مرحبااا بنات مشكلتي مع اخت زوجي وهي انا الحمد لله منء الله على بالحمل بعد اجهاض مرتين وتوي بشهور الاولى وقلت له الخبر يعني اخت زوجي وقلت لاتعلمين احد ليما يكمل الثلاثه ونا اخذ ابر مثبته وادويه يعني حوسه وللحين يعني الا جت قالت لي ترى قلت لاختي المتزوجه قلت مو مشكله عادي انت واختك واحد بعد فتره اكتشفت انها قايله لحماتي زوجت اخوه ولما سالت حماتي الا تقولي فلانه ماتخبي على شي وانا مت من القهر قولو لي وش اسوي....
والله حبيبتي الغلط منج لا تزعلين إنتي المفروض تخلين علاقتج بحمواتج رسميه وسطحيه ويكون بينكم احترام وبس لان ماراح تكون على قلبج عرفتي .. لا تسوين ولاشي سكتي عنها ولا كأنج سمعتي شي إهيا لو تحترمج مثل ما انتي احترمتيها وقلتيلها هالسر جان ماقالت حق أحد بس خلاص كيفها حقريها وغيري تعاملج وياها بشكل رسمي واحترام بينكم بس .. واللله يوفقج حبي وانشالله اتييبين البيبي بالسلامه :*
الله المستعاااااااااان خلاص صاااااااار اللي صاااااااااار والله العالم ليه مانحلل الموضووووع بشي طيب يمكن من فرحتها بالخبر ما قدرت تكتم هالسالفه وخاصة انتي مسقطه مرتين يمكن تعاطفت ويااج بزياده وانتي يا اخت ميني2 شدعوه والله في حموات احسن من الاخواااات وليش اعاملهن بس برسميه وسطحيه الحمدالله الناس كلها خير وبركه
الغلط يطيح على راسج بالاول والاخير شكو تعلمينها اذا انتي مقرره بعد الشهر الثالث تقولين للكل؟ الحين صار اللي صار خلاص واخذيه درس يالغاليه
وين المشكلة ؟!! الحمل نعمة من رب العالمين سوالف الخش والدس ما تلاقينها الا عند هالخليجيات طيب بتاخذون بسنة رسولنا الكريم ان الامور بالكتمان اوكي لكن ما توصل انج تسوينها مشكلة استمتعي بالخبر والحمل وتركي سوالف الحريم . . .
هلا حبيبتي مااشوف فيها مشكله يالغلا اولا واخيرا بيعرفون الخبر والحافظ الله وربي يرزقج بالذريه الصالحه
الله يحفظ جنينج وتقومين بالسلامة ولا تحطين ببالج وتزعلين ترى ما فى شى يستاهل ما عليج خودين بالج من حملج وتوكلى على رب العباد وعليكى بالاستغفار
ياعمري الحافض الله انتي حصني عمرك ووكلي امرك له سبحانه لانه بيده كل شئ مو بيد خلقه والله حاسه فيك انا اذا حملت ماعلم حتى ام زوجي لان عينها حاارة وتحب مرة ولدها الكبير اكثر مني مع اني بنت اختها واحبها مثل امي ولاعلى منها حبتني والاماحبتني اهم شئ ما تشوف مني شئ يكدرها الدنيا تفرق وراح يجي يوم اذكر اني ما سويت الاالطيب وانا سقطت ثلاث مرات وكل تسقيط بحدذاته عذاب من ناحية التنظيف عليك باكثرة الاستغفار وقرأة سورة البقرة بنية الرقية وشغلي سورة البقرة واستمعي لها وخليك على هذا الحال لين تولدين ان شاء الله لان القران له اثر على الجنين انه يخليه هادي جدا وخلي اللي صار درس لاتعلمين احد الا لما تمين اربعة او خمسة شهور والله يتمم عليك ويفرح نظرتك ولاتفكرين باللي صار ماحد يضر احدالااذا الله كتب انه يضره وكلي امرك لله وماتندمين
الله الحافظ لو العالم كله درى ولاتعطين الموضوع اكبر من حجمه واذا كانت حماتك او غيرها من النوع اللي ما تخبي موضوع فماله داعي تقولين لاحد وخلي سوالفك بينك وبين نفسك وارتاحي من القيل والقال بالتوفيق وربي يتمم عليك
