ممكن ؟

السلام عليكم
شلونج ام محمد شخبارج ؟؟
انا حلمي شوي طويل
حلمت ان مثل في شخص ذبح شخص ثاني وبعدين ذبح نفسه عشان الظاهر يبي يسوي سحر
وبعدها صارلي مثل مستويات عشان اتغلب على الجن والشياطين
يعني مثل في احد يعلمني شنو اسوي عشان اواجههم !! وكل مستوى كان يصير مثل دخان وظلام خفيف
المستوى الاول ماذكر شنو
المستوى الثاني يولي اشباح وانا كنت خايفة مادري منو قالي ان سوي نفسج معصبة ووانج مو خايفة منهم ووسويت هالشي ورانحاشو
المستوى الثالث كنت نايمة عالسرير شوي ولا ايي الدخان مرة ثانية وانا قلت معصبة وليييييه يعني شلون شوي ولا يروح واستغربت ان محد ياني ولا علمني شي ؟؟ وشلون راح الظلام
بعدين احد قالي الظاهر يوو ( مادري منو بالضبط الجن ولا الشياطين ) وخدو روح ابوج
وانا قاعدة ابجي بس مو بصوت عالي مثل قامتتها بقلبي بس حسيت ان هم وشي ثقيل على قلبي وزوجي كان يمي واعتقد كنت ادهن بنتي بزيت زيتون وامي قاعدة واشكالنا منصدمين
بس ماشفت ابوي ميت ولا تأكدنا

واختي حلمت هم حلم ان ابوي ميت وحاطينه بسرير بس تقول ان كانو المطافي موجودين مو الاسعاف وسيارة الاسعاف واخوي قاعد يبجي واايد
اتمنى التفسييير العاجل ماعليج امر

الحلم الثاني :
حلمت انا واختي كنا مسافرين لندن ويا بنتي وبعدها خلاص صار وقت الردة واختي لابسة اسود وانا لابسة اسود واهية مو مجهزة اغراضها وانا مستعيلة واقولها خلصي قبل لا تطير عنا الطيارة
وبنتي كانت نايمة وانا كان عندي وايد اشياء قاعدة ازهبها يعني قاعدة اشيل اغراضي واغراض بنتي
والمكان كان غرفة حلوة بفندق بس لما نزلنا تحت صار اصنصير عمارة قديمة مادري شلون صايرة
المهم نزلنا ومادري منو قالي بنتج نسيتيها بغرفة الفندق وانا اخترعت وعلى طول صعدت سلم الفندق
وكان سلم طويييييل وانا من الخرعة شوي شوي قمت ابجي وبسرعة بلحق على بنتي واختي على كثر ماكنت اقولها جهزي وزهبي اغراضج بسرعة اهية خلصت قبلي وانا بعدها
واسفة طولت عليج