بنتي الين الحين ماتمشي وادري ان هذا الشيء يبيله صبر بس من تجاربكم الخاصه هل هناك شيء يساعد طفلي على المشيء؟ اي شيء تعرفونه الله يجعله في مزان اعمالكم
حبيبتي تمارين داخل البيت يعني مسكي ايدها و مشيها اشوي اشوي او مثلا وقفيها خخل تمسك الطوفة و في العاب لتدريب الطفل على المشي بس اهم شي انتي دربيها وشجعيها الله يخليها لج يا عمري
مشكور ياعسل الله يسعدك يااااااااارب والله يخليك زوجك و يرده لك بالسلامه و يوفقه بدراسته يارب والله يخليك عيالك و يجعلهم من الذريه الصالحة
جم عمرها بنتج اهم شي تركبينها الدراجة الدائرية اهية اللي تساعدها على المشي ولما تكمل السنه اتدربينها انتي تمسكين ايدنها ولا من خصرها وتساعدينها تمشي بس اهم شي تتاكدين ان قدمها ثابته على الارض والخطوة الثانيه تمشي تقريبا نص متر بينج وبين احد ثاني جدامج توصل له بعد ما يشهيها تجي عنده بلعبه او اي شي تحبه والمسافه هذي تزيدينها شوي شوي على حسب تمكنها وبعدين بتشوفينها اتقحص بالبيت والله يخليها لج
ربنا يباركلك فيها حولي تمسكي ايديها وتمشيها وتشجعيها علي المشي لو بتحب لعبة امسكيها بعيد عنها شوية علشان تروحلها انا بنتي مشيت علي سنة وشهرين مش تخافي ربنا يرزقك بالولد السليم المعافي
لاتمشينها قبل ما تمشي من نفسها لآن هالشئ درارسته في علم النفس يعيق المشي عندها اذا كبرت هي بنفسها تتقوى وتشيل نفسها بنفسها
حبيبتي احنا عيالنا لما كانوا صغار كانوا خواتي يربطون صدورهم بشيله بشكل دائري يعني تصير حزام من تحت الابط لين الخلف للطفل ويمسكون طرف الشيله ( تخلين جزء من لشيله تمسكينه) من الخلف ويبدي الطفل يشد حيله شوي شوي والله أعلم عن مدى صحة هالطريقة علميا بس الحمدلله والشكر لفضله عيالنا مشيتهم صح 100% وشدوا حيلهم ومن دراستي أذكر ان اللي يتأخر مشيه يسنّن بسرعه ( يعني راح تطلع لها أسنان بسرعه) لان فايدة مادة والكالسيوم الحديد بجسمها يكون تركيزه على الأسنان أكثر من العظام أو العكس والله أعلم ... ان شاء الله أكون أفدتج
