ممكن تساعدووني ظروري ابي عجينة القبوط

:emoticon_U: السلام عليكم ورحمة الله وبركاته
ممكن عجينة القبوط اذا مافيها كلافه ردو علي بسرعه ابيها اليوم وفي اقرب وقت بليزززززززززززززز بنات

مــا أعرفهـــا


إن شاء الله البنات يساعدوونكـ ..

عجينة القبوط :

طحين أسمر حسب الكمية
ماء فاتر حسب الحاجة

حشوة القبوط:

لحم مفروم حسب الكمية
بصل مقطع خشن
ملح فلفل أسود وقليل من بهارات اللحم
كشمش (زبيب) مغسول ومنقوع
الطريقة :

1 -تحطين مقدار طحين بالوعاء تقدرينه حسب كميه المرق ..

وتصبين فوقه ماء فاتر شوي شوي حتى يصير متماسك وتعجين باليد حتى تصير

عندك مثل عجينه الفطائر و طبعا اذا كان العجينه لينه زيديها طحين ..

2 -نحمس البصل مع اللحم المفروم والبهارات وعند الاستواء نضيف الكشمش المغسول والمنقوع لمدة نص ساعه الى خليط اللحم المفروم .

3 - تبلين راحه ايدك بشويه زيت وتاخذين قطعه صغيره من العجينه تفردينها

دائره صغيره ( كلما كانت صغيره ورقيقه افضل وتستوي بسرعه والاهم شكلها احلى

وتحطين شويه من الحشو وتقفلينها نص دائره وبعدين ممكن تشيلين منها العجين

الزايد وبعدين تصكينها عدل مثل الكبه ..


بعدها تحضر مرق اللحم أو الخضار واللي راح تسقط فيه القبوط حتى يستوى ...

ملاحظات هامة :

هناك طريقتين لعمل القبوط :

قبوط بمرق اللحم وبهالحاله يحشى القبوط بمزيج من البصل المقطع خشن ني والكشمش المغسول والمنقوع فقط بدون الحاجه لعمل حشو اللحم المفروم .

في حال القبوط بمرق الخضار , يحشى القبوط بحشوة اللحم المفروم المعصج مع البصل الخشن والكشمش , وهي اللتي أفضلها .


طريقة المرق :

تحضرين مرق حسب طريقتك مع إضافة الخضار التالية ( جزر - بطاط - باذنجان - فلفل أخضر حار ) بدون لحم في حال اخترنا نحشي القبوط باللحم المفروم , أيضا ماننسى اللومي اليابس في المرق , وطبعا البهارات .

بالنسبة للخضار أفضل إنها تكون مقلية نصف مستوية قبل اضافتها للمرق .

بعد ما يستوى المرق , نسقط القبوط فيه ونخليه على نار هادية الى ان ينضج ( تقريبا نص ساعه ) , وبعدها يكون جاهز للتقديم ...

بألف عافية ...

حبوبه بشوره ما قصرت كفت وفت بالشرح بس انا افضل القبوط ما احشيه لحم مفروم يس بصل وكشمش ونخى واللحم الهبر اضيفه مع المرق وانشالله يضبط وياج

طحين اسمر وماي دافي تعجنينهم وتسوينهم دواير وتحشيتهم خضرة واذا يقيتي لحم مفروم حطي وسويه نص دايرة وشوي شوي تحطينه بالمرقة

بشوووووووره ماقصرت



وانشاءالله ضبط معاج القبوووط


بالعاااااااااااافيه