قوة بنات كل وحدة صامت واهي حامل تقول تجربتها وعندي استفسار بسيط يقولون يمكن باجر رمضان وانا بالسادس اليوم ياتني دوخة (فقر دم)اصوم؟؟؟بس حيل ودي اول سنة اصوم رمضان كامل شاركووووا وقولوا اي شهر بالحمل صمتوا فية؟
انا دايما يصدف رمضان وانا حامل بالسادس واصوم حرام تضيعين فرحه الشهر تفطرين بعدين الاشهر الوسطى من الحمل افضل اشهر للصيام
هلا حبيبتي انا اقولج عن تجربتي انا مره صدفت اني صمت وكنت في الشهر الاول من حملي والحين بعد حامل والشهر الخامس وانشالله رح اصوم بس نصيحتي لج انج عند الفطور شربي كمية من السوائل وتاخرين وجبة السحور وشربي ماي وايد ولا تاكلين ع السحور توابل او اكلات مالحة او حلوة لانها تعطيج طاقه وتعطشج وايد وكلي حبوب الحديد مالوت الحمل (فوليك اسيد) واتمنى اني اكون افدتج ولو بشي بسيط:wink_smile:
اهلين حبوبه انا السنه اللي طافت كنت حامل بالشهر السادس والحمدالله صمته كله ودكتوري نصحني بالسحور اني ما اكل وايد كان سحوري موزه و تمر وحليب مااتحسين باليوع لي الفطور انتي جربي اول الايام لا اتشدين على نفسج وانشاالله تقدرين الله يسهل عليج انشاالله
حبيبتي اذا الحمدالله مافيج شي والدكتوره ما منعتج من الصيام .. عادي صومي انا صمت لما كنت بالشهر الثالث وقالوليلي مو زين .. لأن هالاشهر يتكون فيها الجنين .. ومن هالكلام الفاضي وكان معاي فقر دم بس الحمدالله ربي قدرني وصمت الشهر كله بس كنت اراجع الدكتوره .. وآخذ حبوب حديد وكالسيوم وماشاء الله كاهو ولدي يمي بس نصيحه .. بعد الفطور كثري سوائل وفاكهة وحليب ( اكل مفيد ) وهالله هالله بالتمر .. 7 وقت الفطور تعوضج عن كل شي الله يهون عليج ان شاء الله ويسهل عليج
أحلى شي تصومين وانتي حامل ما تفطرين تصومينه كله وسهالة من الله سبحان الله وترى الصيام برمضان مو نفس الصيام بعده يطوف بسرعة الوقت وكل الناس صايمة معاج ما تحسين بتعب انشاء الله والله يسهل عليج يارب :wink_smile:
انـــــا صادف معاي رمضان بحمالتين مره واانا بداية الحمل فترة اوحام والثانيه كنت بثامن والله الحمدلله صمته النهاااااااار كله نووم بعدها تصبرين لين الفطوور سهــــــــــااالااات انشاالله ,, وعسااااااااكم من عايده
السلام عليكم ورحمة الله وبركاتة الله يسهل عليج يارب العالمييين انا بعد هذى اول سنة حمل وانا فى الشهر السادس واليوم كنت تعبانة حسيت بدوخة بس اليوم بسحر ان شاء الله ..والله ايسر امر الجميع يارب فى أمان الله
هلاااااااا حبيبتي انتي جربي وان شاء الله سهالات انااا حامل بشهر ونص وبصووم ان شاء الله صج داايخه ولوعه بس اصوم باذن الله ومبروك عليكم لشهر
هلا حبيبتي انا صدف 3 مرات حامل برمضان مره بالسابع وصمت والحمدلله سهالات من رب العالمين ..ومره بالتاسع والحمدلله كملته علي خير وولدت 4 يوم العيد خخخخخخخ ومره صمته وانا بالسادس وهم كملته ولله الحمد اتكلي علي الله وصومي ولج الاجر طالما ماكو خطوره عليج وعلي البيبي .......
انا بثامن بداية وصمت بس نهاية سابع فطرت يوم واحد لاني تعبت حيييل معدتي تعورني ولوعة.. سهالله من الله انشالله
