السلام عليكم شلونكم بنات مابي اطول عليكم ابي اقولكم موضوعي ويعلم الله اني ماتشجعت وكتبته هني الا لن عارفه ان فيكم الخير وماراح تقصرون معاي انا عمري21 تزوجت من سنتين وبكمل الثالثه الحين كنت بنت دلوعه عند اهلي وبالاخص امي وطلباتي اوامر وكنت قنوعه بطلباتي ومجنونه صرف لو يعطوني مليون بليلة وحده اضيعه وهالشي كان عادي بالنسبه لأهلي لني دلوعتهم وبيوم تقدملي ولد خالتي وهو بدون واكبر من بست سنين الكل كان مستبعد اني اقبل فيه لن انا صغيرة بنظرهم بس بعد عدة استخارات وافقت عليه ولله الحمد ماشفت منه الا كل سعاده دامت فترة الملجة تسع شهور وكانت احلى ايام عمري وكان مدلعني وهو كان يدري انا شنو نظامي مع اهلي وشنو مستوى معيشتي واهوه واهله مستواهم افضل من مستوانا بكثير مع انهم بدون ولكن الله موفقهم المهم بعد العرس بشهر تفنش من دوامه وانا كنت طالبه بالمعهد يعني ماعندنا دخل شهري فاقترحت عليه نسكن عند اهله قال لا انا عندي مبلغ موفرة لمثل هالظروف وعشنا من هالمبلغ وماكان مقصر معاي بشي رغم وضعه المادي وبعد ست شهور توظفت وفرحت لني راح اشيل عنه هم من همومه واصرف على نفسي واعتمد على نفسي لين مايتوظف وبعدين مبلغه اللي كان موفره تقريباً خلص مابقى شي منه لنه كان مبلغ بسيط وقمت ساندته ووقفت معاه وهو كان حيل منحرج من الشي هذا بس اقنعته انها فترة وبتعدي وكنت مقصره على نفسي تقريباً مااصرف شي من معاشي وكله عنده وهو يوديني اي مكان اخذ مستلزماتي ويحاسب وباقي المعاش ماكنت اسأل عنه لن ادري ان ايجار البيت ومستلزماته من معاشي وماكنت متظايقه كنت فخورة بنفسي اني قادره اضحي واسوي شي زين للشخص اللي احبه ومرت الايام وحملت وجبت بنوووته مثل القمر وصرت اتظايق لن موقادره اصرف نفس قبل ماحسيت اني موظفه كنت اروح الدوام ساعات ماعندي ولا فلس فبوكي واقول عادي **يرة بيتوظف وتنحل امورنا بس بديت امل الوضع هذا وكل مااشوف اللي حوالي من خواتي وخواته وجماعتنا شلون مستانسين ويقطون فلوسهم على اللي يبونه وماهمتهم الفلوس اقعد اتحسر بيني وبين نفسي وكل ماحسيت اني مخنوقه امد سجادتي وامسك قرآني وهذي حياتي جذي متظايقه من وضعنا المادي وخايفه انه ماراح يتحسن ومتظايق من زوجي لنه اخر الايام قام يحاسبني على مستلزماتي ان كان جمعية او سوق او هدية لأحد من اهلي او اهله اذا كان في مناسبهاو حتى زواره وفاتحته بالموضوع وحسيته انخنق مني وقال كلمة للحينها براسي قال انا عمري مامديت ايدي محتاج لأحد ولكن الله كتبلي الحين احتاج وماعندي غيرج واذا هذا الشي يظايقج اخذي بطاقتج وتحسفت اني كلمته وعطيته البطاقه وقتله انا مومتظايقه لني اساعدك انا متظايقه لن الظروف هذي خانقتني ومومتعوده على الوضع هذا ولنك صرت تتدخل بمستلزماتي وتحاسبني هذا غالي وهذا ماله داعي قال انا مااقولج هالكلام الا لن احنا بظروف ماتسمحلنا نقط فلوسنا على شغلات ماني شايفها اساسيه ومابي نضطر نتسلف من الناس واقنعني كلامه وسكت بس الحين يابنات متظايقه والله واحس اني ناقصه عن الناس الثانيه موظفه بس موقادره اصرف براحتي اتحسر على العباية ولا البدله ولا العطر ولا اي شي من سوالفنا احنا الحريم وبنفس الوقت عايشه مع انسان موبس يحبني الا يعشقني ويحترمني ويقدرني وحاطني على راسه اهوه واهله بس وضعه المادي مظايقني ومأثر بحياتي معاه موقادره اكون نفس قبل مفرفشه 24 ساعه وموقاعده تطلع مني كلمه حلوة له اهو يصبحني على حب ويمسيني على رومنسي لأبعد الحدود موقادره اكلم احد واشكيله وافظفظله بالع** شموخي ووكبريائي اللي تربيت عليهم يمنعوني اني اشكي لأحد من اهلي بالع** قاعده اكابر واسولف عند اهلي عنه ان ماكو شي بخاطري مومسويه لي ومومقصر معاي مااحب اطلع قدامهم محتاجه وم**ورة ومااحب اطلع زوجي بصورة الرجال اللي معتمد على مرته لن ادري انه مو جذي ادري بتقولون ماديه بس والله ماني ماديه لو ماديه كان تطلقت وقعدت عند اهلي بس الماده محد يقدر يمشي حياته من غيره وانا مومتعوده على المستوى المعيشي هذا مع العلم ان اهله مستواهم المعيشي حيل زين وكل واحد فيهم مكون نفسه بس يابنات والله تعبت من وظعي المادي ومن تصرفتتي معاه صرت عصبيه وعلى اي شي ابجي واصب دموعي قولو تكفون شسوي
ذكرتيني بموقف قلت رايي فيه وضحكت صلحبة الموقف وبعدها بسنين قالت ياليت خذيت كلامج بمحمل الجد مره قالت لي وحده تبي رايي بخطيبها ..قالت حلو ويهبل شكله بس عيبه فقير ومايشتغل واهلها مرشحين لها واحد اسمر بس عنده خير وفلوس وايد قلت لها بغض النظر عن الالاسمر اسمر او الجميل جميل قلت لها قبل الزواج لازم يكون اللي بيتزوج مقتدر ماديا قالت الفلوس مو كل شي قلت لها الفلوس تعطيج ثقه وتخليج واقفه بوجهه الدنيا وانتي قويه مو ضروري تحبين الفلوس بس املكيها لانه احنا بزمن نحتاج في الفلس عموما قصدي من القصه انه انتي ماتهتمج الفلوس بس محتاجتها علشان حياتج واحتياجج لها المفروض مايسبب لج احراج بس الوضع اللي حطيتي نفسج فيه هو اللي مسبب لج كل هالضيقه والتعب المفروض اول ما ترك ريلج وظيفته يروح يدور له وظيفه ثانيه وماكان مفروض نج تعطينه بطاقتج ...انتي سويتي هالشي بحسن نيه وهو يستاهل انا معاج بس تسليمج البطاقه له وصرفج على البيت عوده بدون شعور على الرباده.....الحين اللي راح راح والريال دام فيه خير مثل ماذكرتي وطيب وويحبج ...حمدي ربج على النعمه ولكن...اطلب منج لمـصلحتج انج تقعدين معاه قعدة صلح وتكلمين معاه عن هالمشكله بطريقه حلوه لانه خوش واحد وصدقيني راح يتفهم الموضوع قولي له انا متاضيقه ومخنوقه وحاسه بشعور مو حلو مو منك بس من ظروفنا اللي احنا الحين عايشينها وطلبي منه يدور له على وظيفه باسرع وقت لانه غلط اللي قاعد يصير كلميه بدون لاتجرحينه ادعي ربج انه يهيده ويوفقه ويرزقه بالوظيفه الزينه لانج بنت حلال وتبين الستر وربي ماراح يقصر معاج
هلا اختي . . . الاخوات ما قصروا واختي المزاين عطت الحل . . . اهم شي لا تاخذين قرض ولا سلف بحجة يبدأ مشروع هالشي فيه ظلم لنفسج وربا احذري منه . شعور ان الوحدة تتعب وتروح الدوام وتالي حسرة عليها الشي او انها تشتري شي لنفسها من بيزات تعبها شعور يخنق لكن ان شاء الله فترة وتعدي بإذن الله انتي كلميه عن الوظيفة وشنو سوى وليش ما يتوظف وهل حاول والا ما حصل يعني قعدي وياه وشوفي بشنو يفكر وشنو سوى من محاولات . . . وربج كريم وربي يفرجها عليكم عاجلا غير آجل - ينقل موضوعج للقسم المناسب -
حبيبتى من رايي انج تصبرين يمكن رب العالمين يمتحنج يوم كان عندج فلوس ما فكرت توفرين اي شي يمكن من اللى يصيرلج حكمه من رب العالمين بس هم ما يمنع انج تنصحين يدور على شغل او حتى انتى تدورين حقه .وانا انصحج كل يوم الصبح ادعى رب العالمين وواضبى يوميا 100 مرة ( لا اله الا الله الملك الحق المبين ) او 30 مرة ( سبحان الله وبحمده سبحان الله الغظيم وبحمده). عن النبي صلى الله عليه وآله وسلم انه قال لرجل يشكو من الفقر والسقم الا اعلمك كلمات تذهب عنك الفقر والسقم ، تقول : لا حول ولا قوة الا بالله العلي العظيم ، توكلت على الحي الذي لا يموت ، الحمد لله الذي لم يتخذ ولدا ولم يكن له شريك في الملك ولم يكن له ولي من الذل وكبره تكبيرا ". والله يرزقج من حيث لا تحتسبين و يفرج همج و غمج عاجلا ان شاء الله آمين يا رب العالمين
ما قصروا البنات وخلاص نصيبج ورضيتي فيه وماقصرتي بنت ناس واصيله كملي طيبج معه ووقفي معه لما يلقى وظيفه انشالله وتحسن اوظاعكم وياقلبي كل شخص يمر بظروف صعبه واكثر منج وشي احسن من شي قولي الحمدلله وادعي ربج دائما اللهم ارزقني من حيث لا اعلم واغنني عن عبادك وربي يوفقج ويهدي سرج
الله يكون بعونج وضعج كان نفس وضعي بس الفرق زوجي كويتي ترك وضيفته واعتمد علي بكل شي اهلي كانوا يصرفون علي انا وعيالي مع الايام والسنين بديت احس ان مافيه رجوله شلون يرضا بهالوضع حتى الاحترام مع الايام بيقل صج انه كان يحبني بس الحب موكل شي صدقيني يااختي كنت متوقعه مع الايام يحس وكلمته مره ومرتين بس مافي فايده لو يبي كان من نفسه دور وضيفه كلمي ريلج نصيحه لازم ياخذ موقف يطلع يدور له وظيفه حتى لو مؤقته المهم يسوي شي بحياته عيشوا الادوار صح ترى مع الايام حتى انوثتج ماراح تحسين فيها وانا اسفه اني طولت عليج موفقه يااااارب
