مو طبيعى الى قاعد يصير؟

السلام عليكم عندى مشكلة انا ما عندى حظ باالخدم يبت كذا جنسية بس مايقعدوووون عندى الاندونسية يبت ثنتيين وحدة طحت عليها تغازل والثانية اللة يشفيها معاها صرع والسلانية كملت سنة وتالى طلعت قصة بولدها وسفرتها تشوفة وتردواللة دفعت تذكرة روحة وردة ولا ردة ويبت وحدة ثانية شفتها باردة وتطق عيالى ورديتها والحييين خذيت اجازة من دوامى ومانى عارفة شسوى يبت موقتة شنو الحل؟ واللة انا مو حارة عليهم باالعكس زوجى يقول انتى تدلعينهم فيدونى اللة يرزقنى باالى تبرد قلبى وتحن على عيالى

ان اشاء الله يالغاليه تلقين طلبج شوفي نصيحه الخدم لا تدلعينهم ولا تشدين حيل معاهم اهم جذي لدلعتيهم ركبوا فوق راسج الله يعينج ويسخرلج وحده زينه لج ولعيالج بحق واحد احد

ام حيدر مشكورة ماقصرتى امييين يارب

جربي الاثيوبي ه و عنده عيال انشالله توفقين و كلهم يغازلووون ماكو فايده بس شيتوين محتاجينهم

نفس القصة

حالج من حالي نفس قصتي مع الخدم ولا وحدة توفقت وياها وسألت نفسي شنو السبب انا حارة اي بس اعطيهم اللي يبون واعاملهم بما يرضي الله و ما اطق الا في حال بغيت اردها المكتب لاني اكون شفت منها العجب ، وثاني شي يمكن انا دقيقة بالترتيب شوي واحب كل شي اشوفه بمكانه اخر شي وصلت له عن اخر خدامه ما قعدت يوم واحد يعني ما كملت 24 ساعة تعرفين ليش ؟ تقول ماما وايد نظيفة وبيتها حيل نظيف لدرجة حتى جنطتها ما فتحتها عندي على طول قالت وديني المكتب وهذا الكلام قاله لي زوجي طول ما يشوفون بيتج يخافون و ما يقعدون عندج والحل لازم يبون نصير مثلهم فوضى بفوضى واسمحيلي طولت عليج

الله يعينا عليهم والله قليل اللي يبين فيهم الطيب
بس شنسوي انحدينا عليهم
شوفي حبيبتي جربي نيباليه يمدحونهم وحيييل نظيفات
والله يوفقج بوحده سنعه

هذا حظنا مع الخدم ,,,, بس اذا صار حاجتك عند () قله يا سيدس ... حبيبتي ليش ماجربين الأثيوبيات بس والله مادري ليش اخاف من الأثيوبيات ... وبصراحه كل الخدم يغازلووووون والصراحه الخدم مومال دلع كلش لأنه يزودووووونهاااا وايد فا دربالج وجربي الأثيوبيه تكون صغيره وتبي شغل

والله انك صاجه هالخدم شر لابد منه
وان شاء الله تتوفقين بوحده عدله

الله يعينج

جيبيلج وحده اول مره احسن

اختي اسرار احزمي من البدايه بعدين اذا اعرفتج رخي شويه
وبعد طريقه ناجحه خلي عندج جم راتب لها تمشي مثل الساعه
مجربينها الله يوفقج وادعي لنا

ربي يوفقج بخدامة تكون زينة . . .

وتقولين ما يقعون عندي بعد
تدرين ليش
لانج تدلعينهم
الدلع اهوه اللي يخرب الخدم
والله انا عندي خدامتي كملت الاربع سنيين واللي قبلها كلهم يكملون الين يخلصون ويروحون ويبجون يبون يرجعون لي
الي وحده كانت عاهه
بس نظامي مع الخدم
ما اعطيها وجه كلششششششششششششششششششششششششششش
بس
اذا غلطو عليها عيالي زفيتهم
علشان ما تحقد عليهم
ابرد جبدها بدال لا تمد ايدها ولا تسويلهم شي
سوالف وضحك معاها ماكووو
تبي شامبو وصابون وكل شي اجيبه لها بس بحدود
مو تتشرط وتقولي الماركه اللي تبيهااا
انا مره جتني قالت لي مابي شامبو صانسيلك ابي بانتيين
قلت اوكي اشتري من فلوسك
قلت لا خلاص اشتريلي اللي تبينه
مو عن اقدر اشتريلها اللي تبي بس ما تمشي كلمتها علي
ولا اضحك ولا اسولف معاها كلش
اذا تبينها تحترمج
انا مو عن شي والله
بس عندهااا الخدم اللي مثلها تسولف معاهم
اذا طاحت الميانه انسي انها تقعد عندج
نصيحه لوجه الله










وعسى الله يجيب لج الخدامه اللي تبرد جبدج

موفقه يالغاليه............

واللة اختى انا على نياتى اداريهم عشان عيالى وحده طلبت فترااات راحة زيادة وعطيتها وبتالى طلعت تطلع مع رفيجها والثانية شافت عيالى وقالت مابى اشتغل والاخيرة طلعت سالفة على ولدها وقالت بتيي بعد عشر ايام وطيرتها على الكويتيية عشا ماتتعب ودفعت لهل روحة وردة ولا يااااات وغير عن المريضة والمنحاشة الخ الخ انا متوهقة وصابرة قدمت على وحدة بعد شهريين توصل على فكرة انا ماعندى الا اثنين وزعاطيط

اذكر قبل اذا قلنى للخدامه بوديج المكتب قامت تبجى وترجى الحين عينهم قويه لا ويتشرطون مابي بيت فيه بيبي مادري منو مقويهم المكتب ولا السفاره .

الله يريحنا منهم....... بس صج مومال دلع لالازم الحزم قاعده اشوف اهلى ورفيجاتى ماشاء الله
محد عقد عيالنا الا الخدم حسبى الله ونعم الوكيل

اييه والله نفس مشكلتي ماتقعد عندي خدامه
انا لان ماعندي عياال بس انا وزوجي وساكنين بشقه
ومن كثر ماهي فاضيه تطلع الطلباات وفي بعضهم ماأرضى على طلبااتهم ف يزعلون اللي تنحاش واللي تقول وديني المكتب
زهقوني والله
انا لولاا حاجتي لهم والله جان ماجبت اصلاا خدامه انا 9 سنين ماعندي خدامه بس الحين لما حملت وتعبت لازم بعد مضطره

والله ابتلشنا بهالخدم
انا نفسج مالي حظ وعندي 3 خدمات وبيتي دور واحد ومافي شغل وطيبه معاهم وتعالي شوفي اهمالهم بالبيت والعيال
انا لاني مااشد عليهم واهم ماخذين راحتهم اهم مايبون جذي

وبعدين لاتصدقينهم لما يقولوج ماما ماتت والا زوجي سوى حادث والا بابا يبي موت اغلبهم جذابين وصارت معاي نفس هالسالفه مرتين وطلعو جذابين
والله يعينه عليهم

الله يعييينج

والله يا أسرار جنج تسولفين عني حتى ريلي زهق من الفرفره ويقولي انتي ماتعرفين تتعاملين معاهم كل الناس تجيب وحده ثنتين تضبط اش معنى انتي اللي ماتضبط معاج