السلام عليكم ورحمة الله وبركاته هذا موضوع لمعرفة أراء الأعضاااء وعقليتهم وثقافتهم من خلال الأجابه على السؤال واتمنـى من الجميع التفاااعل والمشاركه... أول شي انا اكتب لكم سؤال مع او ضد... ولي بعدي يجاوب ويقول السبب وبعدين يطرح سؤال من عنده.. ولي بعده يرد ويحط سؤال من عنده ........الخ أتمنى أن يحوووز على إعجابكم وتفاعلكم يلا نبدأ مع أو ضد زواج الأقارب
بالنسبه لي انا ضد زواج الاقارب لان اكثر شي زواج الاقارب يسبب امراض وراثيه وما ادري احس موحلو الوحده تاخذ واحد يصيرلها من الصغر واهي امجابلته بعد تعيش معاه العمر كله احس السالفه بايخه مع او ضد سفر البنت بروحها؟؟
اجااوب على سؤال مي مي انا ضد وبقوه سفر البنت بروحها اولا شرعا مايجوز ثانيا مجتمعنا مايرحم وثالثا خطر سفرها بروحها لان البنت مهما كانت قويه فهي ضعيفه قدام اي مشكله تواجهها وهذا دليل على قوة ديننا وان كل شي يفرضه ورااه حكمـــــــــــــــــــــــــــه وسؤالي : هل صحيح ان الخيانه زايده هالايام وخصوصا مع الازواج اللي حريمهم مو مخلين قاصر والا انا غلطااانه ؟:75_75:
حبيبتي الريال بيخون زوجته سواء مقصره ولا لا هم الرياييل فيهم طبع الخيانة سؤالي ؟؟؟؟؟ هل انتي مع او ضد الرجل يتزوج زوجه ثانيه حتى لو زوجته ما مقصره معاه في شئ بس مجرد يرغب بزوجه ثانيه؟؟؟؟
السلام عليكم اناضدزواج الاقارب يقول المثل (رح بعيد وتعال سالم) وضدسفرالبنت بروحها فيه خراب لهاوتمردالاللضروره مثل الدراسه اوزيارة الاهل اكيد عادي وضد زواج الزوج من وحده ثانيه لالن صاحب بالين جذاب بس قولولي شرايكم بالي صاير الحين الامهات وهم موكفوا الكلمه الي يعتمدون اعتماد كلي على الخدم في تربيت اولادهم لدرجة يمر يوم اواكثر حتى ما شافتهم ولاتطمنت عليهم بذمتكم اشرايكم؟؟؟؟؟
وااااااااااي الصراحه ما عندها ضمير ولا احساس يعني اذا انتى مو قد اليهال شكو تيبين ولا بس زياده عدد حرام اليهال شنو ذنبه ينحرم من حنانج شنو رايج بالزوج الي ما يخلي مرته تطلع بروحها او مع رفيجاتها ؟؟؟
مع الزوج اللي مايخليها تطلع مع رفيجاتها ومن حقه غادي يمكن يخاف عليها تدرين هالايام الحريم يؤثرون على بعض وحده تخرب بيت الثانيه:52_52: مع او ضد الزماله في الدوامات بين المره والرجل؟؟؟؟؟؟
لألألألألألألألألألألألألألألألألألألألألألألألألألألألألألألألألألألألألألألألألألألألألأ انا ضد الاختلاط في العمل الواحده تستحي من اي كلمه ممكن تفهم غلط واحنا نخلص الشغل اسرع منهم وبعد كل ما الواحد يدش عليهم على طول يحشون في الحريم هاذي لابسه ضيق وهاذي قصير وانا شخصيا ممنوع اشتغل في مكان فيه رجال وهذا القرار من الزوج العزيز:mskket:الله يطول بعمره:emoticon_U:مع انه في الدواه شكثر حريم وجميع الموديلات اللي نافخه واللي شاده اقوله ليش انت عادي وانا لأ يقول انا بعد اللي اسمعه من ربعي بالدوام عن الزميلات يخليني لو اموت ما اشغلتش في مكان فيه اختلاط:sad_smile::sad_smile:مع او ضدالسكن الزوجه مع زوجها بيبيت العيله
مع السكن مع الحمولة انا احس انه احسن من الشقة بروحج وكافي اني ماابعد الام عن ولدها بس بشرط انه يكون لها شي خاص فيها بالبيت ... مع او ضد انج تكلمين وتطلعين مع زوجج بوقت الملجه ؟؟
اذا المتزوجين كبار بالعمر انا مع الانجاب ورا بعض اما اذا صغار بالسن انا ضد هالشي.. مع او ضد سفر الزووج للخارج بدوونج ؟؟
