ممكن التفسير جزاج اللة خير

مشكوووووره حبيبتي اللة يجزاج خير على تعبج معانا واللة يعينج على حلمي :wink_smile:


حبيبتي في مره كنت اسولف مع اختي شلون تنامون علا طول ولا تفكرون قبل تنامون فا قالتلي زوجي يبحلق بسقف الغرفه لحد ماينام المهم هالسالفه صارلها اكثر من شهر اول امس تحلمت اني رايحه بيت اختي ودشيت غرفتها وقعدت اطالع سقفها الي فوق السرير بالضبط كله مكسر وفيه بايبات حديد وفيه جحوور مادري تقولين جحور حيه ولا عقارب المهم ناديتها وقلتلها شنو هذا شلون تنامون تحت السقف هذا يمه يخرع ماتدرون يمكن ينزل عليكم شي منه قالت عادي عادي ماكو شي فاقلتلها لا وبعد تقولين لي زوجج ما ينام الا لما يطالع السقف علا شنو يطالع من زينه انزين على الاقل غيري مكان سريرج لانه بس المكان الي تحته السري اهو المكسر وسكتت ماردت علي حسيت من نظرتها اني احرجتها وبس قعدت من نومي ومو قادرة انسى شكل السقف يممممه يخرع :mskket: .




وهذا حلمي الثاني تحلمت انا انا وامي وخواتي وحمواتي في بيتي وان امي تكلم مسؤولي بالدوام ويقولها الموضوع الي انا كنت احاتيه انتهى خلاص لا تحاتي فلانه ويطمنها علي وهي ترد وتقوله مشكوور جزاك اللة خير وسكرت منه ولا اطلع انا من الغرفه وكان ودي انا الي اكلمه بس امي ماعطتني مجال بسرعه سكرت الخط وماكانت تبيني اخذ التلفون زين ولا يدق الباب ويدش زوج حماتي ويقعد بالصاله وماكنا متغطين والوضع عاادي عادي وفجا امي تكلم حماتي وتقولها شفيج تبجين بس بالحلم كانت حماتي اختي وامي تصارخ على زوجها وتقولها ليش تطقها وتمسك خيزرانه وطقه واهو جنه منفشل ويقول لمي ماسويتلها شي وتقوله ماسويتلها شي زين ليش تخليها عند (الحيوانات) ((ومافهمت ليش قالت جذي امي)) يطقونها وكانت هدومها مشققه من تحت حماتي بس شق بصيط ياللة تشوفينه ومدنق راسه وامي تطقه وانا مو راضيه ليش امي طقه وقاعده اصارخ على امي واقولها لاطقينه ليش طقينه عيب ولا ينزل اخوي واقوله شوف امي قاعد تطق رجل فلانه جان يقول عادي عادي ماكو مشكله وطلع وشافهم ورد دش داخل ولا تحجى مع امي بس قالي شغله الي مايحترمي راح يجي يوم ومحد يحترمه والي مايقدرني هم بيجي يوم ومحد يقدره . وسلامتج اللة يكون بعوووونج بتفسيرهم وترا على فكرة انا مختصرة الحلم ولا شطوووله

شروط تفسير الرؤية كتابة رؤية واحدة

بخصوص الرؤية الاولى فالسقف بغرفة النوم هو الستر والامان ولكن وجود جحر عقار ب او افاعي
فتدل على وجود حسادوناس مطفلة عليهم وعلى خصوصياتهم وعيونهم عليهم بامورهم
ومشاكلهم ولازم يحزروا اشد الحزر وتشغل قران بغرفتها ولن يضرها شي باذن الله والله اعلم