السلام عليكم ورحمة الله وبركاته ذكرى زواجي قريب وبغيت أسوي حركات جديدة لزوجي بهذي المناسبة وهدايا غير تقليدية.....شو الراي؟؟؟؟؟؟؟؟؟؟؟؟؟؟
اعزمي زوجج بمطعم و خلي المطعم يسون لكم ركن برروحكم و يزينونه بنفافيج و ورود حمرا و قلوب طبعا لقلوب الكبار اللي تنفخ و اكتبي له دعوه و طرشيها له للدوام طبعا الدعوه لا تدل ان انتي زوجته اكتبي فيها الى الخ العزيز ....... تسرنا دعوتك لحفل العشاء المقام ف...... .ف الساعه ...... لك خالص الشكر و التقدير و طبعا طرشيها مع اي حد او بالفاكس و اكيد بيقولج عن الدعوه و لو قالج قولي له اسمح لي حبيبي انا تعبانه و ما اقدر اروح انت روح و استمتع بوقتك و فاجئيه بوجودج هناك و طبعا تكونين على اتفاق مع حد هناك انه يوصله لين الطاوله و تكونين معطته ظهرج و جهزيله الهدايه اللي تبينها و بنفس الطريقه خلي محل الورد يطرشهم له لين المطعم و بجذي بتفاجئيه حبوبه اتمنى اني قدرت اساعدج
سوي ليله رومانسيه غيري بغرفه نومج حطي الشموع والورود سوي ركن للعشاء ييبي كيكه وكتبيله رساله مع هديه او غيري الروتين واجري ليله بفندق ترى وايييد حلوه الله يوفقج
الأدوات: خيمة بلاستيكية روبيان ولا دجاج مبهر جاهز للشوي + أدوات الشوي شموع الموقع: سطح البيت >>>>>> انصدمتي صح خخخخخخ إستايلج: مخور غاااوي + ميك أب بدوي بدون ما يلاحظ زوجج .. أ- صعدي السطح وخذي معاج حد يساعدج عشان تنصبين الخيمة بسطح بيتكم .. طبعا اشتري خيمة بلاستيكية مثل اللي بالصورة لأنها خفيفة وسهلة التركيب. ب_ لمي كل الشموع والشماعات اللي فالبيت وزيني السطح ج- جهزي الشواية والدجاج المبهّر أو الروبيان د- لبسيلج ذاك المخور الغاوي وتبخري ورسمي عيووونج عدددل .. خلصي الجحّال كله بعيونج خخخخخخخ ه- حطيله بطاقة دعوة بمكان يشوفه، ( حبيبي الليلة معزوم عالعشا بسطح فلتنا ) << طبعا بينصدم بيفرك عيونه كل شوي بيتأكد من كلمة (سطح فلتنا) بخري الغرفة وحطيلج شوية شمووع وورود ويفضل تحطيله هدية ولو بسيطة عالسرير.. عشان تفاجئينه لمن يدش الغرفة
انا في اول ذكرى زواج لنا حجزت حقي و حقه البحرين و فندق بنيان تري وايد حلو شاليه و فيه حمام سباحه برايفت شريت بكيني و لبسته لوول و تسبحنا و اتسانسا وايد وايد استانس و هناك عطيته هديته شريته ساعه و بوك
