مرحبا بنات.... سؤالي واضح من العنوان فيه كذا وحده امدحتلي ناهد العلي وحبيت بعد اخذ ارائكم الي راحت عندها وعالجت ياليت تقولي وشلون علاجها طبعا بعد الله سبحانه وكيف تعاملها ونفسيتها .. انا بصراحه تعبت من بعض الدكتورات الماديات ولا استفدت شي.. الله يجزاكم خير لاتطنشون واذا فيه احسن منها بعد قولولي انا ادور الحمل عسى الله يرزق كل محرومه ...
والله انا اللي اعرفه في ناس يمدحونها وناس يذمونها لانها حتى ماديه بس هذا اللي سمعته عنها اما عن نفسي ما جربتها .. انا جربت دكتوره تانيا الاجنبيه في مركز عاليه الطبي خوش دكتوره ومو ماديه بس تبي تعالج وبس .. وانا حملت بالتوكل على الله ثم على الدكتوره اللي تابعت حالتي وعالجتني لان حملي عزيز كنت اشتكي من ارتفاع في هرمون الحمل وتكيسات وانسداد وانحناء بالرحم والحمد الله عالجتني وانا الحين بالشهر الثامن من الحمل .. والله يكتب لج الحمل ولخواتي ان شاءالله .. واي سؤال حابة تسئلينه عنها انا موجوده
الله يجزاك خير .. ويارب ياكريم يتمم حملك علي خير ويقومك بسلامه.. الله يعينك يعني كان عندك مشاكل كثيره.. انا يااختي ماصارلي بالكويت الا سنه و4شهور يعني ماعرف المستشفيات الزينه ورحت لمستشفى طيبه عند دكتوره منال بس الله يسامحها ذبحتني ماديه حيل و ماعندها غير المنشطات واذا قلت لها ليه عندي ضعف في المبايض تقول لا كل شي عندك كويس حسيت انها تبي تخصتر العلاج ومو عارفه وش عندي واخر شي تقولي بعطيك حبوب وابر منشطه مع بعض بصراحه خفت اول مره اسمع كذا وتركتها..و عندي الام في اسفل بطني بس تقولي ماعرفته ادري عورة راسك بالسوالف والشرح !!!!! بس حبيت اقولك انس سمعت عن ناهد العلي وماجده اليتامى ومهجه البدر وكل وحده تمدح دكتوره غير .. بس اول مره اسمع عن دكتوره تانيا وش جنسيتها ؟؟ والله دام كل هالمشاكل عندك وماشاءالله عالجتك اجل بتوكل على الله واروح لها..
ربي يرزقج بالذريه الصالحه يارب دكتوره ناهده العلي نفسها وايد حلوه مع المريضه بس علاجها مادري عنه ادري انها وقت الولاده تكو معاج لحظه بلحظه وتساعدج ثانيا دكتوره مهجهالبدر اكثر من رائعه وعن تجربه طبعا بس عيبها ماتولد بس تعالج بالعياده ثالثا دكتوره ماجده اليتامه لنا معاها والكثير من معارفي وصديقاتي تجارب فاشله ومرعبه بكل ماتحمله الكلمه من معنى صراحه اذا تبين نصيحتي عالجي عند دكتوره دلال السالم اختصاصها معالجه صعوبة الحمل والمشاكل اللي تصاحبه وانتي استخيري قبل لاتروحين عند اي وحده ربي يرزقج ويعطيج مرادج
الا دلال السالم مووووووووووووزينه والله بسببها اجهضت يعني يوم كنت حامل نزل علي دم خفيف حده اول ما قلت لها قالت لي هاردلك وبكل وقاحه يعني قبل ما تشوفني وتقول لي لازم مثبتات وبعدها قامت وسوت لي سونار داخلي وفحص وبعدها بدا ينزل علي دم لونه اسود وثقيل ويوم اطلعت قالت حق زوجي مافي داعي اتوديها خاص ودها حكومه ينظفونها يعني انا عمري ماشفت دكتوره وقحه واتشيش الزوج .. ويوم رحت المستشفى الدكاتره عصبو وقالو لي اصلا سونارها الداخلي قبل الفحص بين ان ماعندج اجهاض ... ومو بس انا حتى عندي وحده من زميلاتي في العمل كانت بالشهر الثالث وحاشها عوار قامت وعطتها ابره طلق ... يعني كلش ماعندها خبره وما ابي اقول قصصها لانها ماتخلص اما بالنسبه للدكتوره تانيا فهي بلغاريه .. الله ثم اهي حملت بعد خمس سنوات تعطيج تحاليل تسويينها ويوم تشوف ان التبويض عندج اوكي تعطيج وقت الجماع اما اذا تعانين من ضعف فلازم مقويات .. وانتي لا تستعجلين بالعلاج اول شي طلبي منها متابعة حالتج والتبويض من جميع الفحوصات حتى اخذي اشعه صبغه واهني تقرر علاجج . والله كنت اعاني معانات الله يعلم فيني لدرجه الدوره ثلاث مرات تنزل علي ومو بس جذي زوجي كان يتضايق مني .. ونصيحه لا تروحين لا عند عاليه ولا عند هبه الثنتين مااديات بالدرجه الاولى عاليه شاطره بس حدها ماديه اما هبه صفر تلعب فيج لعب بالهرمونات مايهمها حتى لو عندج تكيسات تبي تجرب وبس مثل ماسوت فيني .. حبوبه اي سؤال خاص تقدرين تسئليني بالخاص اقدر اجاوبج عليه
اختي دمعة طير ... ماقصرتي وانشاءالله بروح لها والله يكتب الي فيه الخير وبعلمك وش يصير على الخاص.. ومشكوره على الاهتمام والله يجعله في موازين حسناتك
