السلام عليكم ابي اعرض لكم مشكلتي واللي تقدر اتساعدني راح تلقاها عند رب العالمين ومن فرج عن مسلم كربة فرج الله عنه كربة من كرب يوم القيامة انا كويتية بالتأسيس متزوجة من غير كويتي (بدون) اشرحلكم وضعه : اجداده في الكويت من عام 1920 انولدو بالكويت واعيالهم اندولدو بالكويت وتعلمو بالمدارس ولكن جدهم لما عطوه وصل الجنسية قال احنا كويتين ومعروفين وقبل كان يسافرون ويردون عادي من اوراق ولا جوازات ولا جناسي وما اهتم وماراح طلعله لا حقه ولا حق اعياله طبعا العيال اكبروا ولما راحو يطالبون فيها قالولهم هذا وصل قديم وما نعترف فيه حاليا ، وهذا وضعهم من سنين ليه يومنا هذا عايشين بديرتهم بس بدون انا احاليا متزوجه احد ابنائهم عن علاقة حب كبيره لا يمكن افرط فيها بحياتي الا اذا اندفنت تحت التراب زوجي انسان طيب ومحترم جدا عنده شهادة ميلاد واحصاء وشهادات التعليم من الروضة لآخر مرحلة اهلي أوقفوا ابويهي وايد وعانيت وايد لما تزوجت هالانسان طبعا الزواج كان بالمحكمة والمحكمة طالبة اورقة من زوجي من اللجنة التنفيذية لكن حسبي الله على اللجنة قامو عطوا زوجي اورقة ان اهوه من اصول ايرانية فلازم تنحطله جنسية ايرانية طبعا اهوه ما عنده اي اثبات او اوراق او جواز انه ايراني وقاله الموظف تبي ايراني والا عراقي وبعد مشاداة كبيره بين زوجي وبين موظفي اللجنة حطوله ايراني فاخذ الورقة ووداها اللجنة واكتبوله في عقد الزواج ايراني _ طبعا زوجي سكت واضطر لأنه يبي يتزوج يا ايراني يا ماكو زواج واهوه يبي وما صدق ان اهلي استسلموا ووافقو طبعا احنا الحين انعاني وايد من هالموضوع خصوصا ان صار عندي ولد وما تطلعله شهادة ميلاد الا ايراني والموظف المختص في وزارة الصحة قال حق زوجي اذا طلعتها حق ولدك راح تثبت عليكم وهذا اللي الجنة الخاصة بالبدون تبيه - زوجي اتعبت نفسيته وانا تضايقت وايد وصرت مريضة والله وما طلعنا حق الولد شهادة ميلاد ولا شي ومعتمدين على بلاغ الولادة بس . طبعا ظروفي جدا صعبة انا موظفة في وزارة حكومية وزوجي موظف في قطاع خاص معاشه 200 دينار والله حياتي صعبة جدا جدا _ طبعا من شروط الوالد اني اسكن بشقة مو مع اهله وانا الحين اسكن بشقة ايجارها 300 دينار وعندي اقساط سيارتي ومتحمله كل هذا علشان زوجي وولدي - اقصر على نفسي ولا اطلب من اهلي شي والحمدالله انا حاليا عايشة بخير ونعمة بس احاتي ولدي اللي ما عنده اثيات بهالدنيا واحاتي زوجي اللي المفروض اكويتي بس دار عليه الزمن واحط بهالظروف الصعبة ابي مساعدتكم اللي يعرف احد في اللجنة او تقدر اتساعدني بموضوع جنسية زوجي او موضوع طلب بدل ايجار او علاوة الابناء او استخراج شهادة ميلاد حق ولدي الله يجزاها خير واجرها عند رب العالمين - اختكم الكويتية المهمومة[/center][/center][/size][/size][/size][/center]
شوفي حبيبتي حياتج وايد صعبه وفي ناس وايد جذي ولازم تصبرين وكل مشكله ولها حل دام احنا بضل ال الصباح بنعيش شوفي حياتي راجعي وزارة الداخلية وفهميهم وضعج
حبيبتي الله يكون بعونكم ويفرج همج صج ماعندي خلفيه عن الموضوع بس اتوقع انه ولدج يتعامل ك ابن كويتيه وبجذي راح يحصل على حقوقه على هالاساس كاوراق رسميه و حاليا قاعد يدرسون هالشي بالمجلس انه ابن الكويتيه يتعامل معاملة الكويتي فاتوقع تقدرين تطلعيله شهادة ميلاد انشاءالله وراح اسألج حبيبتي عن هالموضوع وانشاءالله اقدر افيدج واختي بالله مالج الا الدعاء والصبر كما قال الله ( وبشر الصابرين ) والله يكون بالعون حبيبتي تقبلي مروري
الله يكون بعونج هذا أغلب حال البدون بالكويت للأسف الحاله مانحلت من قبل ليما هلو علينا ناس من الشرق والغرب وكبرة المشكله ودخل فيها الصالح والطالح الله يصبرج ويفرج همج يارب
حبيبتي أنا حاسه فيج لان مشكلتي نفس مشكلتج وعيالي ضاع مستقبلهم ولا أحد بيحس فينا حتى لو متنا الزمن صار مثل الوحش والناس صارو ما يحسون ويدوسون علينا وهم فرحانين ومستانسين شو اقول نار في قلبي وكم مره حاولت أنتحر من هذا العذاب الي ياكل في جسمي أحسه مثل المرض الخبيث يمكن المرض الخبيث له علاج لكن نحن شو علاجنا بتقولن الصبر كل شي نفذ منا الله بس يقوي إيمانا لان بدون الأيمان راح ننجن هذا الو بعد نا ما جنينا أحس نحن وعيالنا أنحكم علينا بلأعدام والتنفيذ بطيء (حسبي الله ونعم والكيل)
