انتي ام لاواللة اسمحيلي روحي اخذي كرت احمر عشان محد يشرة عليج ليش مجنونة متخلفة نقول معاها عذر اما انسانة كاملة والكامل اللة وحالتج حالة بغيتي تموتين يوم ماحملتي يوم اللة رزقج بطفل قمتي تافافين ماقدر وماقدر منو يقدر فيج حالة هدي نفسج استوعبي الامومة شوي شنو مهنتج تولدين والخدامة تربي واذا سافرت تقوم القيامة عليهم لان هذيك الام الي صبرت يعني ولدج ولد الخدامة ولاتقولولي لا انشاللة ولدي عندي خليج واقعية مع نفسج متى تشوفينة الصبح مداومة تنامين الضهر تسبحين وتطلعين اخر الليل الولد نايم متى شفتي او دريتي عنة الا ماقل ينعدون الطفل نعمة حافظي عليها مهما كان طفل ياناس حطي عندة جمرا وتمرا طبيعي بيروح للجمرا لان ماعمرة راح يعرف يحكم عقلة ان هذا حار يشوف لونة ويروحلة تطقينة ليش سؤال جننوج اللة لايهينج الف طريقة للعقاب مو تجين وعمرة 4 سنين وتربينة اكبر غلط يتربى من 4 شهور سويلة اي حركة يقلدج الطفل ذكي استغلي ذكاءة باي او لا وبنبرة صوتج راح يعرف اذا كان اكثر من طفل احرمية من اي شي يحبة طلعي اخو وخلي عند ابوة بالبيت اشتري لاخو وهوا لا احرمي من الطلعة بالعطلة حكمي عقلج قبل لاتنمد ايدج لاتطقينة الا اذا مسوي كارثة ومع ايدة ممكن باي طقة تقضين علية ويروح من ايدج ولا اعاقة بالسمع ولا بالوجة واللة الطفل ماينسى الام شلون كانت تعاملة راح يفقد شخصيتة ويصير انطوائي كسلان بليد مايعرف يركب جملة عكس الطفل الشيطان بس يتعاقب بديهي شاطر يعتمد على نفسة مايخاف ياحلوهم وياحلو شطانتهم بدل لا تنكدين شوفي شخصية عيالج وكل واحد ياخذ عقابة الطق مايربي واللة مايربي بتقولون هذا احسن حل تستغلين ضعف المسكين وتدرين انة ماراح يقدر يدافع عن نفسة وانتي طقتج والقبر لاحول اللة كافي انهم طيور الجنة حافضي عليهم وادعيلهم بدل الدعاوي اللة ياخذك الملائكة وجب وكل دعاء تدعينة مستجاب قولي اللة يهديك ياحلوها اخذي قرار من الحين لاتمدين ايدج ترى يبيلها وقت اذا اهما متعودين على الطق اللة يسامحج ربيهم على الامان والراحة طالع من الدنيا عشان يلاقي مذبحة كل يوم بدل لايشوف الحب والحنان انتي عودتيهم تحملي المسؤلية ياعل ايدي تنكسر قبل لامدها عليك يالولي ولدي خلاص عودتة بالخز مانطق بكلمة بمكانة يقعد وعمرة 2 كافي انها احلى هدية ربي عطانياها خل يتشيطن طفل وفي طاقة ليش احرمة بعد من الحركة خل يتدلع على قلبي فديتة بس امانة عيالكم برقبتكم لايشوفون ام فلان شلون تعامل يعالكم ويبدون بالمقارنة واسفة على الاطالة
كلامج كله صح يالغلا بس احيانا الضرب يفيد خصوصا في امور ما تجي الا بالضرب يعني مثلا الصلاه في سن العشر.. لازم ضرب.. ولو يتي لآبائنا تشوفينهم رجال والنعم فيهم ويعتمد عليهم ليش شياب قبل مايعرفون غير الهوا والطق بس مو فكل الأمور وهالشي اللي خلاهم يربون جيل قوي جيل رجال بحق.. بس مثل ماقلت مو دوم الضرب .. عوافي يالغلا عالموضوع.. ماننحرم من يديدج يارب
الصراحه موضوعج رروعه واثر فيني وايد انا من النوع اللي اطق عيالي بس مو بهبل واهم 24 ساعه معاي لاني مو موظفه ولا راعيته طلعات الا للضروري واخذهم معاي بعد الا نادر بس لمه اطقهم اسم الله عليهم احس بالذنب ابي اسوي كنترول على نفسي اكبرهم عمره 4 سنين والثانيه عمرها 2ونص والثالث 9 شهور بس الاثنين الكبار نجره وهواش وطق الله لا يوريج اتمنى تفيدني يالغاليه
اسم اللة عليهم نفس اعمار عيال اختي واللة شقولج اختي من النوع الحار ونفس حالتج واللة كاني بعيد الكلام عليها ولدها الاول هادي يحب العب ولدها الثاني شيطان بصورة فضيعة ماتخيلينها الحين تطق ليل مع نهار ولا كانها سوت شي واللة كانت تطقة كان الولد عمرة 15 سنة السنة الجاية يدخل الروضة كلمتها مرة لانها طقتة قدامي واللة المسكين ماودة يبجي عندي تحسين محتر لاتشوفين حالتة واللة انة احسة مو طبيعي الولد زفيتها زف عنة حرام عليج وتقولي ماتحملة انتي ماتحملين ولدج الخدامة بتحملة كل شي بالكلام جاهل ينقص علية باي شي اخذتة وقتل شوف ياماما امك تطقك لانها تحبك بكى قال ماتحبني ودي الارض تنشق وتبلعني صدمني سكت وخليتة رحت المغرب محل قريب عندنا وشريتلة لعبة وقلتلة هذي من امك من الفرحة مايدري شيسوي كلمت اختي وقلتلها ردي البيت وحضني وبوسية وكلمية قوليلة ياماما انا كل يوم ليش اطقك رد لاني العب قالتلة لا لانك ماتسمع الكلام صح قال صح قالتلة شرايك ماطقك مرة ثانية سكت قالتلة شنو تبي قال وديني ماكدونالد قالت باجر ماراح اطقك بس اذا قلتلك اعقل وماعقلت راح اروح انا واخوانك واخليك بالبيت قال اصير عاقل المهم تشيطن لين طقتة كلمتها قلتلها خليج قد كلمتج وخذي خوانة وخلية بكى لين قال بس بروح معاكم بس ظغطت على نفسها وخلتة ودت عيالها وجابتلة وجبة قالها ليش ماخذيتيني قالتلة انا مو قلتلك تعقل وماعقلت وباجر بنروح البحر بشوفك اذا ماعقلت بخليك من يومها ماقامت تطقة لانها ادبتة وترى يبيلها وقت كل ماتشيطن اخذي اخوانة وخلية لين يتادب لاتنسين الطفل بسرعة ينسى واللة صحتة ردت وخوانة تادبو لانهم شافو فعل مو قول وبس في حركة حلوة كنت اسويها لاخواني العاقل احط تحت مخدتة ربع دينار يستانسون كل يوم يقومون ويدورون اذا مافي يحتر ويجبر نفسة انا يعقل الحين بو تسع شهور عودية على صوتج وخزتج بيخاف لاتطقينة امانة برقبتج ترى مايدري وين اللة قاطة يمكن يشوف ويقلد لاتنسين الثاني دم ضروسة الصغير يحتر منة خلي اهتمامج بالكبار اللة يهديهم جربي وعطيني رايج لو بعد وقت
ياحياتي كت كات الصلاة من 7 سنوات تعلمينة وقبل لاتعلمينة حببي بالي اهوا بيسوي عطي احاديث ونبذة عن الصلاة انها عمود الدين محد راح ينجحك ويرزقك وووووالا اللة تدري ليش لما تصلي وتقول يارب تنجحني ينجحك اي شي تبي اطلبة من اللة لانة مايرد احد وباسلوب يقنع الطفل انت اذا مت وماتصلي بتروح النار واذا تصلي تروح الجنة وقارني بينهم وبعدين لما يقتنع راح يطبق بشي اهوا حابة مو مجبور علية وذكري على طول الصلاة ياللة خل نتوضا ونصلي جذي مو اجية وطق بالطفل صل ماراح يصلي لانة مايدري ليش يصلي وذكرية صليت قوم صل وبعدين تقارنين عيشت قبل نفس الحين قبل حياتهم عسرة الطفل بدل لايدرس يسوي خبز ويبيع بالمحلات وبسوق السمك حمال عشان جذي كلا يطقون لكسب المال اما الحين اللة عازنا الحمدللة كل شي متوفر بس مو عارفين ننضم وقتنا للاسف من كثرو الخدم وحنا كانا ميتين وحنا حييين لاحركة بس ناكل نشرب نكشخ نطلع نلبس وبالبيت ماتشيلين العود والولد اهوا الي ضايع بين اهلة اتكلم عن الاغلبية انا واللة كنت جذي اقعد معاة بس اكثر وقتي برا وانا اداوم بس من كمل 6 شهور حطيت حد للطلعة ولولدي صار اكثر وقتي معاة حسيت الولد تغيرت نفسيتة والي خوفني الخدم الي يطقون انا شدراني عنها بالبيت شتسوي اذا احنا نطقهم قدامهم اهما شبيسون اذا احنا مو عندهم اكيد بطقة واللة ماطلع الا معاي الحين عمرة 2 وعودتة بالخز اخزة خزة لين احس قلبة بيطلع وصدقيني تنفع عمري مامديت ايدي علية ولا راح امدها احنا قبل شنسوي كل شي سويناة نحرمهم من طاقتهم ليش اوكي الصلاة كلمية وبعدين طقية بينيلة انج مو راضية عنه مع انة كل شي بالكلام يمشي فديتج على الرد حبيبتي اقولج شي عمر الطق يولد حب بل دمار وكراهية حتى على اخوانهم وقارني عايلة كلا تطق وعايلة بس بالكلام شوفي الفرق واكبر غلط هالكلمة ادق على ابوك ليش وين دورج يالام ام على الخيبة لازم يخاف من الطرفين وكلة على التعود يبكي مرة و3 و4 10 لاتكسرين كلمتج
مشكوووره اختي على هل حجي والله صج حرام الي نسوي بعياالتا غيرهم مو حاصل لهم ويتشفقون على اليهال ,,, انا عندي بنتين الاولى عمره سنتين ونص وااايد اعصب عليه وجم مره ومره طقيته لانه بصراااحه وايد شييطانه وطفر والحين قاعد احاول امسك نفسيي ما اطقه بس اغير نبرة صوتي واعليه عاد اهي تخاف وتطاالعني وساعات هم ما ينفع عاد اقوم واوقف جدامه واقوله ترا بييب ولاعتي وتخترع وتسكت وما ادري والله صح ولا غلط الي قاعد اسوي معاه ..؟
اللة يخليها لج يارب كبر ولدي بس البنت حركتها اسرع من الولد انا مااايد حركة الولاعة بالمرة يمكن تسببيلها عقدة نفسية من الصغر او اي شي حاد او حار او غيرة غلط شوفي انتي امنعيها عن دخلة الحمام مثلا بس دقيقة راح تدخل انا مشكلة ولدي مع الحمام عزكم اللة تدرين ليش لان لو تقوليلها قطي نفسج من فوق السطح بتقط نفسها عقلها ماكتمل عشان تميز الصح والغلط ولا تحرمينها من شي كل شي بخاطرها عطيها دلعيها خل تشيطن اذا تشيطنت عطيها الوان او لعبة او تركيبات او سولفي عليها مع الحركات والتعبير راح تلاقين اندماج مو طبيعي ترى كل شي اقولة لج مطبقتة مع ولدي او لعبيها روحي اي مكان ودور عليج العبي معاها وشغليلها دفيدي عوديها على بيتها احسن لها واذا تشيطنت صرخي عليها بصوت عالي وخزيها اذا سويت هالحركة مالج امل يتحرك من مكانة بس بعد 10 دقايق ضميها راح ترد تلعب ويمكن تشيطن تدرين ليش لانها حست بالاطمئنان بس لاحظي حركتها بتصير اهدا ولدي اذا بكى بعد مااخزة او اصرخ علية اخلية يبكي لين يشبع واللة ماتدرين شلون يتقطع قلبي واهوا يبكي كانة يعاتبني لاني مو بكل حزة اصرخ علية يمكن كل 3 ايام اعطية صرخة فيبكي من قلب و يجيني انا ماروحلة ابينلة اني زعلانة بعدين اضمة عاتبيها ترى تفهم بس لاتهددينها ديربالج
الله يهديهم ويصلحهم .. انا ولله الحمد صارلي فتره سويت كنترول على نفسي مااطقهم ,, بس العقااااااااااب ومخليه الطق للشي الجاااااااايد والله يهديهم يصلح بااالهم
درر يالغاليه سلمت يداك عالموضوع صراحه افدتيني بس انا من النوع اذا عصبت افصل لاني معاهم طول الوقت بالبيت بس انشالله اقدر اتحكم باعصابي...
لبى روحج وقلبج على هالموضوع والله ياعليا قريت موضوعج وخنقتني العبره انا عيالي اتعامل معاااهم بالطق بشكل فظيع ماكو تفاهم يرفعون ضغطي ولدي الكبير 4 سنوات كل ماشافني يقولي ماما لااطقيني بس يشوفني يقولي هالجمله من كثر ماطقه بس والله كلاااااااااامج راح اطبقه بالحرف الواحد حيييل اثر فيني .......... الله يجزاج الف خير
