مشكلتي يا بنات ماقدر انسى همومي وساعات اخطئ خطا كبير واعجز عن نسيانه واقول ياربي توبه بس ابي انسى ماقدر احس بالذنب وانا اذا حسيت بالذنب مستحيل انسى الغلط اللي سويته ا تعقدت من هالشي ماعرف شسوي هذا شي والشي الثاني فيني تناااقض مو طبيعي حتى مرات رفيجاتي يزعلون علي والسبه هالمرض مرات اقول شي ومرات اقول شي ثاني مو ثابته على راي واحد والناس يقولون عني مجنونه يعني ماثبت على راي واحد تكفون بنات افيدونياذا عندكم حل
حبيبتي احب اقول لج ما في انسان ماغلط بس اهم شيء انه ما يستمر بالغلط وبالنسبه لكلام رفيجاتج ان ما لج راي احب اقول جربي انج تكونين مستمعه مو متحدثه لان الصمت ابلغ من الكلام ولا اتعلقين علي اي موضوع من غير ما تفكرين وصدقيني راح اتلحظين انج اتعرفين رد اللي قدامج قبل لا يتكلم وصدقيني جربي وبعدها اتمن انج تقولين لي شنو صار لم جربتي انج تكونين مستمعه مومتحدثه وعلي قولتهم خيرالكلام ما قل ودل
حبيبتي انوار الحب انا فيني تناقض في كل شي مثلت قبل يومين قلت لاختي بروح لمجمع نتسوق ونتقهوى وانا خاطري اروح بعد ماقلت لها بالتلفون وسكرت قلت ياوه وشو وله لطلع مالي خلق بس حلفت لااصمم على رايي واطلع ولا قلت لاختي الي صار وطلعت في صراع مع نفسي قوي احاول اني انتصر عليه والله يعين
داومي على الصلاة وقراءة القرآن ولا تشغلين نفسك بغيرهم وراح تدعين لي ماتدرين الا استقرت حالتك النفسية وتركتي الغلط اللي تقولين عنه
حاولي تخلين رايج واحد ، قاومي نفسج ، ليحد ما تتغلبين عليها ، لا تسمينه مرض ، سميه طبع ، عشان يسهل عليج علاجه ، وعشان تعيشين سعيدة ومرتاحة مثل باجي الناس . وغيرج مو احسن منج ، اللي يشوف بلوة غيره ، تهون عليه بلوته ،والى الامام عزيزتي .
والله أنا مااعتبره مرض صدقيني احيانا الانسان يمر بضغوطات ولمن يرد ع احد مايكون مستوعب ولمن يصحى يرد رد ثاني مختلف عن الي قاله فهمي رفيجاتج هالشي وقولي لهم مااكنت مركزه المره الي فاتت بس اذا انتي فعلا جذي وعلى طول انا اقول انج تستوعبين كل كلمه تنقال وتشوفين انتي بالضبط شنو رايج بس شرط رأي صحيح لان كثر الجذب احيانا تشتت الشخص ويكون اهو مو عارف يكمل الجذب او يقول الصج وممكن لمن كنتي صغيره كانوا يسكتونج كثير يعني لاتقولين هالشي جذبي قولي امي ماادري وين يعني نفس جذي اهني الانسان تتربى معاه العادات السيئه الي للاسف تبدر من الاهل وانشالله مافيج الا العافيه
الله يعينج ترى موبس انتي انا اخس منج والله انا يتلي ايام غلطت وايد واذا غلطت احاسب نفسي مليون مرة ولا غلطات كبيره بس الحمدالله تبت وقمت اصلي لربي وراتحت بس مشكلتي اني مالي راي والله مثل ماتقولين وهذا يعود على معاشرتج للناس من اهل من ربع او صدمات انا حتى فيني حالة امتااااب منصدمات عشتها واهيا اللي خلتني اغلط غلطات وخلتني ماعندي راي واحد وخلتني مكتأبه والحمدالله شوي شوي قمت اصحصح وربي معاي ادري انه مايتخلى عن عبيده
