معقولة يكون هالشي عين و مو مرض عضوي!؟!

السلام

بناااات شلوووونكم؟؟

بصراحة انا عندي مشكلة ومالها حلللللللل وحابة اعرضها عليكم

الله يبعد عنكم الامراض والشر امين

بنات صارلي7 سنين من سنة 2002 صار فيني قصر نظر

ولبست نظارة وعدسات وكان الوضع عادي اشوف وتصير الصورة واضحة وصافية حالي حال اللي فيهم قصر نظر

لكن بعدها بسنتين صارت الصورة مشوشة ... بنات الصورة مو مغبشة لكنها مشوشة - يعني لمه البس نظارة او عدسة اشوف الارقام والملامح وكل شي واضح بس الصورة موصااافية مشوشة والتشويش هذا يبين بالظلمة اكثر + اشوف ومضات ضوئية نفس الفلااااش

المهم من بدت هالمشكلة معاي من 5 سنين رحت حق وايد دكاترة معصومة حبيب و بهبهاني و دكتور كان ياي مستشفى هادي بعد من بره الكويت

وكلهم فحصوا الشبكية والقرنية وقاع العين والاعصاب وقالولي مافي أي شي وعطوني قطرات وحبوب لكن هم ماراح

واللحين كل سنة عن سنة قاعد يزيد علي وبصراحة مليت من الوضع تعبت نفسيا ورحت الاسبوع اللي طاف حق الدكتور عبدالله المنصور ونفس الشي سوالي فحوصات وهم ما في شي!!!!!!!!!!

بنات حدييييييييييي متأزمة كل الدكاترة يقولون ماكو شي بس انا قاعده اعاااااني فعلا من عيوني

وسواء لبست نظارة وعدسة والا مالبست التشويش والومضات موجودييين بالحالتين وهذا معناته في مشكلة بالعين مو بالعدسة والا بالنظارة

مع العلم ان نظري وايد ضعييييييف البس عدسات -5.50

اللحين قلت بسوي عملية الليزك يمكن بهالعملية تروح هالاعراض هذي وتختفي!؟! وهذا مجرد تخمين من عندي يعني

بس بنات شوروا علي شسوي اعاني من عيوني بشكل مو طبيعي وكل الدكاترة يقولون مافي شي

اللحين بديت افكر يمكن عين

لان عيني ماشاءالله واااايد تجذب الناس من ناحية لونها وايد فاتحة ورموشي طوال وعيني بالذات الشي اللي يجذب فيني

مادري افيدوني؟؟؟

حبيبتي ماتشوفين شر وانا اتوقع عين لانه هالايام كثر الحسد ومافي احد يذكر ربه اذا عجبه شي وانا الصراحه من تزوجت وكل تعبانه واذا طلعت من النفاس زوجي يتغير علي ماله خلق ويصير معاي نزيف وحالتي حاله وعقب مااروح اقرا انا وريلي سبحانه الله مافيني الا العافيه روحي حق مطوع معرف واقري عنده والله يشافيج

سوري بدليه روحي حق مطوع معروف

اختى ماتشوفين شر والله انا اختى نفس الشى وسوت الليزك والحمد الله وايد تحسن نظرها الله يتمم عليها انشالله وحدة بعد من جماعتنا سوتها والحمد الله الحين ماصارت تلبس نظارة تخلت عنها والله انا شى شفته يعنى على اختى وقريبتنا وحبيت اقولك توكلى على الله وسويها وماتشوفين شر مرة ثانية

هلا أختي ارقي نفس وداومي على قراءة سورة البقرة
وهم بعد روحي بره الكويت وشوفي عيونج يعني خلج على الجهتين قراءة وعلاج طبي
وربي يشافيج ويعااافيج يااارب

اقراي باستمرار سورة البقرة وياسين وان شاء الله لو في عين كلها تروح وما تشوفين شر

سلمت ما تشوفين شر العين حق ومذكوره فى القران شوفى لك شيخ يقرأ عليك وفى نفس الوقت روحى حق الدكتور اذا كانك كويتيه وتقدرين تحصلين على خطاب من الحكومه للمستشفى الملك خالدللعيون فى الرياض فيه اطباء مرههههههههههههه ممتازين وان شاء الله ربى يرد لك النظر على ايديهم اذا كان فى عيونك شئ

سلامتج ماتشوفين شر
واضح انها عين ارقي نفسج وداومي على الرقيه الشرعيه

الله يشافيج