ممكن مساعده يابنات الاياويد

اولا بيض الله ويه من دخل وشاف الموضوع ورد عليه
وابيكم تساعدوني علي شغله مهمه
حبايبي وين احصل الجهاز اللي يطلع لي الفوط اللي تستخدم مره وحده بعد مانخلص الشيره مالت الصالون ؟؟
والجهاز اللي يعقم المناكير؟؟

هلا اختي رايتج بيضه ان شاء الله

اعتقد تحصلينه مال المناكير بالغانم

اما مال الفوط والله ما عندي فكره

موفقة يالغالية

اختي الغاليه اعتقد تلقينه عند شركه الجوثن لبيع اغراض الصالونات انا اختي كله تشتري منهم حق صالونها

وان شاء الله تلقين طلبج وموفقه حبوبه

تسلموووووووووووون علي المرور الطيب وصراحه تفاعلكم يثلج علي الصدر

افأ يا شموخ .. انا موجوده وتسئلين بره
كل البنات على عيني وعلى راسي .. بس هم الخبرة بهالسوالف تنفع
حبيبتي المعلومه لج و لأحلى عيون بشكل خاص
ولكل وحده تحتاجها بشكل عام

الجوثن ان شاء الله ما اقطع رزقهم بس هالشغلتين بالذات ما تحتاجون تشترونها من عندهم
انا اول ما بلشت بالصالون قبل 7 سنين كنت لما ابي شي ركضه عليهم
بس اكتشفت بعدين ان نفس الأجهزة وفي بعد نفس المواد اللي عندهم تلاقينها بره أقل ب15 % اذا مو أكثر

حبيبتي أحسن الأسعار تلاقينها عن أمريكان لاين بالسالميه .. وبعدهم النسايم .. يعني اللي ما تلاقينه هني .. تلاقينه عن النسايم ..
أمريكان لاين عند واحد اسمه فايز قولوله انكم من طرفي وصدقوووووووووووني ماراح يقصر معاكم .. انا جربته كذا مره
والنسايم طارق أو أحمد .. طارق هندي بس اهو مديرهم .. اذا تعاملتوا معاه بنفسه راح يخصم لكم وايد ويهتم فيكم .. خاصة الكويتيات ترى ..يعاملنا معاملة خاصة لاحظته
أجهزتهم صج كد ومد .. تتحمل ونظيفه
بس ترى الفوط انتي تغلفينهم .. الجهاز بس للتعقيم شموخ أوكي؟؟
اخذي أكياس من مركز سلطان و
Gloves
وبعد التعقيم حطي كل فوطه بكيس .. وانتي وشطارتج .. ماشاء الله عليج اشطر مني بهالسوالف
الله يحفظج وسامحيني على الاطاله والشرح المفصل

بعد راسي يام عزوز
كفيتي ووفيتي ياناس تلوموني فيها ذرابه وخلاق وسباقه بالطيب والله يام عزوز ماتعديتج بس حبيت ان نطرح المواضيع هذي بالمنتدى علشان اي وحده مثلي تتوهق تلاقي من يفيدها ولا انتي ام عزوز ادري فيج ماتقصرين
وفوق هذا كله كافي علينا خبرتج الدسمه اللي مانقدر نتعداها
بعد عمري كفيتي ووفيتي
وانا من 3 ايام عند أمريكان ومريت علي جوثن وصراحه كلهم يشرفون وانا احترت بينهم
تسلمين يام عزوز

حبيـــــــــــــــــــــــبتي انتي
هذا من طيبج وذوقج يا بنت الأصول ..
الله يعطيج على قد نيتج .. ويوفقج .. ويكون صالونج من الصالونات الأوائل بالكويت .. ويحفظج من كل عين

تسلمين يالغاليه وياج وياحلو دعواتج الطيبه ولج مثله يارب ^_^

موفقةةةةةةةةةةة

اميره تسلمين يالغاليه علي المرور...

انا الي اعرفه بالنسائم هو المكان الزين والمناسب مثل ماقالوا البنات

والله ماشاء الله عليكم و على مساعدتكم لبعض ...

الله يحفظكم و يرزقكم جميعا على قد ما تحبوا الخير لبعض يا رببببببببببببببببببببببب

اللهم امين تسلمين ياقلبي