من وين ابدا ماعرف وشلون استمر في حياتي ماعرف الصمت قتلني ولوحده ذبحتني محد داري عني الكل ضدي ولااحدفاهمني احس بفراغ في حياتي حياه بارده وسبب كله زوجي الي يسواى الدنيا كلها قمت الطناش ولهو حاس فيني برود عاطفي استهتارخيانه كل انواع العذاب ذوقنيها من دون من حد تعبانه
الله يهديه لج ويسخره لج .. ان شاء الله يتغير للاحسن غيري من نظام حياتج استانسي لاتضايقين نفسج ترى الحيااه مو بس للزوج الحياه لطاعه الله ومعنى ومضمون وحب الاهل والاصدقااء تقربي من الله بالدعاء والصلاه والاستغفار بالثلث الاخير من الليل وخصصي لج وقت لقرأه القرآن وشوفي حياتج شلوون راح تتغير للاحسن يمكن اول الاياام بتتضايقين اكثر بس بعدهاا بترتاحين راحه مو طبيعيه وبيغير ربي حيااتج .. اهتمي بنفسج حاولي اذا تضايقتي تشغلين نفسج بأي شي تغيرين نظام غرفتج تغيرين من نفسج .. وزوجج خلج عند حبج له وخلج احسن منه ومن استعان بالله ماخاب شوفي التغيراات اللي بتصير وراح تدعين لي ..
لاحول ولاقوة إلا باللــــــــــــــــه الله يعينج ويهديه ماتنلامين والله اكيد في شي مكرهه فيج لازم تعرفينه
الله يعينج إن شاء الله لازم تشوفين السبب اللي مخليه متغير عليج راقبي طلعاته مكالماته حاولي تشوفين تلفونه طبعا بدون مايحس الأرقام والمكالمات والمسجات شوفي إذا عنده شي مثلا علاقه مع وحده أنا مابي أحرشج أو أخوفج بس أقولج يمكن وانتي حاولي تغيرين من شخصيتج مثلا إذا طلع لا تدقين عليه وإذا رجع البيت لا تقوليله وين كنت وإذا قالج يافلانه أنا بطلع قوليله إخذ راحتك حبيبي مثلا قوليله أنا بروح مع رفيجتي السوق محتاجه أشتري شوية أغراض فهمتيني غيري طبعج وشخصيتج خلج معاه غامضه ولا تسألينه عن أي شي سوي واجباتج اللي عليج كزوجه وبس وشوفي إشلوت راح يتغير 180 درجه وأهو اللي راح يركض وراج والله يهديه ويسخره لج إن شاء الله
الله يعينج ويصبرج الموضوع موسهل حاولي تكلمينه تفهمين شاللي غيره اكيد في سبب استغفري ربج وادعييله انه الله يهديه دايما اقري قران وشغلي قران بالبيت عشان يتبارك البنات ماشاء الله ماقصروا الله يعينج ياقلبي
بصراحه انا ماايد انج تراقبيين مكالماته او تلمسسين حتى تلفونه مالج شغل فيه فرضا لقيتى شي مسج او مكالمه شبتسووووين ؟ نصيحه منى لج ريحي بالج اللى عليج تسوينه بس الزمي الاستغفار والله الاستغفار وشيلي فكره الخيانه من بالج وانتي حاولى تسليين نفسج بنفسج عيشي حياتج وخليه يعييش حياته لاتحسسينه انه مراقب والله يسعدج ان شاء الله
