ممكن نصيحة ... زوجي ما يحب الجنس

مرحبا
كيفكم بنات , أنا من السعودية و عجبني منتداكم حسيت فيه معلومات كثيرة و مفيدة و تطرح باسلوب راقي
الله يعطيكم العافية جميعا . ياليت اسمع منكم نصايح في مشكلتي اللي متعبتني من يوم تزوجت
, أنا تزوجت من 6 شهور تقريبا بعد فترة خطوبة استمرت سنة , كان قبلها فترة انتظار استمر سنتين و نص تقريبا ,>>>> بتكتب تاريخ حياتها البنت ...
انا اذكر الفترة اللي دامت خطبتي فيها بقصد اني اوضح الصورة و هي ان زوجي كان منتظرني لمدة ما تقل عن الاربع سنوات قبل الزواج انا عن نفسي توقعت فيها ان بعد ارتباطنا حنعيش احلى حياة رومنسية أو بالأحرى حياة جنسية , بس للأسف أحس ان زوجي اخر اهتماماته الجنس
يعني تلقوني أنا اللي اعرض عليه نفسي و هو يرفض , ما اقصد يرفضني بس يرفض اشياء يتمنونها الرجال , ما ادري اذا مسموح اوضح اكثر بس من جد انا تعبانة من هالموضوع و افكر بجد ان انفصل...
الله يخليكم انا باقول بعض الأمثلة و انتوا حكموا اذا اللي يصير لي طبيعي او لا ...
مثلا اقوله خلينا نااخذ شور مع بعض يقول لي عييب انتي ما تستحين !
او اقوله خلينا نشغل اضاءة خفيفة و قت النوم يقول لي لا خليها ظلمة النور يزعجني !
ماعمره شاف جسمي من تزوجنا بدون ملابس و لا انا شفت جسمه يعني دايما بملابسه حتى اثناء العلاقة !
ما يرضى يطلع أي صوت و يتضايق لما انا اطلع اصوات مثلا اتأوه أو ابين اني مستمتعة يقولي لي سكتي .!
ما يتحرش فيني برا الغرفة اللي اعرفه ان البنات اول ما يتزوجون دايما يشتكون ان ازواجهم يطلبون الجنس منهم باستمرار لدرجة تطفشهم او يتكلمون باشياء خاصة كثير انا بالعكس حتى لما احاول اتحرش فيه او ابوسه مثلا لو كنا بالصالة يطالع التلفزيون و ما يلتفت لي فاحس باحراج لأنه ما تجاوب معاي واقوم .
و في اشياء كثيييرة كثيييرة أنا بصراحة ما اقدر اتكلم حتى مع خواتي بهالشي لان ما ابغاهم ياخذون عنه فكرة او ينزل من عينهم بس و الله انا تعبانة يعني احس اني متزوجة بس كلقب لكم ما اعرف و لا جربت اي شي من احاسيس المتزوجات , احيانا انحرج لما اجلس مع خواتي كلهم متزوجات و يتكلمون في هالسوالف احس اني ما افهم في كثير اشياء من اللي يتكلمون عنها لاني ما قد عشتها .
الله يسعدكم يا ليت تساعدوني انا اعتبركم خواتي بالمنتدى يمكن انا اسوي شي غلط مو عاجبه و انا ما ادري....
اتمنى اشوف ردود مفيدة
تحياتي​

باضيف شي بعد . زوجي من تزوجنا ما يدري اذا اللي انا لابسته قميص نوم و لا دشداشة ! يعني ما تفرق عنده
و لا يدري اذا جاتني الدورة الا اذا طلبت منه يروح يجيب لي اولويز !!
و لما اخلص الدورة يمكن يبقى يومين على ما يستوعب اذا انا خلصت و لا لا يعني بالعربي ماااااااااااااااكو احساس أو رغبة ايش اسوي

بنات للي ممكن يساعدوني حبيت اوضح بس ان الحمد الله شكلي اكثر من مقبول , يعني عادي اصف مع الحلوات ,,,,, تمدح
و ما بقى شي ما لبسته انا طبيعتي احب اللبس و كثير اغير في اللوك حقي و الحمد الله جسمي حلو , يعني بالنسبة للشكل انا راضية عن نفسي تقريبااا
وووو بس

تحياتي
​

مممممممممممم اختي الله يعينج على مشكلتج وماودي افسر على كيفي لكن من اللي كتبتيه واضح ان العييب مو فيج ولا في شكلج واااااضح ان المشكلة عنده بس شنو بالضبط الله اعلم الموضوع حساس لكن لازم تتكلمون عنه ...


طمنينا عليج .........

مشكورة ادارية فديتك

بس ودي اقرا اراء يمكن في وحدة تعاني نفس مشكلتي


تحياتي​

والله ما ادري يمكن لانكم توكم معاريس وهو ماتعود عليج للحين
ويمكن تربيته جذيه ( عيب عيب عيب - لين خذا موقف ) مادري
لا تستعجلين يمكن مع الوقت ان شالله يتغير
الله يوفقك

اختي العزيزه

انتي مث ماقلتي متزوجه من 6 شهور

يعني طبيعي للحين يكون في بعض التحفضات بالعلاقه بينكم

حاولي توصلينها له بأسلوب مزح وغشمره

بس ما توصل للانفصال عمرهم الرياجيل مايتشابهون

لاتحطين وجه مقارنه بينه وبين ازواج خواتج

وان شالله مووفقه وطمنينا عنج....

الله يعينج حياتي بس احسن ماسويتي ان ماعلمتي خواتك
بس من باب الخبرة اقول ان زوجك حياوي ( يستحي) واقول ابدي انتي باللبس المغري قصدي ملابس البيت واعمليلة مساج واهو على اهدومة بعدها مساج بالزيت واثناء هذا اتحرشي فية بس بدلع وسوي حركات حلوة بترتيب الفراش كالورد والشموع وغيرها
#### ملاحظة مو تسوينة كلة مرة وحدة وراح تلقين تعليق بس اصبري ######
ادعو الله العلي القدير ان يزيد حبك بقلبة ########### آمــــــــــــــــــين

و الله اختي مشكلتج شوي يبيلها صبر بس يمكن اهو من النوع الحياوي او تربيته متحفظة و عشان جذي اذا صرتي صريحة كعاه ما راح يتجاوب معاج حاولي مثل ما قالت اختي بسمه 99 تسوين له مساج بس بدون ما تحسسينه انه للجنس بس حاولي تستثيرينه اثناء المساج و في قطرات اثارة او عطور مثيرة جربيها معاه ممكن تفيد غير انج تقدرين تغيرينه بس لا تستعجلين و الله يوفقكم

ان شالله مووفقه

الله يوفقج ياااااااارب
وحده من من رفايجي نفس حالتج بالضبط وهي صارلها4سنوات من تزوجت والله تقول نفس السوالف اللي صارت وياج واكثر بعد
تقول مره يسولفون رفايجها بالمعهد وتعرفين سوالف البنات تقول تضايقت ولما قالت له انت مقصر فيني وقعدت تبجي قالها ليش تبجين شنو مقصر فيج انا معطيج كل حقوقج وقعد يعدد لها كل مزاياه تقول قعدت بنيني وبين نفسي قلت صح اخاف اقوله السبب يطلقني جان تقول لا بس انا متضايقه ومن زمان ماطلعتني .
صدقيني الرجال مو نفس بعض وانتي زوجج من النووع الحيااوي .
وترى الطلااق مو حل وزوجج على ماتعوديه .

اختي بصراحة سالفتج موغريبة اشكثر اعرف بنات نفسج بس ماعلية تحملي ولا تفكرين باطلاق ابعدي هذا شي من عقلج


علي الاقل انت احسن من غيرك يتزوجون شياب اكبر منهم بسن وصابرين ومتحملين انشاء الله تجيبن اعيال وتلهين فيهم


طمنيني عليج بليييييييييييييز والله معاج باي

اماني الكويت

q8-3soola

h201225

سعودية 2009

بسمة99

قشطة نجد

هيوونه

ادارية​

​

​

فديتكم مشكورة و ما قصرتوا انكم تفاعلتوا معاي ,
أغلب الردود تتضمن الصبر و الوقت , بس أنا أخاف لو صبرت عليه ياخذ على هالشي أكثر و يصير يفكر أنه هو الصح , ما ادري أنا بداخلي مقتنعة ان زوجي مووووو طبيعي جنسيا أحس انه يحتاج علاج بس ما هو من النوع اللي بيتقبل لو قلتله هالشي هو اصلا ما يحب اتكلم بهالموضوع ,, بصراحه احسه غريب عن باقي الرجال . انا جربت اسوي مثل ما قلتو اغريه باشياء و حركات باللبس و التحرش بس والله انقهر على نفسي أدش الغرفة أصيح لأن هالحركات و المداعبات المفروض تجي من الرجال مو من البنت مو انا اللي المفروض اعلمه و اجرأه المفروض هو اللي يعلمني هالسوالف و يطلبها مني ...

اووووووووف و الله مليت بصراحة أحس اني أول بيت أهلي أحسن على الأقل ماكو مسؤولية و لا شغل و لا عوار راس , مو مثل الحين أحس اني تزوجته عشان أخدمه بسسسسس

اعذروني لو طولت بس من جد أبغى حل أو على الأقل تجربه مثل تجربتي تكون جربت شي و نفع معاها يا ليت تفيدوني


تحياتي ​

؟؟؟؟؟؟؟؟؟؟؟؟؟؟؟؟؟؟؟؟؟؟

بليز طمنيني علي احوالج الله معاج

تكفين ما عندج رد غير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:75_75:

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!:71_71:

لا تبجين حبيبتي مو عيب ان الوحدة تحاول تصلح من زوجها بس الصبر مع محاوله الاصلاح راح تجيب نتيجة و انا انصح انج تستشيرين متخصصة وما نصح ان زوجج يدري بهالشي عشان لا يزعل انشاله الله يهديه لج و يصبرج

حبيبتي موكل مره انتي تيينه خلي اهو ايي لج فاهمه علي يمكن عشان انتي جريئه وياه صار اهو يستحي عرفتي كشخي وقعدي وترى الجنس مو لازم يوميا الرياييل قدرات وصدقيني اذا زوجج زين مو عشان هالشي تطلبين طلاق نطري وراح تشوفين

انشالله البنات فادوج حبيبتي

صراحة البنت ماتنلام..يبط الجبد
الصبر زين طالما انه طيب وتعامله زين معاج
يمكن مع الوقت يتلحلح !
الموقف يبيله استشارة اعتقد للطرفين..بس اظن الرجال صعب يتقبلون هالخطوة!
اوصيج بالصبر والصبر والصبر والمعامله الحسنه وتخفيف وطأة المشكله بالمزح معاه يمكن يفهم قصدج بطريقة غير مباشرة..
ادعى الله سبحانه يسخر لج زوجج مثل ماتحبين

الله يسعدكم ما قصرتوا مشكور لكل اللي ردوا

هو بصراحة طيب ويااي و ما يرفض لي طلب
بس بهالشي غريييييب
و الله ما ابالغ اذا قلت لكم ان احنا نجلس بالبيت بالساعت مثل الإخوان و اكثر
هو بكنبة و انا بكنبة بعيدة >>>>>> يعني مو من كبر الشقة

بس قصدي ما فيه شي مميز بين بنت و ولد فهمتوني , و الله احس اني جالسة مع اخوي يعني نفس السوالف و الضحك اللي يصير بين الاخوان
اتمنى انه يتغزل بجسمي و شعري و يحسسني اني انثى , و الله احيانا لما اروح السوق و اسمع الشباب اللي يغازلون اقول يا ليته كان يغازل يمكن كان عرف الحين يتعامل معاي كأنثى ,
يمكن لو انا من البنات اللي عندهم برود كنت باعتبر حياتي ممتازة و اكثر بعد , يعني حياة مستقرة مع رجال ما يقول لا و لا يثقل بالطلبات بس انا متضايقة لاني ما احس بانوثتي معاه
يعين بالذمةانا اذا ما سمعت هالكلام من شخص مثل زوجي مين ممكن يسمعني اياه ,؟؟ و اذا ما تمتعت بالعاطفة و الجنس و انا بهالعمر متى بانبسط لما اوصل الستين و لا السبعين ؟
اسفة لو طولت عليكم بس من جد ابي افكااار او حيل الله يخليكم فكروا معاي شوي

ايش رايكم اروح بيت اهلي فترة يمكن يحس بالفرق بدوني ,
و لا ا رفض اني اسوي له اي شي من حقوقه حتى لو بسيط عشان يعرف اني رافضة هالطريقة و البرود
ما ادري صار لي فترة افكر بهالحل ايش رايكم ؟​