السلام عليكم شخباركم بنات بإختصار أتمنى اللي تدش الموضوع ترد علي رد يبرد الجبد وإذا بتقول إحنا شكو فيج ومن هالردود اللي أشوفها بالمواضيع الثانية رجاءاً تطلع بدون رد بنات أنا عمري 20 بإختصار شديد لما كان عمري 11 سنه تقريباً قبل لا أبلغ بجم شهر وتعرفون عبث الطفوله كنت لما أغسل وأنا بالحمام أكرمكم الله أطول وأنا حاطه الماي على المنطقه الحساسه بس وربي كنت جاهل وما أفهم ولا كنت عارفة إن هالحركه مضره لي المهم بعدها أختي الكبيرة كانت تبي الحمام بيومها شافتني طولت وشكت بالوضع لما طلعت سألتني ليش طولتي! شنو تسوين ؟ بالأول عبالها إني أتسبح بعدها علمتها وأنا أبجي قالتلي إن بعدين إذا كبرتي وتزوجتي زوجج راح يطلقج ويقول إنج بنت مو زينه قلتلها ليش قالت لأن اللي يسوون جذي أهم البنات اللي مو زينات بعدها والله بطلت من الحركه ما أسويها كلش عقبها عرفت سالفة غشاء البكارة ........إلخ الحين بنات أنا مملجه بس خايفه إن الغشاء تضرر وأنا ما أذكر إذا و أنا أسوي هالحركه نزل معاي دم أو شي غير كذا أستمريت عليها فترة تقريباً 5 ل6 شهور ولاتقولون روحي مع أختج للعيادة عشان تأكدين لأني والله كل ماتذكرت هالسالفه أكره نفسي حييييييل ومابي أجييب لها طاري كلش تكفوووون أدعولي
لا ياقلبي تطمني وان شاء الله مافيج إلا العافيه وغشاء البكاره ما ينفتح بهالسهوله من الماي شيلي عنج الوسواس وتوكلي على الله وان شاء الله مافيج إلا كل خير
حطي بطيخه ابطنج ونامي حبيبتي.... علي قولت اختي ام الحلوات غشاء البكره ما ينفتح بسهوله والله يوافقج .....
الله يطمنج انشالله والله انا ماسويت شي بنفسي وخايفه من اول يوم وحاسه بمعاناتج بس انشالله رب العالمين يسهلها
لاتحطين فبالج هالشي وشيلي الوسواس مثل ماقالوو الخوات الغشاء ماينفتح بالسهوله هذي وموفقه انشالله والله يتمم عليج
حبيبتي لاتخافين بالماي مايتاثر ولاشي بعدين المكان داخل ومايقدر علية الا الرجل وراح تحسين بعوار حيل لاتحاتين مافيج شي واستانسي وليلة العمر بس مرة بالعمر وفكري شنو راحتتجهزين وطلع للسووووووووق ولاتعبي نفسج بالتفكيررررر والله يسعدج ويوفقج ياقلبي
الله يوفقج ومبرووووووووووووووووووك مقدما استانسي اختي ولاتضيعين على نفسج فترات حلوووووووووة غشاء البكارة مستحييييييييييييييل يتبطل بالماي اصلا المتزوجات وهم متزوجات اول زواجهم يكونون للحين بكامل العذريه لأنه صعب يتبطل بسرعه مووووووووووووفقه
