مع منة اطباق مصرية صحية

كل عام وانتم بالف صحة وخير
حبيت افيدكم حبيباتى باكلات مصرية مفيدة وصحية
واللى محتاجة اى وصفة تدش لى وتسأل سؤالها ولو حبيتى اسويهالك من عينى حبيباتى
اللهم بلغنا رمضان​

مشاركتى معاكم النهاردة عن وصفة من وصفات الطبخ المصرى

المقادير

- كوب عدس اصفر
- 2 كوب ارز مصرى
- 3 بصلة كبيرة او 4 بصلات
- زيت لتحمير البصل كل واحدة تختار كمية الدهون الناسبة لها بس المهم تكون كافية لتحمير البصل
- كيس مكرونة صغيره ( إختيارى )
- نصف كيس شعرية
- عدس بجبة ( إختيارى )
- الصلصة
- سلطه خضرا

الطريقة

. يحمر البصل فى الزيت جيدا الى ان يصبح غامق اللون أخد نصفه و أرفعه و أصفيه جيدا على ورق مطبخ


. والنصف الاخر أزود له ماء وملح يكفى لسوا الارز والعدس (ما تكتريش المايه علشان مش يعجن منك )

. لما تغلى المايه نخلط الارز مع العدس الاصفر ثم يتم وضعهم فى الماء ونظبط الملح ونغطى علية ثم بعد ان يتشرب معظم الماء نخفف النار علية علشان مش يشيط



. يحمر قليل من الشعرية الى ان تصبح بنى فاتح مع تجانس اللون ثم نضيف ماء و ملح حتى تستوى ونصفيها بمصفاه ونضعها فى طبق التقديم



. نحمر المكرونه وبعدين نضيفلها مايه وملح وزيت لحد ما تتسلق ونصفيها

. ونسلق العدس بجبة ويفضل ان يكون منقوع فترة ويسلق فى ماء وعليه قليل من الملح والكمون


. مقادير الصلصة

- 3 فصوص ثوم
- علبة صلصة كبيرة
- ملعقتين خل او ثلاث ملاعق
- ملعقة كبيرة زيت

الطريقة

-نضع الزيت على النار ثم الثوم الى ان يبدا فى الاحمرار نضيف الخل
- نضيف صلصة الطماطم وتترك حتى تسبك قليلا ثم نضيف المل وشطة خفيف
ثم نضع القليل من الماء
بس بلاش نكثر الماء علشان الصلصة متبقاش خفيفة




. نعمل سلطه خضرا



نعمل طبق ونحط فيه من كل حاجه وهيكون بالشكل ده وبالهنا والشفا



ودى السفره


.

وده كمان طبق





يارب تكون عجبتكم

أرز السمك البنى

المقادير :
مقدار من أرز/ بصلة متوسطة و مفرية / زيت / ملح / فلفل أسود / كمون /فصين ثوم مفري

الطريقة :
·يقدح الزيت و يضاف إليه البصل المفرى و يحمر به حتى يصبح لونه بنى غامق
·يضاف الأرز و التوابل و الثوم و يقلب مع البصلة جيدا .
·يضاف الماء و يترك حتى يصل لدرجة الغليان ثم تهدأ النار و يترك حتى ينضج .

الكشري المصري

المقادير:
1كوب عدس اسمر/ 1كوب أرز مصرى/ 4بصلات مقطعة حلقات/ 3حبات طماطم

ملعقة صلصة/ معكرونة مسلوقة/ ثوم مفروم/ ثلث فنجان خل أبيض-فلفل حار أو رومى/ حمص مسلوق
الطريقة:طريقة الكشرى :
يسلق العدس نصف سليق
نحمرالبصل فى الزيت حتى يصبح لونه بنيا ثم ينشل من الزيت ثم
يوضع الارز المغسول على الزيت و معه العدس و يقلبان ويوضع عليهم الملح و يغطى بالماء و يترك لينضج
تشوح المعكرونة المسلوقه فى قليل من الزيت مع الملح و الفلفل الاسود و ذلك قبل التقديم مباشرة
طريقة الصلصة:
1-يدق 4 فصوص من الثوم مع الفلفل و يحمر فى قليل من الزيت
2-تبشر الطماطم بمبشرة البصل و توضع على الثوم مع ملعقة الصلصة
3-يوضع عليهم الخل و الملح و الفلفل و يترك على نار هادئة لحد ما تتسبك

طريقة الدقة:

1-يدق حوالى 4فصوص من الثوم
2-عصير ليمونتين
3-خل - ملح - كمون - فلفل أسود
4-توضع جميع المقادير على بعضها و تخلط جيدا
عند الغرف نضع اولا الارز و العدس ثم يوضع عليه المعكرونة ثم الحمص ثم الصلصة ثم البصل على الوجه و الدقة حسب الطلب

على فكرة انا بضع الوصفات بالصور ولكن مو بتطلع الصور ماادرى ليش

شوربه العدس ><><><><>المقادير :كوب عدس اصفر & 1بطاطس & 2جزر & 2طماطم & بصله مفرومه & ثوم مفروم & عود كرفس & ملح وفلفل & ملعقتين زيت & شعريه محمره ( اختياريه)

الطريقه :نضع اناء على النار فيه الذبده ونضيف البصل يتشوح ثم الثوم ثم نضيف اليه البطاطس المكعبات ونقلب جيدا ثم نضيف العدس المغسول ونقلب ثم نضيف الكرفس والطماطم الكعبات ونحرك مع اضافه الملح والفلفل خمس دقائق ونضيف لهم المرقه اوماء مذاب فيه مكعبات مرقه لحد ما يستوى نضربهم فى الخلاط وتقدم ساخنه

الفته المصريه بالخل والثوم







يسلق اللحم الضانى بالطريقه المعتاده ونسوى ارز ابيض (ارز مصرى) ونحمص الخبز فى الفرن ثم نكسره ونضعه فى طبق التقديم ويسقى بقليل من مرق اللحم ويترك يتى يبل الخبز جيدا




ثم نضع فوق الخبز الارز الابيض



ثم نحمر ثوم مهروس فى قليل من السمن حتى يصبح لونه ورده ثم نضع عليه حوالى 3 ملاعق كبيره خل ابيض وحوالى 2 مغرفه من مرق اللحم ثم يوضع الخليط فوق الارز ويرش عليه قليل من البهار الحلو والفلفل الاسود



وممكن اضافه الصلصه الحمرا وطريقتها يحمر ثوم فى سمن قليل حتى يصير ذهبى اللون ويضاف عصير الطماطم ويترك يتسبك ثم ملعقه معجون طماطم وملعقه خل ابيض ويوضع فوق الارز



ويقدم مع اللحم المسلوق وممكن يحمر شويه فى الفرن بس انا ما حمرته وقدمته مسلوق



وقدمت معه الكبده المحمره



اتمنى انكم تجربوها يمكن اكلات غريبه عليكم بس ان شاء الله تعجبكم
مشكوررررررين

مشكورة ومااا قصرتي . . .

الصورة جربي مركز التحميل اللي في المنتدى وانسخي الرابط اللي تحت . . .

وفي موضوع للاخت عسولة في قسم المستعمل مثبت عن وضع الصور . . .

وياريت طريقة عمل حاجة مش عارفة اسمها لكن اوصفهالك

مش من الحلويااات . . .

تستخدم فيها ال**اااادي اعتقد وطعمها يكون حااامض شوية مش شوربة لكن قوامها سميك . . .

ويتم تقلية بصل مقطع شرائح ضعيفة ويرش فوقها . . .

طاجن الارز المعمر شيىء خياااال
















المقادير
2 كوب ارز مصرى مغسول ومصفى من الماء جيدا
2 كوب حليب كامل الدسم
دجاج او لحم حسب الرغبه انا سويته بصدور دجاج
3 ملعقه كبيره سمن
3 ملعقه كبيره قشطه
ملح فلفل اسود
طاجن فخار لو امكن ولو ما توفر قالب بايركس

الطريقة
نحضر الطاجن ونضع فيه ملعقه كبيره سمن وملعقه كبيره قشطه





ونوزعها بالملعقه فى قاع الطاجن





نضع نصف كميه الارز او اقل من النصف شويه





ثم نضع الدجاج بعد تتبيله بالملح والفلفل




ثم نضع باقى الارز





نغلى الحليب على النار ونضع عليه ملح وفلفل





نضع الحليب فوق الارز





ثم نضع على الوجه ملعقه كبيره سمن وملعقه كبيره قشطه وتوزع على الوجه

يدخل فرن حار جدااااااا على درجه حراره 250
لمده ربع ساعه تقريبا حتى يحمر الوجه ويتشرب الحليب
يخرج من الفرن نضع على الارز كوب صغير ماء مغلى ويغطى بالقصدير
ويدخل الفرن مره تانيه وهدى حراره الفرن على 160 واتركيه حوالى ساعه ونصف تقريبا
اول ما يخرج من الفرن ارفعى القصدير وضعى ملعقه سمن على الوجه وغطى القصدير مره تانيه
وغطيه بصحن لكى لا يخرج البخار منه واتركيه ربع ساعه تقريبا قبل التقديم

ام عبد الله مشكورة ياحياتى

الوصفة اسمها الشر***ة او الماظية صح ؟

كل يوم هانزلكم اكلات مصرية وتعليمات للطبخ الصحى وكل الأكلات

.!!!!

فرقي الحروف . . .

طريقة تحضير طريقة عمل الشر***ة


المقادير - ديك رومى أبيض. - عين جمل. - عيش توست. - سمن بلدى. - كسبرة مطحونة. - ثوم و بصل مفروم ناعم. - طماطم. - جزر. - بصل ترانشات. - كرفس. - ملح , فلفل أسود , حبهان , ورق لورا ,بهارات , زعتر , ليمون , برتقال مبشور ,ليمون , شوربة فراخ , أرز. طريقة التحضير طريقة...

more
وكدا خلصنا من عمل الشر***ة ( ك س ي ة )
الحروف مش بتظهر بطبيعتها ليش؟

المخروطة
اكلة تنتشر فى الوجه البحرى و القبلى ولكن باختلاف الاضافات
عبارة عن دقيق وماء وملح بسيط بدون مقادير حتى تتكون معك عجينة شبه عججينة السمبوسك وتفرد بالنشابة ثم تقطع بالسكين لشرائح طولية رفيعة شبه الاسباجتى ويفضل استعمال ماكينة اللازنيا نفردها فيها ثم نقطعها شرائح ثم فى حلة البخار نضع فى الجزء السفلى ماء يغلى و فى الجزء العلوى قطعة شاش ونضع شرائح العجين ونغلق عليها حتى تنضج بالبخار
للاكل : فى الوجه القبلى يسمونها المخروط فقط ويضيفون لها العسل الاسود
وفىالوجه البحرى اسمها مخروطة ويضاف لها سكر بودرة او عسل نحل يذوب فى لبن دافئ وممكن سمنة حسب الرغبة
الاكلة التانية: الحلبة الساقعة
طحن حبوب الحلبة حتى تصير بودرة ثم تستعمل كعصير التانك لعمل العصير تذوب فى ماء بارد مع السكر حسب الرغبة
وهو مشروب صعيدى صميم يستعمل للتغلب على حر الصعيد ويقال ان تاثيره اشد من اى مروحة او تكييف فى الترطيب تشربه

طريقة عمل الشلولو:دى اكله فرعونية صميمة ومشهورة قوى لدى الاخوة الاقباط خصوصا ايام الصيام

كوب ماء بارد

1 ليمونة

نصف بصلة (مقطعة قطع صغيرة)

6 فصوص ثوم (مفروم)

1 كوب ملوخية ناشفة

ملح حسب الطلب


توابل (شطة - كمون)
والطريقة
نضع الماء على النار ثم نضيي البصل و التوم ثم الملوخية مع التقليب ثم التوابل حسب الرغبة
ثم الليمون بقشره
وبعدين فى ناس بتحطها فى الخلاط مع رز مستوى وتضرب جيدا ثم تؤكل

مشكوره قلبي موني ...

وتسلم أيدج ....وراح أسيف موضوعج ....

تسلمى ياحسناء ياقمر

ودى بقى طريقة تحضير المشبك سهل وبسيط
الصعوبه كلها فى القمع
المكونات
لكل مقياس دقيق
نصف مقياس نشا
اى
كيلو دقيق يضاف اليه نصف كيلو نشا + ملعقه كبيرة خميرة
ويتم عمل مستحلب مثل الكريمه السائله او الطحينه ( لاهو سائل ولا هو عجينه ) باضافه الماء
ويترك المخلوط ليتخمر لمدة ساعتين على الاقل
ثم يضع المخلوط فى القمع ممكن فى كيس الحلوانى بس خلى الفتحة صغيرة وممن بعبوة صابون غسل الاطباق بعد غسلها جيدا طبعا وتشكلى المشبك عند قليه فى الزيت المغلى
وفور النضج
يغمر فى شراب العسل مع مراعاة ان يكون القطر ثقيل جدا ويضاف له ماء الورد وملعقة سمنه "نص كوب ماء لكل كوب ونص سكر وملعقة فانيليا وماء ورد وملعقة سمنه
يمكن اضافه الوان متعددة للخليط قبل القلى
بس المشبك الاصلى مفيهوش الوان

ايه رأيكم واللى محتاجة وصفة يطلبها وانا مااقصر معاكم
بس ادعولى احصل على وظيفة فترة صباحية
ولكم جزيل الشكر

ودى طريقة القلقاس بالسلق
كل كيلو قلقاس حزمة سلق وحزمة كسبرة وقليل من التوم المفروم
سلق اللحم او البط يفضل دائما شوربة دسمة
تقشير القلقاس أقوم بمسحه بفوطة ناشفة افضل من غسله او غسله غسلة خفيفة ثم اضافته للشوربة مع اللحم ونتركه حتى ينضج
بقطيف الكسبرة والسلق ونخرطهم ثم نضع السمن فى طاسة وعليها الخضرة والثوم و نظل نقلب حتى نسمع صوت خشخشة يعنى الخضرة أصبحت ناشفة تماما وقل حجمها جدا ولا تحترق ثم نقوم بدقها فى الهاون ( طحنها جيدا ) ثم نضيفها على القلقاس قبل أن رفعه من على النار و ونتركه يغلى غلوة ونرفعه من على النار وبالهناء
القلقاس المسقعة
**************
الطريقة :
بعد تقشير ومسح القلقاس يقطع الى نصفان ثم ال شرائح (أقل من سمك البطاطس الصينية) بالعرض ثم نحمره فى سمن أو زيت نباتى ثم نحضر لحم عصاج ( مفروم خشن ومحمر مع البصل ) ثم نقوم بعمل الصلصة ونضعها على العصاج ونرص جزء من القلقاس فى صينية فرن بايركس أو فخار وعليها جزء من العصاج والصلصة وهكذا بالتبادل وأخر طبقة تكون من العصاج وعلى الوجه شرائح من الطماطم المقطعة ونضيف صلصة طماطم متبلة أو مرقة دجاج
المسقعة