السلام عليييييييكم ياحبايبي إن شاء الله تكنوا بخير حبيت أعرف رايكم واستفيد من خبرتكم أنا ملكة وزواجي بعد شهرين وفي الفترة هذي بينا مكالمات المشكلة في شخصية زوجي لانه عكس شخصيتي أنا أحب المزح والضحك بس بحدود يعني ما اخلي كل المكالمة سوالف جدية هو ع*** يحب الجد ويزعل اذا مزحت معاها ويقول هذا مو مزح... الشي الثاني الفاظة بعض الاحيان تجرحني من غير مايدري ويوقف على كل كلمة ويحقق فيها وش قصدك وليش .... والشي الثالث والاخير يبيني بس ادلعه واقوله كلام رومنسي ومن هذي الاشياء وانا ارفض اقولها واقول له خلها بعدين لانه ماصار لنا الا اسبوعين نكلم ييقوم يعصب ويزعل ويقول اذا زعلت ابيك تحتويني وتتحمليني أنا محتاااااارة وماني عارفه كيف أتعامل معاها أبيكم تساعدووووووني لاني انا ما اتحمل هذي الشخصيات من الناس وبصراحه بديت أندم على كل شي اذا هذي بدايتها وش بيصير بعدين...... آسفه على الاطالة
اختي نصيحتي مادام اهو جذي بيتعبج وباجر لا جيتي اتجهزين بيقولج ليش ما استأذنتي وليش ما قلتي شوفي لج طريقه اقطعي هالمكالمات مثلا تلفوتج خرب او خطج انسرق وما طلعتي انشغلتي بالتجهيز اقطعي فتره ثلاث اسابيع وبعدها اذا رديت شوي كلميه وسكري بحجة انج تعبانه وتجهزين من الصبح بالسوق صدقيني الريال بالتلفون غير يمكن يتهور يغلط لا سمح الله يصير شي ويطلقج (( لا ان شاء الله)) بس الريال بالتلفون غير ولا صارت المره عنده غير هذي نصيحتي لج وانتي براحتج بس حطي فبالج اذا ظل جذي انتي نفسيا ما راح ترتاحين لا بتجهيز ولا بالعنايه واهتمامج بنفسج وانتي عروس والنفسيه اهم شي
انا رايي عكس راي اللي قبلي هذي فتره تعارف شلون تقطع وتخليه لازم تحطين النقط على الحروف وكل واحد يعرف الثاني اكثر وبرايي انك تكونين على طبيعتج لا تخلينا يشكلج والشغله اللي ما تعجبج قوليله عنها بس بشكل لطيف ويمكن الريال قاعد يختبرج ويشوف رده فعلج حبيبتي الله يوفقج ويتمم عليج بخير وتذكري ريلج على ما عودتيه وولدج على ماربيتيه
انا مع اختي حبيبة f فعلا كثرت سوالف الطلاق بين الملكين بسبت هالتلفونات لا تكلمينه وخليج غامضه واذا كلمج وما رضى يقاطع لا تردين عليه بشي حتى لو نرفزج بس إيه وان شاءالله وتا آمر وبس واذا تزوجتي صدقيني انتي راح تغيرين كل شي و نصيحه مني الكلام الحلو لا تقوليله حزت طلباتج خليج صارمه بالشي والله يوفقج
حياتي نصيحتي انج لاتعطين الكلام الي يبية بعدين اقولج انتي بلخطوبة كنتي فررررري وكلام ووايد صدقيني وطبعة جدي ومايحب المزح مثل زوجي وقاعد اعاني من هلموضوع بس طبعة مستحيل اغيرة
انا كنت رادة على الموضوع بس الكلام انبلع مااشوفة المهم حبيبة fاايدها لاتعطينة مجال ترى كلة اختار لج بيشوفج خفيفة ثقيلة ويحبون الي ماتعطي وجة مو كل شي تردين علية اسكتي
التلفونات قبل الزواج ماتنفع تضرررررررر وتسبب مشاكل حاولي تقطعين عنه شوي شوي لانه حلات العرووس عروووووووووس :> وربي يوفقج يالغاليه
