انا سكنه في بت حمولتي وعندي مدخل بروحي بس خالتي متحكمه فيني انا وريلي مع ان انا وريلي ما نتزاعل صرنا على طول اهواش والسبه خالتي تبي تمشيني على كيفها تتحكم فيني بالدخلة والطلعه حتى بيت اهلي تحاسبني ليش اروح اكثر من مرة بالاسبوع مع ان ريلي راضي ولا رحت بيت اهلي ويه عندها احد ادق على ريلي تخليني ارد ودايما تقط نغزات مع انيوالله ماقصرت بولا شي ولما يمدحني عمي بكشخة او شي تعصب علي واذا ازعلت مع عمي تحط حرتها فيني شسوي ساعدوني والله تعبت منها :sad_smile:ولا بعد ازيد عليكم متحكمه بولدي وخدامتى ماجنة ولدي تحلقه على كيفها تاخذة بدون لا تقولي واذا خذيته ورحت لهلي تيي تاخذ ولدي وتروح شسوييييييييييييييي
اصبري شتسوين عطيها على قد عقلهااااااااااا لا تردين عليها خلي شعارش طنش تعش تنتعش لاجل عين تكرم الف عين
ياقلبي الله يعنيج ويهديها انشالله وقولي الحمدلله زوجج طيب معاج وهذا اهم شي حاولي تكبرين عقلج شوي مهما كان ام زوجج وكبيره بالعمر حسبيها حساب امج يعني لاتزعلين وتدققين والله انه مشكلتج ولا شي عند البنات الثانين والله امهات زوجهم مصايب وتسوي لها بلاوي قولي الحمدلله وصبري واهم شي ابتسمي لها لاتبين لها انج متضايقه وصدقيني الله بيهديها
مشكورين ياعمري والله يعيني عليها بس اهي موكبيرة وايد يعني ريلي بجرها واهوا عمرة 24 بس شقول الله كريم ادعولي
الله يعينج طنشي فيها اهم ماعليج بيتج ليش ماتطلعين بروحج تسكنين انا اول شرط لي كان اسكن بروحي لانه اعرف سوالفهم وحركاتهم عارفتها من يدتي
أختي الله يكون بعونج بس أصبري شتسوين علشان خاطر زوجج تحمليها ولاتحسسينها أنج زعلتي علشان ماتزيد عليج الجيله خالتج لأنها صغيره تسوي جذي لأن الخاله إذا كانت صغيره تغار من مرت ولدها طنشي مثل ماقالوا البنات تحمليها .......................
مرحبا حبيبتي الله يصبرك انشالله كثير مثل حالتك بس مثل ماقالت وحده من الخوات اهم شي زوجك وولدك اما خالتك عطيها على قد عقلها لانها صغيره عقل وحاولي ماتبينين لزوجك انك متضايقه منها ولو مايرضى امه بس صدقيني هو بيحس في الاوضاع وانشالله تنتي ازمتك في اقرب وقت ام مياسه
1_ جربتي تهدينهاا شيء ساعه عطر الخ ..................صدقيني(تهادوا... تحابوا) 2_اذا زاير خالتج احد لازم لازم تكونين موجوده ماقولج حاولي تكونين موجوده لا لازم لانه انتي تقولين ان زوجج بجرها وعمره 24 يعني بناتها صغار منو والخالات يحبن حريم عيالهم موجودين وكل ماتكون كشخه بلبسها ولبقه بكلامه وتدلع خالتها وتحسسها اميره قدام الحريم كل ما حبتها خالتها اكثر. 3_ليش ماتسلمين عليها قبل ماتطلعين وتقوليلها تامريني بشيء بروح لهلي ولا السوق(انتى ماقاعد تسرقين) مافيها شيء اذا قلتلها وين رايحه او يمكن يكون ناقصها شيء من السوق. 4_حاولي تعزمينا من غير مايدري زوجج على غدا ولا عشا تطلعون اتمشون تسولفون علشان تصفا النفوس صدقيني. 5_فكري انها الله يعطيها طولت العمر مو كبيره يعني قدامكم مشوار كبير اذا الله اراد اكسبيها من الحين لانه شكلج لج سنتين ونص _4 سنين لانج اذا ماكسبتيها تخيلي شلن علاقتج فيها بعد 10 سنين. انا انصحج هالنصايح وانا شايفه مافيج عيب بس هذي طبايع الخالات وانا مابيج تخسرينها اعرف خاله يوم طلعت منها مرت ولدها بتروح الشقه حبة راسها وقبل لاتوصل الباب شافت زجاج الكبت ولا خالتها (تكش عليها) وصلت البنت عند الباب ولفت لخالتها(خالتها ماتدري انها شافتها) وقالتلها يالغاليه ماي عيوني لج تامريني بشء مقدرت تنام الخاله ونطرت لين جت العصر وعتذرتلها. خلج احسن منها واعتبريها مصدر اجر لج ذنوبنا واجد واحمدي ربج اجر وجا لعندج موفقه يارب العالمين
ياحياتي مشكورين على الرد بس والله والله وغلات ولدي قاعدة اصير لها مثل الخدامه اهيا وبناتها واسكت اقول عشان ريلي ابديها على نفسي وانا عندي مدخل بروحي بس مااطلع الا من مدخلهم ولا قلت خالتي تامرين بشي ياطنشني ولا تقول ذلفي وروح بيت اهلي وطول الطريج ابجي بس لادخلت بيت اهلي مااذكرها الا بالخير مابقي شي ما اهديتها اتقطه يمها جنه موهامها واقول ميخالف ولاقعت بينهم يغنون علي اهما وخالتهم ولاوطلع لك ريش واسكت لا والحين لا دقو علي يقولونشلونج ياالنسره وحماتي تقول عامليني عدل الحمات مثل غلات الأم واهيا اكبر مني بسنه انا عندي خوات والحمدلله مادخلت بيت ريلي الا وانا عارفه كل شي عن الزوج والبلاوي الي تصير بالحموله وقاعدة اسوي الاحسن بس شقول الله كريم
[qالحين لانه شكلج لج سنتين ونص _4 سنين لانج اذا ماكسبتيها تخيلي شلن علاقتج فيها بعد 10 سنين. انا انصحج هالنصايح وانا شايفه مافيج عيب بس هذي طبايع الخالات وانا مابيج تخسرينها اعرف خاله يوم طلعت منها مرت ولدها بتروح الشقه حبة راسها وقبل لاتوصل الباب شافت زجاج الكبت ولا خالتها (تكش عليها) وصلت البنت عند الباب ولفت لخالتها(خالتها ماتدري انها شافتها) وقالتلها يالغاليه ماي عيوني لج تامريني بشء مقدرت تنام الخاله ونطرت لين جت العصر وعتذرتلها. خلج احسن منها واعتبريها مصدر اجر لج ذنوبنا واجد واحمدي ربج اجر وجا لعندج موفقه يارب العالمين[/quote] وانا عن تجربتي خالتي مسويتلى سحر علشان اتطلق والله شاهد 18 سنه وانا متحمله كل شي وادري والله نصرني عليهم كلهم وريلي هدهم وظل معاي ومع عياله اشرايج كل اللي قلتيه بنظري عادي سكتي تقربي منها اكثر حاولي تحطين عندها الولد قبل لا تروحين عند اهلج بيدج لا تعبينها كوني ذكيه اي شي تبيه سويه انتي قبل لاتطلبه بالنهايه هذا ريلج وهذا ولدج يختي تتخفف عنج اشوي المسؤليه اشتبين احسن من جذي لاتاخذين المساله بحساسيه اخذيها من ناحيت الذكاء والله يصبرج انضمي لنا هههههههههه الصابرات المحتسباااااااااااات والله لنا الجنه
الله يكون بعونج ترى كااااااااااااس وداير والله كبير وكلنا نشرب منه مالج غير الصبر وبس انا بعد نفس مشكلتج بس مالي غير الدعاء والله يهون كل شي الله يعينج
الله يعينش وياجرش حبيبتي شوفي نصيحه لوجه الله اي شي تقوله قولي حااااااااااااااااااااااااااااااااااااااااااااااااااااااااااااااااااااااااااااااااضر واذا خذت الولد عاااااااااااااااااااااااااااااااااااادي ولات تعلقين لان مصيرها تمل منه وترا هذي غيييييييييييييييييييييييره حبيبة قلبي وكل شي تقوله قولي تم وهالله الله بالاستغفااااااااااااااااااااااااااااااااااااااااااااااااااااااااااااااااااااااااااااااار والله انه احسن شي تسوينه وكلن مصيره الموت حبيبتي والطيب والشيء الزين بيكون لش والله مايضيع اجر احد والله يسخرهم لش
السلام عليكم اسمعي سالفتي ساعتها بتقولين ياحلو خالتي تزوجت وعشت في بيت زوجي مثلج مدخل منفصل بس بعد كم يوم ممن زواجي تسكر وصرت اطلع منعندهم عادي طاف من اي مكان عادي تدرين تزوجت ولارحت لهلي الا 3مرات لين ولدت وطلعت من الاربعين طبعا عند خالتي تخيلي انا بكر امي ما نفستني لا مارضا زوجي يقول امه تقول جذي حاولت حاولت المهم رضيت بنصيبي وامي تبكي وتبكي بتقولين كان رحتي طاف زوحي مطلق قبلي وهددني بالطلاق امي مارضت اخرب بيتي بعدها خذت بنتي مني ولامسكتها من ولدت لين صار عمرها سنه لما بدت تمشي قطتها علي تخيلي لا ابدل ولا انيم تقول ماتعرفين اقول اتعلم تقول لا طبعا ممنوع انام عند اهلي حدي ساعتين مع زوجي يعني قاعد لا اعرف اسولف مع اهلي ولا شي المهم جبت خدامه اولا ممنوع اخذ الخدامة بيت اهلي منعا باتا قلت يالله المصخرة انا دافعه فلوسها وعاشها قلت يابنت اصبري خالتي بعد 3شهور سافرت خدامتها طبعا ماقدمت وصارت خدامتي للبيت والمطبخ تخيلي مرة جاية من الدوام وبنتي موصخة الممر قلت للخدامة روحي نظفي ززفتها خالتي قالت لي انتي اشوراج الخدامة مشغوله صرت الصبح بالدوام والظهر ارد امسك بنتي وبعدين ادرس احمواني الصغار واطبع بحوثهم وتقاريرهم واروح المكتبة اغلفهم ممنوع الخدامة تطلع معاي اي مكان حتى للطبيب او الالعاب عبارة ماعندي خدامة صبرت تخيلي عروس وادخل المطبخ قلنا طاف ثالث يوم طلعت من المستشفى والده ثاني يوم دخلتني المطبخ تخيلي بكر وخياط واطبخ ولا تقول يلوع الكبد وانا طول الليل ابكي لان ما احد من اهلي رضا يزورني اهلي زعلانين علي على بالهم انا السبب ولما كنت اوحام قلت خالة مااقدر اقطع الدجاج ارجع من شكل الدجاج تخيلي قالت روحي رجعي وكملي طباخج وطبعا حمواني اوديهم المدرسه واردهم اتاخر على دوامي طاف عادي طاااااف وساكته مرة رديت من التصحيح لاني مدرسة رديت متاخر س6م لقيت بنتي تبكي حيل شميت ريحتها الا تلوع الكبد تخيلو الحفاضة عليها من البارحة والبنت عزكم الله موصخة فيها ولازقة فيها ومتقطع جلدها رحت اركض على الدكتور قال لي هيا امها ميته انتي مستحيل تكوني امها رديت زفيت الخدامة قالت ماعندي وقت البسها او اوكلها ماماتقول بعدين زعلت ورحت بيت اهلي المهم خالتي حلفت تردني راكعه شرطت على زوجي ما ارد الا اهيا بنفسها تجي تطلب مني ارد هي وابوك او ما ارد المهم جت مع عمي وشرطت اكون بشقة بروحي ما اكل معاهم وفعلا زوجي رضا والله مغرقتها بالهدايا ذهب وخام وساعات وجناط وعطورات بس تقطهم ولا كانهم شي مرت الايام وتزوج حماي وخالتي مخلية زوجته يادهينه لاتنكتين مع انها ممصخرتها حده حتى خدامتها اذا خالتي طلبتها قالت لها تفضلي ودخلت عند زوجي وجا يلعن ويسفل ويقول خدامة ولدي مو خدامة البيت ومرة مرة حماي راحت بيت اهلها اسبوعين عشان خالتي ماعندها خدامة وزعلت خالتي وانا طبعا انكرفت خدامة\ وتصدقون ولا زعلت ولاشي عادي انا زوجي كلة تقول ابي فلوس الخبل ياخذ قرض لين وصل 15 الف دك وحماي اذا قالت ابي قال ماعندي وعطاها طاف واخرتها قبل شهر جت لي الساعه 1 بالليل وطقت خدامة وقطعت ملابسها تقول ان انا معلمتها تناقز على راس شقة حماي لان غرفة الخدم فوق شقة حماي والله صارخت وزفت زوجي كان بالديوانية قلت خالة لما يجي ولدج يتفاهم معاج قعدت تصارخ وانا ساكته وحماي يصارخ علي يقول جب جب يا حيوانه ويزف خدامة يقول هي قايلة لج سكت اقسم بالله بس اقول لما يجي زوجي يتفاهم معاج لما جا زوجي قالت كلام ماصار ان انا عليت صوتي وقليت ادبي انا وخدامة مع ان هي اللي صاعده علي الساعه1 بالليل واقسم بالله اقسم بالله عسى ربي مايوفقني ان مارديت عليها الا كلمت لما يجي ولدج يتفاهم معاج بس واشرايج انها تسألني عن علاقة زوجي معاي بالفراش كم مرة بالاسبوع وغيرها وغيرها تتطنز علي جدام الناس تخيلي مرة جيرانا جابت لي صحن عيش راحت زفتها وقالت ليش تجيبين لها والحين ما اكلمها لي شهر زوجي حالف علي لان تخيرا عرف قيمة وعرف ان امه كذابة في كل شي طول ال10 سنوات اللي طافت وقال ماتزلين ولا تدقين ليما امي تعتذر منج او منتي مجبورة تروحين لان شهرت فيني جدام كل اللي في البيت بذمتج انتي مثلي ياعمري احنا بنينا شقتنا وكانت تدفعنا 250دك وحماي ساكن ببلاش بس سكتي الله يخليج وتقولين اللي صارلج واجد عيل انا شقول
اول شي لاتنسين ان خالتج يمكانه امج وان كما تدين تدان ..ليش تاخذين الامور بحساسيه زايده من خالتج..حاولي تذكرين شنو الامور اللي تحبها منج والامور اللي تكرهها منج وتجنبيها لا تبيين جدامها انج متضايقه من تصرفاتها عشان ماتزيد عليج..كل انسان فيه نقطة ضعف حاولي تكتشفينها بنفسج وديري بالج تبيينين لزوجج انج متضايقه من امه مهما كان السبب علشان ماتخسرين زوجج ..
