مرحبا سيدات شلونكم حبيباتي ببدي بالموضوع طبعا كل أزواجنا موضفين اللي عسكري واللي مدني.... وعندنا عيال .. اللي قاعد بالبيت واللي بالمدرسة... وفي منا موضفات .... المهم .... إذا كان زوجج مشغول ومايقدر الصبح مع دوامة يوديج أنت والعيال الدوام طبعا راح يتأخر بالتأكيد عن دوامة فشنو تأيدين ..... إنج تسوقين سيارة وتعزين نفسج ......؟!! أو..... تجيبين لج سايق يوديج وجيبج .....؟! مع العلم إنج ساكنة في بيت الحمولة ...... يالله سيدات نبدي الإستفتاء ..... وأبي تشجيع ونشاط خل الموضوع ياخذ حقة
اكيد اسوق بروحي .. واكره شي اسمه سايق الصراحه وما اأمن عيالي يركبون معاه يسوي فيهم شي لاسمح الله وانا مادري ..
حبيباتي مشكورين على المرور إي والله تسوقين أحسن لج والله وشرايكم باللي تقول ((والله ماسوق وأتعب نفسي ليش أسوق خل الحمار,,تكرمون,, يوديني وجيبني..اللي هو زوجها ))
لااا مااحب اسوق كلش اجيب ساااايق وافتك لان السااايق تقدرين اادزينه اي مكان اما انتي مستحيل 24 ساعه بره البيت اذا مالج خلق يروح السايق يجيب اغراضج اللي تبينها
شوفي اختي السايق حلو وشين في نفس الوقت والسياقه نفس الشي بس يمكن السايق نفس ماقالت حبيبي لحالي تقدرين تدزين باي وقت ولاي مكان بس انتي صعبه تروحين بعد الساعه10 بليل وتودين معاه الاعيال وتجيبينهم عشان ترتاحين والله يستر ماعاد في اماان كلش """ ومرات أأيد اللي تسوق والله يعين
الحرمه بهالزمن لازم تعرف تسوق سياره للضروره000 بس بالنسبه لي احط سايق وافتك ترااا هم السياقه متعبه حيييييييييييييييييل000000
اكيد اتمنى اسوق بس مو حاصلي خخخخ بس ماقصر حاطلي سايق بس اغلب الاوقات اهو يوديني يعني السايق للضروره او اذا كان مشغول
حبيبتي اذا عندج عيال افتكي وحطي سايق ولا والله كل البيت على راسج ودي وجيبي وبالعكس تدزينة جمعية محل خياط وووووو ونتي مرتاحة انا بسوق بس اذا ولدي كبر بحط سايق وخص بالسوق دوري موقف اوووف ترى مهم السايق للمرا اللي عندها عيال اول شي وناسة انج تسوقين بس جربي سنة بتلوع جبدج
حبيباتي مشكوووورين على المرور والردود الأكثر من رائة أنا عن نفسي أسوق بس لدوام ومايرضى أروح أي مكان كلش هو الله يخلية لي مايقصر دايم إوديني مشاويري
لا انا اقول تسوقين احسن السايق يتعنفص ويتزعل وبعدين فكري وين بتنومينه صح قلتي انا ببيت حمولتي بس باجر راح تتاذين تبينه ماتحصلينه واعتقد فاهمه قصدي يعني سوقي انتي احسن وبالتوفيق
احطلي سايق احسن انا ماحب السواقه اخاف منها واحسها بهذله وراح يعتمد عليج وتتعبين نفس خواتي ندموا انهم ساقوا اما السايق يكون تحت امرج تدزينه اي مكان وانتي مرتاحة بالبيت
إي والله صاجه ياريمووو تدرين مرة جبت سايق ودربة زوجي وطلع لة الليسن وإحنا اللي ندفع معاشة وأخرتها.... مرت حماي قامت تروح لدوامها مع السايق وأنا أهو اللي وديني والعصر ليمن بروح لمشوار أو زوارة ألقا خالتي ماخذته على بنة سايق ولدها قمت شسويت طردتة وخذيت 60 اللي قاعد نصرفها على الفاضي
والله قبل لا اسوق اف سكتي كانت تلوووووووع جبدي اهلي ماشوفهم الا وين ووين والسوق طبعا يا مع اهلي يا احجز عنده وشوفي عاد متى يوديني بس لما سقت وناااااااااااااسه صرت حرة نفسي
