مرحبا بنوتات (شعليكم صغرتكم) شخباركم مادري شفيني من يبت بنتي هذي عمرها الحين 6 شهور الله يحفظها ناااااااسيه كل شي جنها بجر لان فرق بينها وبين اختها خمس سنين تقريبا بس بسألكم متى اشربها حليب فراوله وموز؟؟؟؟؟؟؟؟؟ احس ان ودي اعطيها كل شي ابيها تكبر كاسره خاطري اللي يشوفها يقول عمرها شهرين وبالكثييييييير ثلاث شهور غير عن اختها واخوها بسم الله عليهم ردو علي
هلا والله كيييييييكه يسعدني ويشرفني اكون اول وحده ارد عليج عادي حبيبتي عطيها حليب فراوله انشالله انه مايضرها انا كنت اعطيه اعيالي وبنتي كنت اذوها وعمرها اربع شهووور والله يخليها لج ياااااااارب
هلا حياتي 0000 والله انا ولدي اسم الله عليه وكلته وهو 5شهور بس اطحن له كل شي اسلق له جزر وكوسا وشويه عيش بالخلاط واوكله000وحليب بالفرواله والموز والله عطيها من الحين وعوديها والروب والعيش اطحنيهم بالخلاط 000 انا هذا بجري اسم الله عليه الحين سنه وقاعد اعطيه حليب فراوله وموز لو اني ذاكره وهو بالاشهر جان عطيته الله يحفظها لج ويخليها ولا تخافين ان شاء الله بكره تمتن شوي وتصير احلى بنت وحلات البنت نعومه
كيكه ابتدي الحين عطيها الاكل المهروس ذوقيها بس..وبعدين الحليب اجليه بعد سنه احسن عشان اسنانها ما تسوس وانصحج ببسكوت فارليز روعه يمتن اليهال.. الله يحفظها وتشوفينها عروس آميين..
مشكوووووووووووورين يابعد قلبي فديتكم والله اعطيها والله الرز البودر اللي بكرتون ماركة ميلوبا واعطيها اللي نفسه خضار وفواكهه بس موراضيه تمتن
كييييييييكه انا بنتي تاريخ 7-8 تدخل السادس و اللي يشوفها يقول عمرها شهرين مشكوره ع الموضوع استفدت منه
ياحليلها الله يحفضها حماتي قالتلها الدكتورة عليج بحليب المووووز حيل مفيد الله يحفضها ونصيحة سويلها اكل بيت افيد والذ من المعلبات عشان المناعة تزيد
ربي يحفظها لج ويخليها فديتها رفيجة بنتي ههههههه انا بنتي كملت شهر 7سنه تخيلي تشوفينها تقولين بنت 5شهور شسوي ولا توها تحبي خخخخخخخخ بس بديت اوكلها من 6شهور اي شي اذوقها وحتى عصاير اعطيها شوي شوي ليما تعدوت اسم الله عليها تحب اللبن بعد يعني شوي شوي دخلي عليها الاكل والمشروبات
ماانصحج اختي كييكه تعطينها الحين حليب بالفراوله او الموز ذوقيها الفواكه فريش احسن بس على شوي شوي.........انا ولدي الحين عمره سنه لما بدى يأكل عطيته عيش مصري ومكرونه الاحرف الصغيره حطي معاها شوي من مكعبات ماجي وديري بالج لاتحطين طماط.....واذا صار عمرها تسعة اشهر انصحج تعطينها شوفان مع حليب هذا اكل اطفال الاجانب من صغرهم اذا ماتعرفين طريقتها قوليلي؟؟بسم الله عليه ولدي صحته حلوه وزنه مناسب لعمره..واكيد لاتنسين الخضار المطبوخه مع شوي دجاج وانشاءالله يزيد وزن بنيتج الله يخليها لج يارب
