السلام عليكم انا بحالة انهيار وانا اكتب قصتي ومعاناتي,انا متزوجه سارلي سنه وشي حلو , احب زوجي ودايما احاول ارضيه اسوي كل شي بس عشان ارضيه , اهو يخوني من اول شهرين من زواجنا بالتلفون , وبعد ما حملت ووصلت للشهور الاخيره اكتشفت ان خيانة لي تطورت حيل وتعد التلفون بوايد, مع انا مو ناقصني شي بس ابوه واهله جذي يخونون حريمهم المره عندهم رخيصه,المهم انا كنت متحمله وصابره واحاول اني اغيره والله اني يوميا ابجي عايشه بعذاب مو طبيعي . ومع كل هذا اهوا يشك فيني وبدون دليل مره اتهمني ان عندي ايميل واحاجي فيه شباب واهو يعرفهم وانا كنت ابجي واحلفله ان ما صار هالشي واهو قالي بطوفلج هالمره , وقبل اسبوع الايقو مالي انقطع خلص اشتراكه حلو، وصله مسج من وحده كاتبه < قلبي الايقو مو راضي يشبك واحبك ومن هالحجي جان يتهمني اني انا اللي كاتبته ودازته له بالغلط يعني عباله انا دازته حق واحد ويهددني بالطلاق انا حلفت له وقلت له مو لي ما في شي يثبت انه لي , جان يقول امبله وصل المسج من خط الايقو , انا هني انصدمت , اخته تستعمل الايقو مالي وايد فقلت اسئله يمكن اهيا دازته دام السالفه وصلت للطلاق طبعا انا شكيت فيها لان اهيا لها بهالسوالف وعندها تلفون ثاني قالت لا وبعدين قالت دزيلي المسج و جان ادزه لها وتقولي مو انا اللي دازته ,جان ادق عليه واقوله جذاب عيل المسج مو واصل من خط الايقو جان يقول ما وصلني من الايقو لا وصل من رقم ثاني , , وانا كنت عند اهلي يومها ثاني يوم جان يدق يعتذر ويتأسف ويقول انا تعبان وردي ومن هالحجي وانا عمري ما دخلت اهلي بمشاكلي ولا عمري شكيت لهم . المهم رديت له ويوم رديت قلتله دق عالرقم اللي دز المسج واسئله , جان يقول دقيت وطلعتلي وحده وقالت انها غلطانه ,بس اهو ما صدق عباله انها رفيجتي وانا قطيت التلفون عليها, قلتله طلع بيانات الرقم , جان يقولي انه بدون بيانات المهم مرت الاسبوع وامس انا زرت اهلي ونمت عندهم , قبل الفطور دز مسج مشتاقلج ومن هالحجي وبعد الفطور بجي اردج , بعد الفطور بدقيقه دق علي معصب طبعا انا ساكنه مع اهله بنفس البيت وابوه كان مسافر يوم سالفة المسج حلو , دق معصب يقول خواتي راحو حق ابوي ويعايروني فيج ووروه المسج وما عطاني فرصة اتكلم قالي انتي طالق قلت له حرام عليك بيننا ولد قالي انتي طالق, انت مت من البجي مو حبا فيه لا , ابجي لاني انظلمت بدون سبب واهله قامو يسولفون بشرفي ابجي لاني على كثر ما تحملته على كثر ما ذلني ودقيت على ابوي وقلت له كل شي , وابوي حاول يهديني منصدم ان مشاكلي واصله لهدرجه وانا ما عمري تكلمت.حسبي الله ونعم الوكيل فيه. تكفووون عطوني حل لمصيبتي لاني مو عارفه افكر , لا تبخلون علي بردكم
حياتي لازم تدخلين احد فاهم ؤكبير بالعمر مثل ابؤج ؤامج بالسالفه دامها ؤصلت للشك .. ؤاخرتها يطلق !! الله يهؤن عليج يارب ؤيعينج على مابلاج يارب ..
هلا اختي . . . خلي ابوج يتفاهم ويا ابوه وياريت بحضورج علشان تفهمين ابو ريلج السالفة . . . اللي صار صار لكن اهم شي يفهمون اللي صاير بالضبط شنو وبعدها خليه مرده بيتصل وبيردج . . . وربي يكون بعونج يااارب
حسبيالله و نعم الوكيل الطلاق صااار لعبه خليييه مرده بيرد لما يعرف ان بنت ابليس اللي يخووونج معاها ماراح تنفعه و بتخوونة أول و تالي ولاتشيلين هم دامج بيت اهلج باجر اهوة اللي بيتحسف واذا يبي يردج شرطج شقة بروحج دام اهله من اول سنة جذي تالي العمر شلون بتتحملين الله يهون عليييج ادعييله الله يهدييه بهالأيام المبااركة وربي يهديج و يحفظ ولدج لج آميييين >> لاتبجين ولا شي نصيب و الله كاتب كل شي ..
مشكووووورين على ردودكم جزاكم الله خير انا مصدووومه حيل من اللي قاعد يسير معاي, قاعده افكر اني ما ارد لاني بسرعه هنت عليه
لا حول ولاقوة الا بالله هالسوالف مافيها الا انج تدخلين احد كبير بهالسالفه وحسبي الله عليهم هو واهله اللي ما يخافون ربهم : )
انا قلت حق ابوي مشكلتي والله كريم انشاءالله مشكوووريين على ردودكم ادعولي ان الله يفرج همي وتنحل مشكلتي
اقولج الصج اول شي الرياييل كلهم نفس الشي يخونون عادي عندهم المفروض تتعودين ثاني شي اذا انتي تبينه وحيل متمسكه فيه وتحبينه رديله ودقين عليه تقوليله شوف يا ولد الحلال انا شاريتك وابيك بس بشرط نفتح صفحه يديده لان ابوج وابوه ماراح يسوون شي دقي عليه واتفقي معاه على هالكلام وشوفي رده اذا ما يبي خلاص الي يبيعج بيعيه واذا انتي ماتبينه صدقيني الله فكج منه ولا هاذا منو يقعد معاه واذا تحاتين ولدج لا حبيبتي لا تحاتين باجر ولدج بتزوج وبفتحله بيت ابشنو بنفعج يا قلبي هاذي سنة الحياة تربين وتكبرين بالاخر يروحون يشوفون حياتهم وبعدين الغلط مو منج منه اهوا جربي نصيحتي وانشالله تنصلح الامور ورديلي خبر حبيبتي لاني احاتيج وحاسه فيج
كلامج صحيح بحاول فيه وانشاءالله القى حل , والله مشكلتي معقده صار اهو واهله علي , الله كريم انشاءالله و حسبي الله ونعم الوكيل
الله يصبرج ويعيني الرجال مالهم امان اناجربت نفس تجربتج الخيانة بس انا اقهرة مثل مايقهرني اقط علية كلام ادزلة مسجات تقهرة حبيبتي لازم احد يتدخل بينكم مثل ابوج اخوج الكبير اي احد اهم ويكلمونة مردة لج لو يلف الدنيا مايلقى نفسج ربي يمهل ولا يهمل الله ياخذ بنات الحرام ويبعدهم عنا قولوا امييييييييييييييييييييين
