&& من أسوأ المطاعم الي جربتها تعالوا شاركونا &&

السلام عليكم



عندي اليوم موضوع مهم الصراحه ما خطر على بالي

بس لما رحت وجربت المطعم قلت لازم انقل لكم



مراسلتكم

من مطعم عيال بو سالم



طبعا انا وزوجي واختي وريلها متعودين دايما نتيمع ونروح فريج صويلح

بس بيوم اليمعه كانت الساعه 2 الظهر قلنا خل نروح رحنا ولا زحمه والصراحه ما قدرنا نصبر لان حيلللللل كنا يواعه

المهم قلت حق ريلي انا شايفه بالمنتدى يمدحون مطعم عيال بوسالم واهو نظامه نفس نظام فريج صويلح ليش مانجربه

وقال يلا رحنا طبعا اهو بالاندلس

يا بنات تخيلو المطعم بس ديكورات ولا ماكو احد غيرررررررررررررررررررررررنـــــــــا


أمبيه فريج صويلح طق مطاقق وهذا ولا احد غيرنا شسالفه


هني بدات اخاف وعصافير بطني زادت بالصراخ :74_74:

المهم قلنا خلينا نجربه


طبعا انا طلبت مجبوس دياي

وزوجي كان بيطلب مجبوس لحم

واختي بتطلب برياني وريلها مطبق زبيدي

بس سبحان الله ياني احساس يقولي خلينا نطلب اوردر واحد ونجرب عيشهم على الاقل


وطلبت مجبوس الدياي والله يا بنات ماكو والله والله اقل من 10 دقايق كان الطلب على الطاوله امبيه


طبعا شكله يشهي بس لا يغركم الطعم

ولا يوصل على ربع فريج صويلح والله فرق سما عن ارض

واحلى شي عندهم بس الحمص والخبز فقط لا غير

واسعارهم اغلى بشي بسيط من فريج صوووووويلح

ولا اخر شي لا قهوه ولا قيمات مع ان كانت اخت حاطه موضوع ان ضيفوهم

بس تبارك الرحمن فريج صويلج لا القوه توقف عندهم ولا القيمات والحلوى



الله يخليك يا بو صويلح

اخليكم ويا الصور














سامحوني حبايبي طولتها عليكم بس ما ابيكم تتوهقون نفس ما توهقنا

وحطولي تجاربكم شنو احسن مطعم وشنو اسوأ مطعم جربتوا

حبيبتي انا اذكر باول زواجي رحت ريز ون الي على البحر كان كلش مو حلو
بس والله الحين ماادري عنه يمكن تعدل هذا كان اسوا مطعم كليت منه
ومشكوره على الموضوع

احسن معم عندي قيصر

الحمدالله مامر علي مطعم موزين



ويسلموو ياقلبي عالموضوع

حتى انا ما يعجبني كل ما امر من صوبه اشوفه فاضي !!

حياج الله على مشاركتج

احب حلوياتهم

ووايد يمدحون البوفيهات

حياج الله حبوبه

انا نفسج جربتهم ماعجبني وحسافة ماله طعم نهائي

بس الحين تاكدت لمى شفت الموضوع ان فعلا مايستاهل احد يروحله

عيال بو سالم مو حلووو خير شر..

انا سمعت صجه على مطعم النوخذه بس لما رحت له عااادي ماعجبني مع انه غالي

يسلموو عالموضوع

اي والله تعبانين عليه لووووووووووووووووووولز

الله يعين

اي والله حبوبه بس الخبز الي حلو من الاكل كله ههههههههه

النوخذه ما جربته ولا عمري سمعت فيه يلا زين خلينا نعرف على شان لا نجرب

حياج الله حبوبه

بالعكس النوخذه وايد اكله حلو وراقي

انا اسوأ مطعم مر علي هارد روك ويييييع الله يزيد النعمه ماعجبني لا انا ولاريلي طلعنا منه يواعا لووووووووول

المشكله ان الناس اذواق سبحان الله

هارد روك وكل المطاعم الي على البحــــــــــــــر أكـــــــــــــس أكــــــــــــــــــــس

خووووووش موضوع


احلي مطعم ليلي من لبنان الصراحه ممتاز



واسواء مطعم الله يزيد النعمه هارد رووك كان مقلب

قيصرررررررررررررررررررررررر عجيييييب اللي بالسالميه

وحسني اللي بحوليوبعد عجيب

هارد روك وكل المطاعم الي على البحرررررر مووووووووووووووووووشي

بس منظر

وايد يمدحون اكل قيصر ان شا الله نجربه
تسلمين على المعلومه

بالنسبة لي كلما زرنا الكويت أنا وزوجي ,,,, أول مطعم إنحب إنزووره ومشتااقين لأكلاته مطعم ,,, ميس الغانم ,,, و مطعم فريج صويلح ,,, الله يحفظ الكويت وأهلهااا ,,, إبصراااحة ما نصبر عن زيااارتكم ,,

اسواء مطعم 00000000000 مطعم كرستال عاللى بالفروانيه اللة يزيد النعمه تطلب بريانى هامور يجيبون لك هامور قطع مستطيله اللى مثلجه بالجمعيات هههههههههههههههههههه والعيش كله اصباغ وهم غالى على شنو مادرى

اسوا مطعم حسني اللي بحولي وغالي على شنو مادري

مشكوورة انج نبهتينا

اسوأ مطعم واللي تندمت اني رحتله مطعم مهراني اللي بالفروانيييه الله يزيد النعمه كلش مافي شي حلووووووو

وحسني اللي بحولى استغفر الله اول ماتدخلين ريحه الطباخ ودهنهم مغرق الاكل الحمدلله عالعافيه