السلام عليكم ورحمه الله و بركاته بنات شلونكم عندي مشكله صايره لوحده من رفيجاتي اااااااااااااااااااااااااه والله مدري شقول السالفه هي ان رفيجتي هاذي تعرفت عليها من 4 سنين وكانت توها منتقله من مدرستها القديمه لمدرستي اللي تعرفت فيها علي بصراحه رفيجتي كانت وااااااااااااايد طيبه وبنت هاديه وما تحب المشاكل مره سألتها عن سبب سقوطها بالدراسه لأنها كانت عايده السنه قالت انا كان فيني سرطان المهم بعد ثلاث سنين بالصدفه عرفت انها كانت تجذب علي ولما رحت وكلمتها وقلت لها ليش جذبتي قالت الشيطان قص علي وقالت انها حيل متندمه يمكن لأن البنات بالمدرسه دروو ان فيها سرطان وهي مافيها شي بس كانت جذب المشكله الحين البنت حيل ندمانه يمكن لأنها اهانت نفسها وهم ما تقدر تقول للبنات انها تجذب تخاف يقولون عنها جذابه ويكروهونها والحين هي تبي تنتقل مدرسه جديده بس حتى لو انتقلت ماكو فايده ضميرها راح يأنبها على اللي سوته انا قلت لها خلاص لا تفكرين بشي صار وانتهى فكري بدراستج وبس وهتمي بنفسج حاولي تعوضين نفسج مثلا تشتهدين بدراستج واذا على البنات محد يدري انج جذبتي وكافي انج ندمانه عيشي حياتج عاديه وعادي الكل يجذب مافي شخص ما يغلط بس اهم شي انج تتعلمين من غلطج والنقل هم مو حل لج صح كلامي يابنات ولا لا قولو لها هي تشوفكم
هلا فيج حبيتي باين من كلامج انه انتي بعدج صغيره.... شوفي...اللي بعمركم يحب يلفت الانظار سواء بالكذب او ادعاء المرض يمكن هي ماكان قصدها تكذب وحبت تشوف ردت فعل البنات على فكرة مرضها ولانها جديده بالمدرسه تبي تكون مرغوبه وايد افكار طرت على بالها هذيج الحزه وانا متاكده من هالشي هو الكذب مو عادي ولاتساهلينه لانه من تبدين ماراح تخلصين طريق الكذب مثل ماذكرتي لها انها ماتعيدها وتحاول تنسى وخلاص ماصار الا الخير اذا هي تشوف اللي انا اكتبه الحين....انصحها بانها تغير طريقتها باتخاذ الكذب وسيله للتعرف على البنات واذا هي عندها اسلوب ومتربيه عدل وبنت ناس ..صدقيني ماراح تحتاج عذر علشان يحبونها البنات...وانا متاكده انها خوش بنت والدليل انها ندمانه ربي يحفظكم ويسعدكم ويكبركم ويزوجكم هههههههههههه
يا بعد عمري والله مشكوووووووره اي اي شافتج وتقوولج مشكووووره و ما تقصرين وكلامج والله رووووووووووووووووعه مثلج يسلمووو
المزايين معاج حق... حبيبتي اولا هذا حييييل غلط باتخاذهاا للجذبه هذي الجذب حبله قصيرررر.. وداامنها ندماانه تستغفر ربهاا يوم ادعت علئ نفسها بهالمررض الله يكفينا شرره....!! والله يصلحكم يااارب وينوور طرريجكم لكم...
هلا اختي . . . اهي منحرجة من رسوبها واعادتها للسنة قولي لها لا تفكرين بعذر تقولينه للناس وللبنات عن سبب رسوبج فكري مني ورايح بطريقة ماترسبين فيها وتنجحين هذه الاهم واذا ع جذبتها خل تستغفر ربها وتقلب الصفحة
خلاص تنسى الي قالته وتستغفر ربها وتتوب تبلى على نفسها واهي مواول وحده بالعالم تسقط لازم تجتهد بدراستها وتتفوق عسى ربي يحفظكم ويوفقكم
ماقصروا الخوات بالرد بس قولي لها ان الرسوب مو شي كبير وغلط الغلط انها توقف عنده وماتكمل وتجتهد وحبل الجذب قصير
إذا اهي صج ندمانة تكمل جذبتها و تقول تشخيص غلط بس عشان أهلها و تنسى اللي سوته وإذا أحد سألها ليش سقطتي ؟؟ تقول كان عندي ظروف أو ما كنت أقدر أدرس وبس بأيدها تسكر الموضوع بعدين مو عيب إنة الواحد يسقط صح و لا لأ
