صباح الخير على الجميع منو ولد في مستشفى رويال حياة واشلون ولادتهم القيصريه لاني انشاالله بولدقيصريه بعد اسبوع ودكتورتي فوزيه القطان لا تبخلون علي بالمعلومات ناطرتكم:wink_smile:
هلا حبيبتي أنا والده عندهم شهر خمسه العام ودكتورتي معصومه العمليه أوكي الحمدالله تمام بس الخدمه بصراحه يعني مو بشكل المستشفى لان خدمتهم فندقيه مو طبيه وأنا خذيت جناح ليلي طبعا تكلفتي كانت صدمه ٢٦٠٠ دينار لان ولدت باخر الثامن توم وعيالي بروحهم كلفوا الف وانا الف و٦٠٠ والحمدالله التساهيل من الله الله يهون عليج وتقومين بالسلامه انت والبيبي ، اي استفسار أنا حاضره ،،*
حياتي انا اللي خلاني اشيل فكره ولادتي برويال حياة سالفة وحده ،، ان دكتور بالمستشفى نفسه طلع و السبه ان قايليله اي حاله تييلك حولها قيصيريه ،، قالهم بس في حريم حرام يقدرون يولدون طبيعي مارضووا قالوله مو مهم ،، فلو تلاحظين ان أغلب الولاده عندهم قيصريه ،،
انا ولده عندهم بنتي عمرها الحين سنه عند دكتوره لبنانيه اسمى بولين بصراحه شي راقي معاملتهم جد حلوه بس ولادتي طبيعيه وانا جناح ليلي وكلفتني 1100 تقريبا وبنتي 400 بس حلو بس غالي حيل ,,
انا ولدت عندهم قبل سنتين والحين ناويه اولد بعد مره العمليه على حسب دكتورتج .. ودكتورتج وايد زينه تولد اختي بس اختي تولد طبيعي عندها مادري عن القيصريه اما المستشفى بشكل عام رووووووووعه يدلعونج اخر دلال .. و النيرس اللي تتابعج ودها تشيلج فوق راسها من كثر ما تهتم فيييج
انا لي سمعت مايمدحونة وغالي على الفاضي ... رفيجت اختي مرة اخوة بقت تموت بنته ماتت طلعوا الياهل ودخلوا مرة ثانية ودكتور نحاش... الله يسهل عليج..
حبيبتى انا ولدت عندهم قيصريه لان راس الجاهل كان فوق والحمدالله العمليه ممتازه وكانت دكتورتى خالده المجيبل والتوقيق من الله والسسترات كانو روووووعه معاى وعسى الله يهون عليج وتوليدين بسلامه الولاده كلفتنى 1300 وقعده 3 ايام وسعر مناسب مافى فرق كبير بين المستشفيات الثانيه
