من روائع قلب الأمة.. الشيخ زايد بن سلطان آل نهيان رحمه الله

من روائع قلب الأمة .. الشيخ زايد


من روائع قلب الأمة ..

من أشعــار سمو الشيخ زايــد بن سلطـــان آل نهيـــان..رحمه الله






في داعت الله..


في داعة الله يالمظانين ياللي لكم في القلب ملياه
سرنا وعنكم هوب سالين نبغي وصلكم وين نلقاه

لو كان في اليابان والصين بنييه في اللي هي منقاه
مامولة تشرَى بملايين ياكبر حظي يوم بنصاه

مايستوي لي العيد عيدين وبيبش قلبي يوم انا احذاه
زين المعاني ماله اثنين ياما حلاه بنشوة صباه

حلو المحيا بية العين بين البشر ماحد شرواه
يارب متعني به سنين ولا اتشمت اعدايه ولا اعداه

قم ثيب يا الدكتور في الحين صبٍ يشوقه شوف مضناه ..
خابرك عارف بالقوانين ولك في الهوى دستور تقراه..

الـــــزيــــــن..


الزّين هذا حلـو ٍ وْ زيـن خصّه يلـي لبْـس القلايـد
فتّان يسبي القلـب والعيـن ابه الحسن والزّيـن زايـد
ما شفت انا في وصفه اثنين ترف الصّبا غضّ النّهايـد
من وين هذا الرّيم من وين لي صـار للغـزلان قايـد
مفنود عن كـل المزاييـن نوره لنور الشمـس عايـد
في مبسمـه درّ ٍ مثاميـن ٍّ ودانــات فـرايـد
عوده اذا هبّ الهوى ايلين فـارع وميّـاس ٍ ونـايـد
تحلا به الاوصاف واتزين واتزين به حتّـى القصايـد

الله عطانا..
الله عطانا خير وانعـام
والـحمـد له واجـب علـينـا

ياللي عطانا إيمان والهام
ومـن فضـله الضـافي عطينا

واليوم صارت جنة أحلام
تـزخـر بفـل وياسـمـيـنـا

قام الوطن ابتخطيط ونظام
زان وتـزخـرف وبه بهـيـنا

دولة تطور عز واســلام
وبين الامـم دولـه بـنـيـنـا

والشعب متـهني بلنعـام
ومـرتاح فـي هـذي السنينـا

وهذي جهود اعوام واعوام
ونسـعـى لـمجـد له عنينـا

شامخ وفيه اترف لعـلام
ونسـعـى لصـلح الـمسلـمينا وننبذ لـذي واشي ونمام
ونـتـرك كـلام الـواشـييـنا





شرت النسيم..



شرت النسيم البارد..حرك مابي هواه..
اذكرت ريم شارد..لي من عرض محلاه..

زاهي يذيله وارد..متباهي في صباه..
عندي غلاهم زايد..وسط الحشا ملياه..

سيدي بحسنه سايد..تاج الحسن يكساه..
قرب ولا تتباعد..انته الهوا دنياه..

انته حلو القصايد ..فيك القصيد احلاه

يالباس القلايد.. يا من قلبي حواه..


الله يرحمه ويزقه الفردوس ...
​

الله يرحمك يا ابويه
يعلني افدااااك لين الحين ارددها اتحسب فالوجود
مشتاقين لك

زايد واحد ماله اثنين

مشكوره اختي

تسلمين إختي ع الرد

:thumbs_up:صح الله لسانج :thumbs_up:الله يرحم ابونا زايد الخير:thumbs_up:ويغمد روحه الجنه:thumbs_up:

الله يرحمك يازايد ويرزقنا الرؤية الصالحة فيك

الله يرحمه ويسكنه الجنه
تسلمين عالـ نقل ​

ونعم الحاكم زايد كان اسطورة في القيادة
اللهم ارحم موتانا وموتى المسلمين

الله يرحمك يابو خليفة

الله يرحم ابونا زايد ويغمد روحه الجنه كان والنعم القائد في ذمتيه..

الله يرحمه

يسلموو ع النقل حبوبه

بوخليفة مالك امثالي والشعر عندك تراتييبه

الله يرحمك يابويه

الله يرحمــه ويرحم امـوات المسلمين....

فعلا زايد فقيده...

ياه عورتي قلبي ذكرتينا ببابا زايد الله يرحمه ويغفرله وينور قبره فعلا احنا غياب بوخليفه وايد اثر فينا للحين نفتقدك الله يرحمك