ابي مساعدتكم حبيباتي منو تعرف جمال الشومر اللي اعرفه انه رسام ونحات ويقرأ الرقيه الشرعيه! وابي اعرف في احد يعرفه او سامع عنه حطيته باليوتيوب طلع كلشي عنه بس ابي احد مجرب قرايته ساعدووووووووني
ماعرفه اول مره اسمع في شنو اهو كويتي بس نصيحة انتي حاولي ترقين نفسج وصلاة اخر الليل فيها فايده كبيره واقري اواخر سورة البقره التسع ايات الاخيرة تحفظك من كل شي
والله صراحه انا اخاف منهم لان كثرو الدجل والشعوذه وع فكره اللي يفقهون بالدين وبعلم الرقيه الشرعيه مستحيل يكون رسام لان الرسم والله اعلم حرام ومن الشبهات وهو شكله مو شكل مطوع .. عندج المعروفين مثل الحداد ومطوع الخفجي الرشيد ومطوع المدينه المنوره ونصيحه مني لاتروحين الا للي واثقه فيهم حيل .. وان شاء الله اني فدتج وتتقبلين نصيحتي بصدر رحب وتقبلي مروري ياالغلاا ..
ماااسمعت فيه,,,,,, بس اختي مو اي احد تروحين له,,,,, مهمااا كان يعتبر رجل غريب,,,, ارقي نفسج انتي احسن,,,,,
اختي انا شفت رسوماته .. والله حرم هالرسومات اللي يرسمها لأنه يرسم أشخاص .. مو معقوله ريال عارف ربه ويقرى على الناس ويرسم هالرسومات شي ما يدخل العقل .. نصيحه أرقي نفسج ابنفسج وعليج بسورة البقره استمري عليها
هلا اختي . . . للاسف ما اعرفه واللي اعرفه ان المطوع والملتزم ما يقعد في مكان الفتنة الاسواق ويرسم ! مثل ما قالت لج اختي كويتية عسولة في ناس ثقة للرقية والافضل ترقين نفسج مثل ما قالت لج الاخت اصيلة وما تشوفين شر
بصراحة انا ما اعرفه بس له برنامج على قناة العدالة مرة شفته , يقرا ويفك سحر بالبرنامج وله موقع بالنت وانا خذيت رقمه من الشاشة لان شكله يعرف يفك السحر , بس والله مادري عنه ما اعرف احد جرب قرايته بس شوفي برنامجه شكثر نا س تتصل عليه بس في ناس يقولون والله اعلم على ذمتهم هالكلام انه مايدخل البيت الا تعطينه فلوس الله اعلم انا بصراحة ما ادري دقيت عليه وردت علي وحدة اخذت رقمي وقالتلي بعد 10 ايام يدق عليج لانه مشغول واااايد وصارلي اسبوع وما دق علي والله اعلم انا بصراحة ما اعرفه
