هل ممكن ترجع لشخص خانك....؟؟؟

هلا فييكم،،
هالموضووع حبيت انكم تشاركووني رايكم فيه...



الخيــــــــــــــــــــــــــانه...


لو حبيت انساان من كل قلبك ،، وظنيت انه يبادلك نفس الشعوور،، وفجأة اكتشفت انه خانك !!!!
وعقب فترة من الالم والحسرة رجع مرة ثانيه يقدم اعتذاره ويتمنه انك تسامحه على اللي سواه!!!
ايش راح يكووون تصرفك؟؟؟؟؟؟؟؟؟


بالأصح...


هل يمكن ان تعوود اليه مرة أخرى بعد خيانته لك؟؟؟؟؟؟



انا في راايي انه هالشي مستحييل يصير لأن من...


(( باعني برخيــص بتــــراب ينبـــاع..))


واللي يحبك بصدق لوتضم السماء الارض ماخانك ..
آتمنى اني ماأمر في هالموقف ولا أحد منكم يمر فيه..


اببي رايكم في هذا الموضوع ​

أُختي الغالية { تفداك روحي } /

موضوع جميل ولكن قد يكون معناة ومضمونة ..أبعد عن الجمال

عندما نكتشف خيانة من نحب إلينا

يتصدع القلب ..يصيبنا زلزال .. فى انفسنا وكياننا وكل شى فينا ينهار

نقف لحظة مقيدين نحتار كيف نبدأ .. ومن أين..
نرى كل خيبتنا أمام أعيننا ..؟؟ونصمد

نرى بنيان ينهدم .. نرى .. قلب أحببنا بالأمس .. يحب غيرنا اليوم

هل نغفر ؟؟
أي قلب أحب بنقاء وصدق لايمكن أن يغفر الخيانة

عندما نحب
نحاول بكل حب جاهدين أن نضع بصمة ..فى قلب من نحب
ولكن حين نكتشف انه لا يوجد مكان بقلب من نحب
كل الاماكن شاغرة لا مكان لأي بصمة
..
لايوجد أى مخلوق على وجه الارض .. يقول أنا خائن
ولكن من يحب يشعر باحساس الحب داخله بالتالى

يشعر بالخيانة من الطرف الاخر.. وهو أكيد أنه لم ولن يظلم من أحب

يوجد اصناف من البشر كثيرة ونماذج ..منهم من يشتم .. ومنهم من ..يحارب .. ومنهم من

يتألم وينهار .. وكل ما بيدة فعله

هو أن يلملم كل ما بقى له من كرامة مبعثرة هنا وهناك ..بكل حزن الكون

ويرحل بعيداً بعيداً

وهذا أصدق الحب وأنقاة

هو أن ترحل وتتمنى لمن خان الحياة الافضل ..فى ظل الافضل

اكيد بتطيب االنفس ..ولكن هل يطيب القلب ؟؟

ممكن أن تسامح . وترحل . ولكن الحب الصادق لا يتحمل الرجوع والغفران

همسة لكل من أحب .. وصدم وتصدع بإحساس الخيانة

لاتندم ..لا تحزن ..يبقى رغم كل شئ ..أجمل إحساس بالكون ..إنك تعشق بجنون ..وصدق



تقبلي مروري
تح ــياتي قبل ح ــياتي​

تسلمييييين يا قلبي علي الكلام :* :*

حببيتي اشكرج على الموضوع الحلو
الي يحب مستحيييييييييييييل يخون الانسانه الي يحبها
اذا خانها هذا مايحبها
اذا اهي حبته وخانها وبغى يرجع لها مره2 مااعتقد راح ترجع العلاقه نفس اول لان في يء داخلها انكسر
وماعتقد يتصلح

انا انصح كل بنت تتعرض للموقف هذا ماترجع العلاقه ابدا

مشكوره حبيبتي على الطرح الراقي
بنسبه لي اذا احد خاني ماراح اسامحه لو شنو لان كل شي عندي يهون الا الخيانه

{ من لآلآيتــووووووووب من الخطــأ تحرم عليـــــة المعـذرة }

بصراحة حسب معزة الشخص اللي خآآن !! يعني اذا كآن غالي حيل ممكن اسأمح وارجع لة بس مو مثل اول طبعآآ!!
لآكن لو تكرر الغلط مستحيييييل ارجع لة واسآآمح !!
واذا ماكان للشخص ذيك المعزة اكيد رآح اعطية ظهري وبدون رجـــعة!!
بس برغم اللي يصير راح اتركة بدون تجريح مشاعري تموت تجاهه يعني مااكرهه ولا احبه

شاٌكرتللكم مروركم الراقي ...

والله عجبني كتير كلام وهم واثر فيني بس والله المواقف عديدة والله لا يوري احد حرتها واحساسها

مشكووووووووووره

العفوو حيااتي

تسلمــ الايااااادي ع الموضووووع

الخيانه من شخص غالي كالسم في العسل

والاعتذار والندمــ كا المسكن للألمــ

بس ما يعالج الألمــ وما يشفي الجروح

أما بالنسبه اذا شخص غالي علي حيل وما اقدر اكمل حياتي من غيره

اكيد راح اسامحه

انا راي من راي الاخت رحيل لازياده ولانقصان وعمر اللي انكسر مايتصلح وعن تجرررربه


مشكورة حبيبتي على الطرح الراقي

موضوعج جميل بس انا عن نفسي مستحيل يملك قلبي انسان خاين مايستاهل
وحتى لو كنت احبه بس اعرف انه خاين بسهوله يكرهه قلبي
تسلمين على الموضوع​

الله يسلمكم ..
اى اكييد الخيانه شي مو سهل علي الشخص

اصعب شي الخياااانه والله يبعدها عنا ياااااارب
بس اذا كان اللي خاني غالي علي واغلى من نفسي وخاني واعتذر احاول اصدقه

لان ترى الله سبحانه يغفر ويسامح ويعطي العبد فرصه عشان يبدا من جديد

احنى ليش مانسامح وونبدي من جديد

وهذا على قولتهم كلام وانا ماجربت الوضع بس اتوقع هذا الراي الصح

بس ردة فعلي الصجيه ماادري عنها عساني مااجربها ولا وحده فيكم تجرب الخياااانه ياارب

لا بالتأكيد لا
لا والف لا

الخيانة غدر جرح طعنة
مهما مر عليها الوقت
تبقى اثارها ماتختفي

الخيانة انواع الحبيب للحبيبة، في خيانة الصديق صديقه، والأخ لأخوه، والأب لأبناءه والأم لأولادها، خيانة الانسان لنفسه

للأسف الانسان الطيب هو الي رايحة عليه

بالنسبة للخيانة بين الاحبة، فالحب أعمى احيانا ممكن مايخليك تشوف الخيانة خيانة ممكن تشوفها شي يغتفر لكنها ليست كذلك بالأصل ومابتظهر النتيجة الصحيحة غير لما تنصاب بسهم بوسط القلب يفقدك وعيك وتكتشف بعد ماتصحى انك مالك مكان بهالدنيا بعد هالجرح، ومابدك تشوف الي خانك ولا اي انسان آخر، لكن مع الأيام ومرورها بينسى الواحد وبتتغير المفاهيم ليديه وبيكون اكثر حذر مع الكل

خيانة الاصدقاء هناك مقولة احذر عدوك مرة وصديقك الف مره، خيانة الاصدقاء احيانا اصعب من خيانة الأحبة لبعض، انا عن نفسي اذا بينا عيش وملح وصداقتنا قوية ممكن اسامح لكن بحذر مو نفس اول

خيانة الأخوة ايضا في اخوة قلوبهم سوداء جدا مابيغفروا اخطاء اخوانهم وبيكونوا اكثر حرصا على قطيعتهم وهالشي خطأ (إلا الأخوة) بس للأسف هذا الواقع

اما خيانة الابوين لأولادهم هذي الحالة صعب التعامل معها لكن مضطرين نسامح لأن رضاهم بالجنة

وأخيرا خيانة الانسان لنفسه ممكن تؤدي لنتائج سلبية حسب قوة او ضعف الايمان، لأن النفس مابنقدر نغادرها او نخليها لذلك لازم وضروري جدا نحاسب نفسنا بالبداية ونرى كم الخيانات الي لا يستحمله مخلوق ونحاول نسامح انفسنا قبل عشان نقدر نسامح غيرنا

اسفة عالإطالة
الموضوع حلو للمشاركة فيه
شكرا جزيلا

لووووول مشكووره اخيتي علي الرد الواافي

انشالله ما اعيش احساس الخيانه ولا انتو قولو اميين
انا عن نفسي حسب الموقف اللي يصير اذا خياانه كبيره واثرت فيني هزتني مستحييييييل اسامح بسهوله
وانسى اللي صار ... يمكن ما اكره اللي خانني بس اكييد راح اكون مجروحه حييل لدرجه عدم النسيان
طبعا كل شي ممكن انه المرأه تغفر الا الخيانه صعب !!!!!!

مشكووره ع الموضوع

الموووضوع بصراحه عجبني حيل

بنسبه لي بصرااااااحه ما راح ارجع له لو شنوووو لانه خاني مره وأكيد إذا خاني مره راح يقدر يخوني مره ثانيه وثالثه واكثيــــــــــر

حتى لو كان غالي ما ارجع له كلششش لانه خـــــــــاااااااااني اكيد لااااااا لااااا ما راح ارجع له
بس راح اندم على حبي له وخوفي عليه وكل شي سويته عشانه


أنا جربت الخيانه من صديقاتي لي بس بصراحه سامحتهم بس ما اثق فيهم ولا أصدقهم مثل قبل ولا أحبهم مثل أول بس ما اقدر اكرهم لانهم كانوا صديقاتي وما هقيتها منهم

والاخت وهم والعضوات مشاء الله عليهم كلااامهم حيل مؤثر ما قصرتوا يا الغالين

يعطيش العافيه ع الموضوع

تقبلي مروري