السلام عليكم ورحمة الله وبركاته شلونكم بنات انشاالله كلكم بخير انا عضوة يديدة وبصراحة عندي مشكلة ومادري شنو الحل ومشكلتي صارلي 3 سنين متزوجة واحب ريلي واهو يحبني انا عمري23 سنة زوجي عنده تلفونين ويقطهم قط جدامي ماعنده مشكلة بس صارله اسبوع متغير علي شوي وبيوم كنا طالعين اكتشفت انه تلفونه الثاني مومعاه سالته بس حسيته ارتبك شوي وقام يرقع حق روحه وقالي انه ناسيه بيت اهله وقبلها كنت داقه عليه اساله اي سينما بروحلها ولاكان شاغل الخط ولما سالته قالي المهندس داق علي ولما اخذج اوريج التلفون وفعلا وراني الرقم بس مو عالرقم اللي انا داقه عليه وكان معاه خط ثاني وراني الرقم بس بالتلفون اللي كان معاه وانا كنت داقه على الرقم اللي كان ناسيه بيت اهله على قولته وجذب علي قالي انه كان يكلم المهندس ولما سالته مرة ثانية كنت تكلم منو قالي مادري نسيت منو قتلج انا اي صح تذكرت هذا رفيجي وقام وراني الرقم وانا بيومها كنت حدي مصدومة منه لان اول مرة يجذب علي وكان الارتباك مبين علي فانا قمت وزعلت وكنسلت الطلعة وقتله قطني بيت اهلي ولما قطني طرشتله مسج للاسف ماتوقعتك بعد هالعشرة تجذب علي وماني عارفة ليش مارد علي تميت بيت اهلي 4 ايام وبعدها طرشلي مسج ماحن قلبج وبعدها دق وانا مارديت عليه وقمت طرشتله مسج مايحن على واحد جذاب خل جذبك ينفعك ولارد علي لابمسج ولااتصال وانا حدي حدي مصدومه منه والحين صارلي اسبوع ولا سال عني معقولة متحسف وماله ويه يكلمني ولا معقولة يكون اباله احد عشان جذي ماسال هالفترة ولاشنو تكفون يابنات ساعدوني انشل تفكيري وانا الحين بفترة امتحانات الجامعة وماني قادرة افكر بشي
هلا أختي . . . ركزي في امتحاناتج وحاولي تصبرين نفسج انها فترة وبتعدي انتظري شوي وان ارسل مسج ردي رد طيب علشان نفسيتج ما تتأزم . . . وأنا سالفة هالخطين ما اتقبلها كلش يعني خط واحد يكفي الإنسان كل يومه 12 ساعة صاحي في 24 ساعة يعني شنو الزحمة والمواعيد والخصوصيات اللي عنده !! ركزي في دراستج . . . وتعوذي من ابليس ولاتكبرين السالفة حاولي خطوة خطوة تخلينه يتخلص من الخط الثاني . . . وربي يهديه لج يارب
الله يهديه لج يااارب ويصلحه .. وانتي اذا حاول يعتذر لاتصدينه عشاان لايتعوود على فرااقج وحااولي مثل ماقاالت اختي ام عبدالله انج شوي شوي تبعدينه عن الخط الثاااني .. وربي يوفقج بأمتحانااتج ويهديه ويسخره لج ..
الله يعينج يارب بس يااختي ماتسوى السالفه انج تهدين البيت عشان شكوك مومتأكده منها لاتخلين الشيطان يخرب بيتج ومتابعة الزوج وملاحقته والتجسس وراه ماراح تآخذين منها الا التعب والغثى لنفسج والله عن تجربه خليها على الله وبيني له انج واثقه فيه وراقبيه من بعيد لبعيد وتأكدي اذا راد الله ان يكشفه يكشفه لج وهو مايدري وانتي قاعده في بيتج ادعي ربج انه يهديه ويصلحه ويبعد عنه بنات السوء واكثري استغفار وعلى التليفونين تأكدي انها فترة وتعدي راح يمل لان راعي بالين جذاب
الله يعينج حبيبتى انتى عطيه قرصه عشان يدري ان مهما يسوى مصيرج بتدرين يعني حتى لو انتى ماتصيدينه ربج بيطيحه بيووم مثل سالفته هذي وانتى الاحسن انج تكلمينه وتتفاهمين معاه احسن من سكوتج جذي ترى الريال مهما كان غلطان مااايحب يعترف ولايعتذر ولايتنازل لو شنو مسوي .. انتى كلميه وحاولى تتفاهمين معاه وشوفي شنو يقولج وقولى له انتى شنو شروطج لو انا منج اقوله يكنسل الخط الثانى ماله داعي تليفون واحد ويكفي بعد شحقه تليفونين والله يهديه ان شاءالله ويسخره لج اللهم امين ..
هلا حبوبه تقريبا وضعج مثل وضعي بس الفرق بيبي و بينج إني أواجه و يقولي الصج على قولته و أدري أنه يجذب علي بس إني أقوله اوكي خلاص صدقتك و أنا أدري إنه جذااااااااااب توكلي على الله و ردي بيتج هذا أكبر غلط سويتيه أنج رحتي بيت أهلج زعلي بس لا تهدين بيتج نصيحه قوليله انا زعلانه بس ما أهد بيتي تبي تطلع اطلع انته و اقري هذا الدعاء و باذن الله الواحد الأحد يهدي سركم و يفرج كربتكم و ردلج زوجج (( اللهم اهدي ضالتي و اقضي حاجتي إنك على كل شيئ قدير ))
حبيبتي .. الله يوفقج انشاء الله و يهنيج يا رب ركزي بامتحاناتج أول شي و لا تخلين الشيطان يوسوسلج بأشياء شينه دائما تفائلي مادام انه ما رد عليج أكيد مستحي و ما له ويه يطالعج خلج حكيمة و هادية و لا تكونين متسرعة بقراراتج و شوفي كله فترة بسيطة و راح يرجع لي عندج مرة ثانية ندمان و متحسف و مادام اتقولين انه ارتبك معناتها ان ريلج على نياته و قلبه أبيض و يحيج موووت و يخاف على زعلج و ما عنده خرابيط و لا يعرف يلف و يدور كلها مسألة وقت مو أكثر و انتي بشطارتج و بعقلج راح اتخلينه يتخلص من الخط الثاني موفقة يا رب
كلميه وقوليله لا تجذب علي مره ثانيه وصدقيه اذا وعدج وقوليله ماله داعي خط ثاني ولا تشدين عليه ترى اذا ما اقتنع بيفتح خط يديد ثاني وثالث وما راح تدرين ولا راح تقدرين عليه سوي روحج غبيه ما تدرين عن شي علشان لا يحس انج ذكيه وفطينه ولا تسألينه وايد منو كنت اتكلم علشان لا يحتاط منج خلج عاديه الرياييل يخرعون لا اتنبهينه وردي بيتج بسرعه لا اتعاندين الشيطان شاطر وديري بالج على دراستج ومستقبلج اهي كل قوتج وكرامتج علشان ما تنذلين اتصيرين اقوى وأحسن منه وانشاء الله مافي شي إلا كل خير
ليش تركتي البيت وااااااااااايد تسرعتي مالة داعي زعلي بس لاتخلينة بروحة وبتفاهم والاسلوب الحلو والهدوء كل شي ينحل والله يوفقج بالامتحانات انشالله
