السلام عليكم خواتي شحالكم شخباركم عساكم على القوة أنشاء الله أنا عندي استفسار أو سؤال وأنشاء ألقا الحل عندكم الموضوع أنه عندي عقب ولادتي بأولادي بطن مترهل ماتخيلون الشكل أستغفر الله اللهم لاأعتراض بس بغيت أصلح من شكله , وعلى العموم أنا عندي سته الله يخليهم ويبارك فيهم أنشاء الله قولوا ماشاءالله المطلوب إلي تعرف حل لا تبخل عليه والله أدعيلها بكل صلاه ومشكورين طولت عليكم
الله يعين البطن من أول ولاده إن حافظتي عليه خلاص أظمني بالولادات التاليه يتصلح والحين الله يعينج مالج بكل دوره تسوين نظام فيافي وغير أيام الدوره تسوين رياضة البطن مع لبس الكورسيه عند الاكل بكل وقت وتبتعدين عن العيش والمعكرونيه والمعجنات ....................وخلال اربع شهور تلقين بطنج بضهرج إن شاءالله
انا اكلمج عن تجربتي انا عندي 5 ولله الحمد والمنه كرشتي كااانت دققي بكلمة كااانت تلوع الجبد شكلها ارف ارف بس حريم وعجااايز واااجد قالولي كل يوم فوحي ماااي وشاي اخضر وزنجبيل واشربيه يوميا هي الي تشد البطن وجسمج كله والله ياااختي لوتشوفين بطني ماتقولين متزوجه وعندي عيااال حتى بالعرووس يخطبوني ولما اقولهم اني متزوجه وعندي عيااال يقولون مومبين عليج شكلج وبنية جسمج بنوووته والله بفضل ربي والزنجبيل ساااعات افوحه بروحه واشربه عادي من غير سكر نصيحه لوجه الرحمن سويها وادعي لوخيتج الشاامخه
مشكوره أختي الشامخه والله أنج صدقتي عسب الشكل أعوذ بالله أحيانا أتمنا لو كنت بيت في بيت أبويه بس الحمدلله على كل شيء ومشكوره وماقصرتي
