يا هلا و يا مرحبا بكل السيدات الحلوووووووووووووووووووات صار لي فترة يطرأ على بالي تغير بس خايفة أطرحه .... وايضا ماني عاارفة كيف أطرحه .... لكن قررت الحين إني أقول اللي في نفسي وانتوا ان شاء الله راح تفهموني لأني ماشاء الله أشوفكن ذكيات ولماحات ... السالفة ومافيها اني من كثر ما صرت اقرأ الشعارات الجديدة اللي ينادون فيها الحريم الحين وكل يوم جايتني رسالة فيه : - لا تجعلي زوجك محور حياتك . - لا تجعلي زوجك كل حياتك بل اجعليه جزءا منها - أحبي نفسك أولا ثم زوجك . - ان لبستي البسي عشان نفسك وان سويتي سوي عشان نفسك . - الرجال ما يستاهلون الحب ولا التضحية .** وغيره وغيره من الشعارات والنداءات اللي ماكنا نسمع فيها من قبل . السؤال اللي يدور ويدور براسي : هل آن الأوان لنا نحن الزوجات أن نعترف بأن الزوجة هي المستفيدة الأولى من التعدد والزوج هو الذي سيجد التعب والشقاء إذا عدد ؟
الحمدلله دايما انا اول وحده ترد عليج ههههههههههه والله يا اختي اغلب الشعارات اللي ذكرتيها مو صحيحه اقولج شلون... يعني اذا كشختي مثلا طبيعي بتكشخين لنفسج وبنفس الوقت بيفرح بشوفتج الزوج واذا قررتي انه ريلج مايكون محور حياتج بتكون لج نظره حلوه للحياه على اثرها بتغير نفسيتج وبتعاملين ريلج بطريقه افضل يعني لاتقنعيني انه ريلج ماراح يكون المستفيد من كل تغيير بحياتج اما سؤالج عن التعدد بحياته فهو للرجل ذو العقل ماراح يسبب اي مشكله لانه بيكون منصف وعادل ويعطي كل وحده حقها (ترى انا ما افضل ولا أأيد التعدد) اتمنى افدتج بكلامي ياحلوه
انااامبسوووطه انكـ اول وحـــــده تردين فديت قلبكـ كلامك علا عيني وراسي ووجهت نظركـ احترمهااا دااايماااا منوووووووووووووره يـ الغاليهـ
هلا اختي . . . كل تلك الرسايل والشعارات يجب ان تطبق بعيدا عن علم الزوج ،كل الزوجات المحطمات كن بالاصل يفعلن كل تلك الامور للزوج يعني قمن بإلغاء استمتاعهن الشخصي في اللبس والمكياج والعطورات كل شيء له فقط وبالتالي لما يتزوج تقول انا سويت له كل شششششششششششششششي وهذي تاليتها !! التعدد بشروط والاسلام لم يطلق العنان للتعدد على مصراعيه بل بشروط وهو العدل ولو حرصوا فالن يعدلوا!! وللاسف اغلب الملتزمين دينيا ما يعرفون تطبيق الشريعة الاسلامية الا وياها التعدد!! سواء في مذهب السنة او الشيعة نجد أن غالبية هم هؤلاء الرجال ابتداع فرص للزواج الثاني مسيار - مسفار - متعة !! يعني الرجل رجل سواء ملتزم ام لا لا يفكر الا بسرته وما تحتها !! اتمنى ان يلتفتوا لامور اهم تربية النشء ومجابل عيالهم افضل من اللهث خلف امرأة آخرى !
اي انا مع ام عبدالله اكيد اذا كشختي بتكشخين حق زوجج بس هم انتي لازم تحبين نفسج وتهتمين قيها بكل مكان مو بس حقه وما تحرمين نفسج من اشياء تحبينها والمستفيد من التعدد الزوج وبعض الاحيان الزوجه لما تكون مقصره او غافله عن اشياء يكون اتعدد يصحيها من غفلتها
بالعكس انا احب زوجي والبس واكشخ عشانه مااشوف فيها غلط وزوجي له مكانة عندي بس هم اهلي وحياتي ومستقبلي لهم مكانة وبالنسبة للتعدد . . اكيد انا ضده شستفيد منه غير الضيم والقهر ........ ومو كل الرجال عادلين
