:sad_smile:شلونكم بنات انا اليوم صارلي موقف بالدوام مع مسئولتي الظالمة تصدقون ادخلت علي المكتب بدون سبب وقالتلي قومي من مكتبيج ورح دوريلج مكتب ثاني ودخلت بنات جدد وقعدتهم في مكتبي وان صارلي 4سنين ومرتاحة بمكتبي ولا داخلة علي وصارخ وتقول الفاظ خايسة ويوم رحت اشتكي للمدير تصدقون شقال قال هذي مسئولتج ولها الحق انها تقومج من مكتبيج امانة شنو هالظلم الواحد مايدري يشتكي المنو واللة احس اني بنفجر بس ماقول الى حسبي اللة ونعم الوكيل على كل ظالم ويعل انشاء اللة حوبتي تلقاها الظالمة
هلا أختي . . . حاولي تقرين حقوقج وواجباتج في وزارتج وبناء عليها راح تعرفين شنو لج وشنو عليج . . . وبعد ماتقرين كافة هالحقوق روحي للقسم القانوني المختص في امور منازعات الموظفين انا ما ازيدج لكن ابيج ان كنتي مظلومة تاخذين حقج وانتي فاهمة شلي عليج وشلي لج بالضبط لاني الفاظها النابية تقولها لعمرها مو لبنات الناااس . . .وربي يعينج ويفرجها عليج
الظلم اصعب احساس بالدنيا مثل ماقالت اختي ام عبدالله اذا انتي مظلومه لاتسكتين عن حقج ودافعي عن حقوقج والله وياج وربج ماينسى عبده
اتذكريني بمسؤولتي بتدريبي الميداني اول يوم دوامته قالتلي ابيج تنقلين لي كل اخبار الموظفات ولج مني الامتياز رديت عليها بكلام صدمها قلتلها لاتربيتي تسمحلي ولا مريضه نفسيه تريقنا وضحكنا عقبها قالتلي ذكريني الساعه 11 اطلع قلتلها اوكي شنو سوت راحت لدارتي وشتكت علي اني مو مساعدتهم بالشغل ويايه العب الله يكون بعونج ويعينج واذا لج حق اخذيه
اتركي لها المكتب وجيبي مكتب جديد ومفرش جميل جداااااااااا وقولى عوضي على الله وحسبي الله ونعم الوكيل لانك لو كان بإيدك شىء كنتي عملتيه فى نفس الوقت احساسك انك مظلومة اريح بكتيرررررررر من انك تكون ظالمة والله راح يعوضك قسما بربي الله راح يعوضك خير ما تقلقي انتظري الخير من عند الله ايه يعني لما اخدت منك مكتب اتركيه لها المكتب عباره عن خشب له اربع ارجل من الخشب لكن انظري لما سوف يعوضك الله به من حسنات وخير فى الدنيا ان شالله الله ما يأخذ منك الا ليعيطيكي الخير
يما سمعت وانظلمت صح كلام الاخت خليج مظلومه والله ياخذ حقج ونصيحه سايسيها مدام لا تحط عليج هذا دوام كل يوم شلج بعوار الراس مردها تحس صدقيني تبين الصراحه انا استقلت والسبب الظلم قلت البيت اكرملي من الي اشوفه
السلام عليكم أن قول حسبي الله ونعم الوكيل كافي لدرء الظلم عن المظلوم يقول الحق تبارك وتعالى { الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الوَكِيلُ فَانقَلَبُوا بِنِعْمَةٍ مِّنَ اللَّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ } [آل عمران 174:173] . بين الحق تبارك وتعالى في هاتين الآيتين أن كلمة حسبنا الله ونعم الوكيل تقال عند الشدائد وهي من أقوال المؤمنين المتمسكين بالله والناشدين لنصر الله وبين أن من يتمسك بهذه الكلمة فهو من الناجين بفضل الله ونعمته . اما أذا تجاوزت المديره حدود العمل بألفاظ كما ذكرتي وكانت تلك الالفاظ تمثل خطأ في حقك فأنك في هذه الحاله تستطيع تحرير شكوي جزائية سب وقذف شريطه ان يكون هناك شهود علي الواقعه وهو الامر الذي أن صح يمكن أن يؤدي الي تعرض هذه المديره للعقوبه الجزائية بالحبس او الغرامه بالاضافه الي حقك في التعويض واتمني ان لا يصل الحال بينك وبينها الي هذه الدرجه والله ولي التوفيق[/size]
شوفي حبيبتي اذا عندك استعداد بدني ونفسي انك تشتكين عليها وتاخذين حقك فاسعي بهالشي واذا انتي من النوع اللي ما يتحمل وبتعيشين بهم بسبب الدوام وبتتاثر حياتك وبيتك فلا تسوين شي وبلعيها واحتسبي الاجر عند الله ...وصدقيني انا الحين سنه كامله مشاكل بالدوام ورحت الوزاره والوكيل بس ما سوولي شي ما غير اموري تعقدت وكل يوم اموت من القهر ..والاجانب صاروا احسن مني وترقوا واناقاعده اتحسر ..وبعدين المسؤولين عندنا دايما على حق ومهما سويتي بتطلعين انتي الغلطانه ....فكري عدل وقرري بس انا قلت لك تجربتي لا تتسرعين اذا السالفه بس مكتب ويتعوض ...وحاولي تتصبرين والله يعينك
حبيبتى انتى تاخذين معاشج من الوزاره مومنهم وارفعي عليهم كتاب تظلم باي حق تاخذه منج مكتب وزاره مومكتب ابوها لاتاخافين الا من اللى خلقج
اختي معقووله جذي بدون سبب تقومج وتييب بناات مكاانج ؟؟؟ ليش ان شاءالله راجعي نفسك لايكون انتى غلطتى عليهاا او صاير شي بينكم .. الله اعلم بس اذاا كاان بدون سبب .. مالج الا تقولين حسبي الله ونعم الوكيل .. ربج ياخذ حقج منهاا على طوول
