مطلوب شريك ممول لمشروع حظانه في الجهرا

السلام عليكم
مطلوب شريك مول لمشروع حظانه في الجهرا
انا عندي المدرسات والاداره وكل التفاصيل مسويتها بدراسه جدول
والمشروع مربح جدااااا فوق ما تتخيلون لا تحاتون بحيل الله الربح مدروس بشكل ممتاز وانتو عارفين رسم الكورس حق الجهال يختلف...
وعندي خلفيه عن الموضوع كافه
واللي تبي تشاركني ارجو انها تراسلني
تحياتي

هلا اختي . . .

وموفقة خير . . .

اسمها دراسة جدوى . . .

وجم التمويل الي محتاجته وشنو الضمانات
والحضانه بتكون بمكان اجار او ملك؟؟

ياليت التفاصيل

وبالتوفيق

اي والله ياليت التفاصيل اذا المبلغ مقدور علية انا اشاركج

السلام عليكم
البيت بناخذه اجار ويعتمد علي حسب المنطقه لان ابيه يكون في العيون او النسيم او القصر
ويكون مساحته زينه وعدد الغرف فيه زين
واذا ملك ماعندنا مشكله توفر قيمه الاجار لان الحين قيمه التأجير اهيا المرتفعه البيت صار 1500 اجاره حق الحضانه وعشان الموضوع احنا نسوي عقد اجار لمده 5 او 6 سنوات وندفع اجار مقدم 7 اشهر
علشان نبتدي صح ونتجنب الضغط علي مدخول الحضانه اول شي
والاداريات والمدرسات والخدامات والباص والسايق والديكور والالعاب والقرطاسيه وادوات مكتبيه
والخ من كافه المتطلبات
مبلغ 20 الف دينار
ونكون شريك 50%
وبالنسبه لدراسه الجدوي اعتذر عن البدليه متوفره
والله يكتب اللي فيه الخير
حقنا وحقكم

انا ابي اسوي بس في القرين

بعيده حيل فديتج
وبعدين
شغلي في الجهرا والرسوم تمام ولله الحمد ما عندي دراسه عن الموضوع في القرين
او في المنطقه العاشره عموما
الله يوفقج فديتج
وتحياتي

يعني الشراكة تبينها بعشر آلاف ؟

والايرادات على حسب دراستج بعد اشكثر اخذ الربح ؟؟؟

يعني الحين

اذا بدخل شريكه بحال اقتنعت بدراستج وابعادها ودخلت بعشرة

شنو الارباح الي راح تطلع لي ومتى استلمها سنوية او شنو؟


ومشكورة على سعة البال

وبالتوفيق

اذا المبلغ عشر الاف ومده العقد 5سنوات وتالى تردين فلوسي ووزياده ولا اشلون وشنو تكون وضيفتى معاج بس شريكه وبس واستلم معاش شهري ولا اشلون

حبيبتي
الدراسه اللي مسويتها رح اودي حق اللي تبي تشاركني
المبلغ اول شي 20 الف
تنقصين 8 او 9 قيمه اجار البيت لمده لا تقل عن 8 اشهر مقدما
والباقي تامين رواتب واعلانات وديكور وتجهيزات الشراكه فحيل اللله طول العمر
والعقد 5 سنوات حق البيت اللمراد اقامه الحظانه فيه والعقود قانونيه
سواء شراكه او اي شي كان
الارباح سنويه
وكشف الحساب شهري
انت شريكه بس في المبلغ
في حال تبين المبلغ كله يتم الاتفاق علي اعاده المبلغ مع الارباح في خلال مده لا تزيد ولا تقل عن 6 سنوات وبالتالي تكون خروج الشريك من الحظانه عند استلام اخر مبلغ مع الارباح
وفي هذه الحاله يكون استرادا راس المال بالزياده
انا علي الجهد والاداره والعمل مع طاقم عمل متميز من الادرايات والمدرسات وحتي العماله الاسيويه وكل امور الحظانه انا اتكفل فيها ودعم المسيره والتجاح
ودورك يكون فقط مادي ...
وحياكم الله لكل استفسار