السلام عليكم بنات انا قصتي قصه مادري شسوي ابيكم تساعدوني بنات طبعا ام ريلي تخيلو قبل رمضان كنا رايحين لهااااا جان تقول حق ريلي طلق مرتك وانا ازوجك الي احسن منهاااا بنات تخيلو جدامي صار الحجي طبعا انا ما ادري شسوي قمت بس ابلعم تخيلو ريلي قالها ليش مرتي ما سوت شي غلط لا بحقج ولا بحقي ولا بحق خواني ليش اطلقهااا قالت بس انا ما ابيها ريلي قالها سوري ما اقدر سمحيلي تخيلو جان تقوله اختار يا انا يا اهيا ريلي قال اختار مرتي جان تطردنا من بيتها قالتلنا قومي طلعو بره تخيلو وانا مصدومه لان انا ما ضريتها ولا سويت لها شي بس المشكله ان خالاته ما يحبوني لان كل وحده من خالاته كانت تبي ريلي حق بنتها وخالاته مشيشين الام علي وعلى ريلي وانا مادري شسوي وريلي اول يوم رمضان راحلها البيت علشان بصفي القلوب ما لقاها كانت طالعه دق عليها ما ترد جان ادزلها مسج ما ردت عليه وانا مادري شسوي والله والمشكله الكبيره ان من صارت السالفه وريلي متغير علي صاير على اي شي يصرخ وتخيلو البنات اليوم كان عندي مراجعه قالي سالي الموظف عن شغله قتله ليش انا ادري ليش اساله قالي ساليه قمت واسالته تخيلو بنات قام يصرخ علي جدام الموظفين والموظفات يا الغبيه يا صخله انتي طول عمرج بقره فشلني وانا ما سويت شي غلط والله ويوم ركبنا السياره انا قتله ليش تقولي جذي جدامهم فشلتني قال سكتي بس وقام يسبني ويسب اهلي ويطب بشرفي سواني بيزه ما اسوه قمت انا ادافع عن نفسي اتكلم قالي سكتي ما سكت لاني ما غلطت بشي والله يعني ليش اسال الريال وانا فاهمه كل شي تخيلو بنات كنا عالبحر صوب اشاره شرق وزحمه وناس جان اطقني طراق جدام الناس وانا ما سويت شي غلط والله علشان قاعده ادافع عن حقي اطقني وبعدين قمت ابجي ولا بنص الطريج قالي بتسكتين ولا شلون انا ما سكت جان يمسكني من شعري حيل ويقولي سكتي ( انا سفور مو متحجبه ) بنات مادري شسوي وانا الحين بيت اهلي وما اقدر اقول شي حق امي لاني يوم كنت بيزوج كانو اهلى رافضين وانا تحديتهم وخذيته لان زواج حب يعني اذا قتلهم بعايروني ساعدوني شسوي انا الحين قاعده عند اهلي وما يدري عني شسوي قولولي :sad_smile: :sad_smile: انا اخاف امه سوت شي علشان يكرهني تهقون يعني
أختي معلش احس اللي قاعدة تقولينه كأنه فلم الام فاجأة ما تبيج الزوج فاجأة يقلب عليج والمصيبة اسلوبه الحقير لما يغلط عليج جدام الموظفين الرجل التكانة العاقل الفاهم يعرف ان كرامته من كرامة مرته ولا يهينها جدام الغرب وبمكان عام إلا اذا مسويه شي منكر وقوي . . . الظاهر انتي طحت بعايلة :thumbs_down: ربي يعينج وقولي لامج وابوج عن اللي سواه لانه صج صج عيب والاهم انه حرام في حق نفسج تتحملين هالاسلوب . . . ولازلت منصدمة من اللي مسويه وسواه فيج :75_75:
الله يسامحج يا ام عبدالله انا كاتبه المشكله علشان تساعدوني مو علشان تطنزون علي بس الله كريم مشكوره وما قصرتي والام اساس من اول الزواج واهيا ما تحبني تقط علي حجي وانا احقرها اطنشهاااا بس هالمره مادري شفيهااا علي قلبت وريلي انا خايفه سوت شي حقه لان حتي يوم ريلي تهاوش معاها قالها انا اول مره اشوف ام ما تحب السعاده حق ولدهااا انا مرتاح معاها وانا ما سويت شي غلط بس اهوه صاير ما يتقبل مني شي كلش
انا بعد مستغربه شنو سبب كرة اهله لج ؟؟؟؟؟؟؟؟؟؟؟؟ ممكن توظحين عشان نحاول نحل هالمشكله مع بعض وجم صارلكم متزوجين :75_75:
حبوبه بالاساس امه ما تحبني من اول يوم تزوجنا بس كانت معاي عادي عرفتي وكانت تقط علي حجي بس اتسوي نفسها تضحك وانا كنت احقرهاااا ما ارد عليها علشان ريلي وصارلي سنه وشي بعد جم شهر اكمل سنتين
حيااااتي اللة يعيينج بس اهم شي انتي تقولين ماخذته عن حب هو هاذا يعني سبب كرههم عدل ؟؟؟ شوفي انا بقولج شي دام امه حطته بين خيار وااحد ماله ثااني يا انت يا اهي طبعا اهوو مسكيين انا حاسه فيه بهالوقت ودي اوضحلج يمكن صح احساسي يمكن مو صح اهو مضغوط وبيضغطج معاه تحملتيه كان بها بيحس انج فاهمته ومقدرته وحابته وبيحاول يفرضج عليهم غصب لانج ماتخليتي عنه واما اذا ماتحملتيه راح يقنع نفسه ان مثل اهله ماراح يلقا واهم صح وانتي غلط وراح يحسبج غلطه فا انتي كوني ذكيه ولا تخسريه ميخالف تحمليه وامه اليوم ولا باجر بترضا دامج مريحه زوجج ومداريته صدقيني ماراح تقدر تهزه وتعوذي من ابليس وردي بيتج صححي اغلاطج دام الكورة بعدها بملعبج اتمنى اني اكون وصلتلج المعلومه
هلا أختي انا منصدمة من اسلوبه اللي فعلا ما يسويه الا رجل مو مضبوط ولايحشم بنات الناااس والله اني فعلا مصدومة منه شلون يغلط عليج جدام العالم والغرب كأني اشوف فلم يعني مو قصدي كلامج مو صج لا اقصد ان الموقف قووووي جداااااااااااااااااااا وامه هذي على خواااتها الظاهر ما يعرفون يحشمون بنات الناااس قعدي ويا زوجج وقوليله اصبر ومرد امك بتتقبل وجودي الموضوع يبيله صبر وهالشي يبيله وقت ولاتنسى اني تزوجتك رغم رفض اهلي وحرام عليك اللي تسويه فيني وربي مايرضى هالشي انت بترضى امك لكن ربك شلون بترضيه وانت قاعد تطلع الحرة فيني وتظلمني بمعاملتك شلون
ياقلبي الله يعينج انا رايي مع ام عبدالله حاولي تقعدين معه وتفاهمين واذا كان معصب لاتحاولين تكلمين معه بشي حاولي تصبرين لما يهدى عشان ماتخسرينه ولاتذكرينه بهالمشكله حاولي تخلينه ينسى واهو معاج بالبيت واهم شي تقولين له ارضى امك قبل كل شي وصدقيني يروح لها اكثر من مره والله يهديها
الله يكون بعوونج بقولج شغلااا الرجال مضغوووط وامه مو شي هين عنده حبيبتي حاولي قدر المستطااع تنسين الي سواه ووتتووددين له تمسكني لين تتمكنين وعطيه حنان وهووو قاسي عليج دزيله مسجات حب من كلامج مو مكررة ووو دزيله مسج فيه كلمه وحده احبك انتووو عن حب يعني مو بسهاله يتركج وامه مو سهله بس انتي خليج الاحسن عشاااان يعرف انج مضلومه بكل الاحوال ووالله يكون بعونج
شوفي اختي انا فهمت منك ان اهل الرجال مايبونك مع ان الأم كانت عادي علاقتها وفجأة قلبت عليج معناها إن الأم حد مشيشها والظاهر من خواتها...وزوجك والله موقفه فقير شكله محششين راسه...صار اللي صار...نجي للحل: انتي الحق معك ولاتحاولي تتصلي بزوجك ولاترسلين له خليه شوي ومن نفسه راح يهدى وأكيد انشاءالله راح يتصل أو يرسل....انتي شنو راح يكون دورج:اطلعي معاه بمكان وتفاهمي معه ونصيحة لاتجيبين طاري اهله بالشين خليه يحس ان الذم منهم والمدح منك وبعدها ان رجعتوا وردت العلاقة تقربي من امه بالهدايا....لاكسبت الأم كسبتي الرجل دعائي لج الله لايفرقكم عن بعض ....تقبلي مروري
