موضوعي الاول : تعريف وتحذير

سلام عليكم ورحمة الله وبركاته

طبعا انا حبيت اشترك بأي منتدى كويتي يهتم للريجيم والرشاقة مالقيت الا هالمنتدى

رجل كويتي اخوكم احب انقل لكم تجربتي بالسمنة كان وزني سابقاً ٢٣٠ كيلو غرام حالياً وزني ٨٠ كيلو غرام طولي ١٧٦

من اللي شفته وخاصة بين خواتنا في الكويت يدورون صابونه تضعف كلينكس ينزل الوزن مخدة تسوي تكميم ويدورون الشغلات السهله مايبون يتعبون نفسهم

نصيحتي لكم انا ما اشتركت في الموقع الا لاني بنقل تجربتي للكل وابي الكل يستفيد بلا تكميم بلا هالخرابيط كلها اللي ماوراها الا الامراض وخسارة بيزات


قصتي كالتالي عشان نجاري الاحداث

بديت حياتي عاديه وتزوجت عادي كان وزني طبيعي بعدين زاد ليما وصل ٢٣٠ وطحت بالمستشفى طبعا ضغط سكري انسداد بالشرايين مادري ليش كنت عايش المهم بعدها قالي الطبيب اذا ماتبي عمرك عندنا ثلاجات تكفي او انك تطيح وزنك انا صرت شاطر واتبعت ريجيم ودشيت نادي لمدة سنتين ونص ماغبت يوم واحد وكنت ادق دق بالنادي
نزلت وزني والحين الحمدلله مجسم طبيعي من غير ابر ولاهرمونات ولا اي شي ومافيني ترهلات
ياخوات حرام اللي تسوونه انا بنزل لكم مواضيع تهمكم وتساعدكم على هالشي بس لا تضيعون باللي يتاجرون بصحتكم واللي عندها اي استفسار تكتبه اهمي او ترسل لي رساله خاصه انزل موضةع خاص بسوالها
اخوكم بوعبدالله العازمي