صباح الخير خواتي كيفكم انا توني جديدة عندكم ويارب اكون خفيفة وافيدكم وتفيدوني حبيباتي الله يسلمكم بغيت معهد او نادي صيفي تعليمي للاطفال ويكون راقي ونظيف في فترة الصيف الله يخليكم اللي تعرف تكتبلي الاسم وباي منطقة ورقم تلفونهم واسعارهم بليز واكون شاكرتلها
واشدعوة بنات ابي فزعتكم ونصيحتكم لي وين تفاعلكم ان شاء الله بقضي شهر بالكويت ودي ادخل عيالي في نادي صيفي تعليمي وترفيهي بنفس الوقت ابيهم يسوون انشطة يعني يكون فية مثلا ايام تعليم سباحة وكراتية وكرة قدم وسلة ورحلات ويستانسون مع الاطفال مع الاهتمام بجانب التعليمي سمعت ان احلى شي بحولي والسالمية وفيه اسم مدرسة الكويت العالمية على ماظن بحولي وعندهم برنامج وانشطة هذه نظيقة وراقية وامان بنات والا لا ؟ وشتنصحوني فية ؟ عموما اعمار عيالي 6 و7 سنوات وانا بحثت بالنت لقيت بعد نادي الاطفال التفاعلي وقريت اسماء كثير بس بجد مادري وين اوديهم منو عندة خلفية ومفترة على النوادي وعارفة شنو الزين و اللي موزين افيدوني تكفوون
حياج الله بالكويت يالغاليه عندج بنات والا صبيان؟ بالنسبه لي بنتي كل سنه اشركها بنادي فليكـس اللي في بنيد القار وااااااااايد راقي ونظيف وحلو وفيه سباحه ورقص باليه ولعب وتتعرف على البنات اما الاولاد ادخلهم جمعية الاصلاح عندهم نادري بالروضه كلمة روعه شويه عليه بعدين انتي بتوزورين الكويت بس شهر ليش بتشركينهم بنوادي؟خليهم معاج وطلعيهم كل مكان من العاب ونوادي بحريه وروحوا الاكاوابارك للسباحه ربي يوفقج وتلقين اللي يناسبج
الله يحييج اختي المزايين ومشكورة على تفاعلج وياي يالغالية ويووفقج ان شاء الله انا عندي ولدين الله يحفظهم المشكلة انا بحكم جياتي قليلة ف ماعرف اماكن سياحية للاطفال واجد بالكويت الاكوابارك حاطتة من ضمن البرنامج بس وين تقصدين العاب ؟ انا اعرف ماجيك بلانيت بالافنيوز وبروي وحديقة الشعب والمدينة الترفيهية بعيدة ماحبها ودسكفري ماعجبني واجد والمركز العلمي مرة وديتهم له فاذا تضيفلي اماكن بكون شاكرتلك والله وين النوادي البحرية اللي تقصدينها
افا عليج ماطلتي غالي عندج الآتي هههههههههههه حديقة الشعب/الافنيوز/سوق شرق فوق يم السينما/مجمع المهلب هم فوق يم المطاعم/كويت ماجيك/البيرق/كارتون نوت وورك بجمعية الشرق/حولي بارك/اكوابارك/مجمع الاوقاف بشرق/وديهم سليل الجهرا صج بعيد بس وايد حلو لليهال واذا تقدرين اخذي لكم شاليه هناك تستانسون/شاليهات الخيران /على البحر اغلب المطاعم عندهم العاب لليهال منها تعشينهم ومنها تلعبينهم/وسلامتج وحياكم الله بالكويت
هلا وغلا وحياج بالكويت وحديقه الحيوان بالعميريه وحلوه بتعجبكم انشالله ومثل ما قالو لج الاماكن وبعد عندج مجمع 660 فوق في صاله العاب بعد حلوه وسينما ومثل ما قالت عن سليل الجهرا انا شفته حلو وفي صاله العاب وكبير وفيه شاليهات ومطاعم وقهوه راح تستانسين انشالله ,
عفيه بنات انا بعد ابي نادي لعيالي الصيف شطوله وبحكم احنا هالسنه ماورانا سفر قلت اشركهم نادي منها يستانسون ويستفدون انا بالمنطقه الرابعه
