مليت من النحافة

السلام عليكم

شلونكم شخباركم


حبايبي ابيكم تساعدوني انا مليت من الضعف خاطري امتن شوي وانا توني مخطوبه وابي ازيد جم كيلو حق العرس لاني حييل ضعيفه وزني 44 وجربت اكثر من نوع حبوب بس مايفيد او اتعب منهم واتركهم
انا لاني مااشهي اكل ابي شي يفتح الشهيه واكون شاكره لكم اذا ساعدتوني

هلا بالغاليه

يشرفني اني اكون اول من يرد

آنا انصحج بحبوب كبد الحوت اهي عباره عن مكمل غذائي ولا لها اي مضاعفات وفعلا سمنت عليها ولما تركتها مانحفت

عن تجربه شخصيه
اعشاب من وحده اسمها ام محمد :teeth_smile:

السلام عليكم في حبوب جربتهم مممممممممممموووووووووووووصج كان وزني 37وصار55 ووقفتهم ويوم ضعفت وصل لي 52وماينزل أكثر بس المشكله حطو إعلان بلجريده إن في بنت توفت منهم لان الحواويج قاموإيبونهم ومادري شحطون فيهم جان عرفتيهم علي علي صورة شجره بس صج حبوب صار جسمي كلمة قمه شوي عليه من عقب ماكانويطنزون قامو يعطوني عين

اختي في محل بحولي شارع بن خلدون اسمه gnc حق بروتينات عنده حبوب حق فتح الشهيه روحيله هناك وشي مضمون

عن تجربه أعشاب و حبوب زدت بفضل الله من بعدهم 9 كيلو بشهر و نص كان وزني 46 و ألحين ما شاء الله 55 و الله كلن كان يتطنز على ضعفي و يسموني قلم رصاص!! ألحين كلن منصدم شسوت بنفسها !! و أقسم بالله لدرجة ماهم مبهورين صرت آخذ من سورهم خوفي من العين .. إللي تبي تراسلني عالخاص أعطيها رقم المره إللي شريت منها الأعشاب ..

اشكر كل من رد على وساعدني بس انا جربت اعشاب من وحده وكانت حييل حلوه وزت 10 كيلو وصار جسمي عجيب وبالذات وجهي طلعتلي خدود حيييل حلوه بس عقب شهر من استخدمها قمت اشتكي من ظهري وصوب الكلي ومن تركتهم راح العوار وضعفت
وانا جربت اكثر من شي حتي الحبوب الصينية جربتها وسببتلي الم في بطني وعقب اسبوع من استخدامها طلعت الحبوب منتهية
والحين اكل حبوب من صيديلة اسمها جنسينق وحبوب اي بي سي بلس فاتح شهية بس مااحس انها افتحت شهيتي وصارلي اسبوعين استخدمها

وانا ملييييييييييييييت من المتن صج دنيا محد راضي بحاله

حبوبه انشاءالله البنات يفيدونج.....



والله يوفقج انشاءالله,,,,,

انا اعاني نفس معاناتج وزني 39تخيلي وعندي بنتين حاليا قعد اكل حبوب سبروفيتا مع حبوب غذاء الملكات صارلي لاتقريبا 11يوم بس والله قعد آكل وااااااااااااااااااااااااااايدىالكل ملاحظ وناطره امتن نفسج اللي عنها خبره تسااااااااااااااااااعدناااااااااااااااااا الضعف ذبحنااااااا
والحبوب الصينيه لاتاكلينها تسبب كله وماي تحت الجلد ودود بالبطن وحده كلتها وتوفت

بنات ترى في اجساام مهما تآكل مايزيد وزنها ابد!! لانه يكون شي وراثي..

جينيات وراثيه ..

وحده من قرايبنا تآكل وااايد وتآكل اكل.. والله محد يقدر ياكل هالكميه
ويابت فوق ال7 يهال وجسمها ماتغير ولا زاد وزنها ولا اي شي!!

ترى اكو ضعف ورااثي.. وهم نفس الشي.. اكو "متن وراثي)

انحصل وحده من اقل شي يزيد وزنها
ووحده مهما تأكل مايكون في اي تأثير!!

ولو تبين وصفتي السحريه لزياده الوزن الي دووم انصح فيها
هو انج تأكلين"سنكرس" وباونتي وااايد.. خاصه سنكرس
اكلي كل شوي سنكرس وباونتي وبتشووفين النتيجة..

واهم شي وجبه العشا.. آكلي ورقدي آكلي ورقدي
وبتشوفين النتيجة..


ولو يلستي تأكلين سنكرس وباونتي وتاكلين وترقدين وهم بعد ماكو فايده
عيل بيكون الضعف اللي عندج وراثي.. او انه جسمج جذي من الاجسام الثابته
الي مايزيد وزنها لان اكو ناس جذي..

لكن ان شاءالله خير.. وانتي اكلي ورقدي.. ودوووم اكلي سنكرس وباونتي
وبشريناا

شكرا على المعلومه وانشاء الله النحيفات يمتنون والمتينات ينحفون وانا امتن بس عن تجربه مافي مثل عصير المانجو والحليب البوني تخلطيهم في يوم يزيد وزنك اشربيه في اليوم مرتين وطعمه حلو وادعيلي لو زاد وزنك وعقبال ما يزيد وزني انشاء الله

منقووووووووووولة هالوصقة بس حبيت افيدك

هاااااااااااااااي حبوبااات ..

عندي لكم خلطه بأربعين يوم بسسسسس

بيصير جسمك روياااان وبينادونك ريانة العود

خلطة الدكتور جابر القحطااني ..

انا جربتها بأسبوع تبان النتيجه جسم مليان وحلوو

ولازم تكملينها 40 يوووم ....


اول ماتصحي من النوم سوي لك كوب حليب ساخن وحطي معاه م ك يانسون مطحون

وثلاث حبات تين جاف حطيها داخل الكو ب ..

واتركيه نص ساعه ..

بعدين طلعي التينات وكُليهااا واشربي الحليب ..

ع فكره تقدرين تحلينه بعسل او سكر ..

الخلطه سهله كثير .. مافيها اكل كثير او حبوب فيتامين او غيره

سوي الخلطه واكلك المعتاد وشوفي الفرق بأسبــــــوووووع

والله بنااااااااااااااااات اسمعو كلامي

وراح تدعون لي لليل ونهار وتشكروني على الخلطه


يلا كل وحده تقراء الموضوع تحفظ الطريقه وتسويهااا

تسلمون ويعطيكم ألف عافيه على مساعدتي

الصراحه انا قررت اروح حق د.طالب الشمري ابية يشوف شنو مشكلتي بالتغذية ويعطيني اكل مفيد ومقويات لان وايد مدحولي فيه ومنها يعطيني نظام غذائي


واشكركم مره ثانية

هلا اختي احسن شي قررتي تراجعين طبيب عشان يحدد سبب المشكله ودكتور طالب يمدحونه

وانا حبيت افيدج بتجربة بنت خالتي كانت ضعيفه حييل والحين مليانه وجسمها يهبل خذت عسل مخلوط بأعشاب من مركز نسيت اسمه بس رقمه اذا تبينه اجيبه منها

والعسل معروف يمتن وهي مامتنت منه لا هو كان فاتح شهيه يعني متنت من الاكل
صارت تاكل واجد وماتشبع بسرعه وتوسعت معدتها
حتى لما تركت العسل تمت تاكل بنفس الكمية لان المعده تعودت

وربي يوفقج وتمتنين بصحه وعافيه

تسلمين اختي

انا شريت عسل العويد بس طعمه خايس لانه مخلوط مع ادوية وتركته

وان شاءالله بس اروح حق الدكتور اقولهم شصار معاي

اي والله يابنت العارضيه قوليلنا شيصير معاج فيديني عشان اذا نفع معاج هالدكتور وعطاج اشياء تمتن اروحله والله تعبت ناطرتج تبشرينا؟؟

حاولى تجربى الحلبة دى مشروب جميل وحبوبها بعد النقع خطيرة

تفيد الجسد كلة والمغص وتغسل الكلى والمعدة وتخرج سموم الجسم كله وتنور الوجه وتزيد الوزن اقرى عنها فى الطب النبوى

يارب إلي تبي السمنه تسمن وإلي تبي الضعف نفسي تضعف آميييييييييين

نصيحه لاتجربين اي خلطات واعشاب من حريم ماتعرفين مكوناتها
عن تجربه متنت على حبوب سبروفيتا