انا خالتي قعدت 17 سنة ما احملت وماكو مكان ماراحتلة ومرتين سوت طفل انبوب وما ضبط لين طاحت على دكتورة مهجة البدر قعدت عالجت بس 7 شهور وحملت
ماكو شي بعيد على الله .. لا تقولين لي طب ولا حتى طب بديل .. بس قولي ان الله اذا اراد شيئا أن يكم يقل له كن فيكون الله اذا كتب بيسخر لج مليون سبب .. بس انتي مثل ما قالوا البنات لا تيئسين واستغفري كثر ما تقدرين.. قولي استغفر الله العظيم عدد خلقه ورضا نفسه وزنة عرشه ومداد كلماته قوليها باليوم 100 مره , وبتشوفين باذن الله بفترة بسيطه تغيير كبير بحياتج الله يرزقكم بالضنا الصالح
عليكم السلام أول شي أنا بقولك إن مافي مشكله مالهاحل بإذن الله أنا نصيحتي لك إنك تكثري من الإستغفاروقراءه سوره البقره وقومي اليل بنيه الحمل أهم شي إنك تكوني صادقه وأنا عندي موقع بساعد المرآه الغيرحامل إنهاتحمل إذابذك راسليني ع الخاص
الله يرزقج بالذريه الصاااالحه عااجلاااا غير اجل .. ومثل ماكتبتي موضووع مضاايقج ان شاء الله نقراا لج موضووع تبشريناا فيه ان ربي رزقج الذريه .. اهم شي الدعاااء والاستغفاااار والاستعااانه واللجووء الصاااااااااادق الى الله واحساان الضن بالله ..
