الاسلام عليكم ابصراحة انا اعتبركم كلكم خواتي وابيكم توقفون معاي انا اول مرة يصير معاي هذا الموقف انا ملتزمة ولاعمري حبيت وا كلمت احد انا انطر نصيبي من رب العالمين سبحانه انا صار معاي موقف وحيل محتارة كنت رادة من الجامعة لحقني واحد خلاني شوي وادعم قلت خل اشوف اشيبي هذا وكنت حدي خايفة نزلت الجام جان اقوله لوسمحت اوخوي انته اشفيك لاتسببلي احراج جان يقولي ابيي اسالج سؤال واحد انتي مخطوبة جان اقوله لا جان يقولي عفية اخذي رقمي وكلمي امج اذاوفكري عاد انا فكرت ودزيتله انت جاد بالموضوع قال ايه وقالي جم عمرج وشنو فصيلة دمج وشنو مذهبج ومن هل سوالف قالي بس قبل ما اتقولين حق امج ابي اتعرف عليج اكثر وانتي تتعرفين علي اكثر لمدة شهر او اقل وبعدين اذا اتفقنا قولي حق امج واهو امبين عليه ولد حلال عاد قولولي شنو اسوي هل اسمتر معاه بهل شهر واختبره واتعرف على شخصيته عشان ما اتسرع بالزواج وافشل ولا ااقوله لا بدون ما نتعرف على بعض قول حق امك اتدق على امي وخلاص واللي يصير يصير ىانتو شرايكم عفيه ردو علي لاني محتارة واول مرة امر بالهاتجربة ويعطيكم العافية
حبيبتي مافي شي اسمه( اتعرفين علي اكثر) خصوصا قبل الزواج غير ان اهلج يسألون عنه وعن اخلاقه يعني مثلا لو تكلمينه شنو بتعرفين عنه أكيد راح يتصنع ديربالج حبيبتي هذي سوالف شباب لا تضعين نفسج اذا يبيج جد يتقدملج لاااااااااااااااااااااااااا تكلمينه
اختى ابتعدى عنا واسمحيلى اقولك انت غلطانه يوم رديتى عليه شنو يبى يتعرف عليك النوعيه من الريايل مالهم امان واشلون حكمتى عليه انه ولد حلال اذا يبيج صج ايى بيتكم ويخطبك من اهلك لا تتهورين وشنو يقولك لا تقولين لامك لاما تتعرفون على بعض اشلون صدقينى راح يقولك لازم نقعد ونشوف بعض ونتكلم نصيحه من اخت لاختها ابتعدى عنا وحكريه لا تردين على مكالماته واذا صج يبيج يتقدملك بالطريقه الصحيحه وانت ملتزمه مثل ماتقولين الله يثبتج ورد وافولج هالاشكال مالهم امان .com/2009/11/13/20/602246165.jpg[/IMG]
لا حبيبتي قول بابنا مفتوح وفى فتره انسميها فترة الخطوبه تقدرين تتعرفين عليه فيها الله يوفقج انشاالله ويرزقج بولد الحلال.....................................
حبيبتي اهو لو خايف عليج صج جان ماقال جذي ديري بالج لا تتعلقين فيه احنا البنات تاثر فينا العاطفة وايد يمكن تحبينه وبعدين ما تقدرين تبتعدين عنه خليه يدخل من الباب احسن ويتعرف عليج عن طريق اهج مو تتعرفين عليه من ورا اهلج الله يرزقج بالزوج الصالح اللي يصونج
مرحبا إختي إنت إنسانة ملتزمة وتعرفين إن إلي يبي بنات الناس يدق الباب مو يندس ورى الكلام الفاضي أبي أتعرف عليك لو هو جاد ما قال هالكلام , شوفي كم واحد ضحك على كم بنت بالطريقة هذه إذا يبيك يطق الباب, الله يستر عليك وعلى بنات الحلال من الذئاب البشرية . بالتوفيق والله يرزقك بولد الحلال إلي يسعدك
بصراااحة اختي انتي غلطانه من قلب هذا شكله يتسلى وانتي بعد الله يهديج ما صدقتي على الله شكو تاخذين رقمه اذا انتي ملتزمه وخايفة ربج انا اقولج ابتعدي احسن لج ومو اي احد يلحق وحده تاخذ رفمه
هلا أختي . . . اذكر على ايام الستينات الشاب اول ما يشوف وحدة ويبي يتعرف عليها (لاحظي يتعرف) يقولها بعد ما يسبل عيونه اختي انتي مخطوبة ؟ طبعا كلمة مخطوبة بتوحي للبنت انه يبيها بالحلال وميت في دبديب دبديب عيونها . . . اساليب الشباب متنوعة ومن ضمنها: يلحق له بنت ناااس ويقولها واهو جااااد اختي بسألج سؤال (ويرسم على خشته الجدية والثقة بالنفس ) ويسألها مخطوبة ؟ اهنيه البنت واعليه تخسبق وتعتقد انه ميت ويتزوجها طبعا بعد ما تتخسبق البنت يبادرها برقمه ويقولها قولي لامج . . . البنت فضولية ومسكينة وبتصدق انه فعلا يبيها زواج!! ترسل له رسالة . . . وانتي سويتي هالشي :sad_smile: واهو اهنيه عرف رقمج وقعد يسالج اسأله اجاباتها تخلي البنت تصدق انه جاد مثل مذهبج اصلج فصلج فصيلة دمج >> علشااان يبين لج انه يحاتي امور طبية او مستقبلية بعد الزواج فيج!! حبيبتي اهو بيتعرف وبيطلع وبيسولف ويااااج وبس يعني لو كان طق جامة سيارتج قالج: أختي ممكن تاخذين رقمي ؟ أهنيه انتي بتستلمينه شتااايم وزف ومو بعيد تفلة بنص الفيس لكن اهو ذكي وعرف شلون يدخلج وبأي طريقة وبأي اسلوب فهل انتي اقل منه في الذكاء ؟ ما اعتقدانتي بعد ذكية والدليل انج حسيتي انه مو صااادق في كلامه لما قالج نتعرف على بعض وبعدها اخطبج مؤشر وامبير الخطر ارتفع عندج كأنثى لانج كنتي تنتظرين انه يخطبج بسرعة لكن اهو يبي يتعرف وهالشي غير مريح وعواقبه بلاوي ومصااايب -ربي يبعدج عنها يارب- اسفة ان كنت ما نصحج نصيحة مباااشرة وكتبت قصة لكن حبيت اوضح لج خطر الوضع اللي بتقدمين عليه ابتعدي وزفيه وقوليله يالله لاتتصل مو انا اللي تتسلى فيها وان اتصلت انا مضطرة اني ابلغ اخواني انك خذيت موبايلي غصب مني واتصلت على موبايلك
وعليكم والسلام ورحمة الله وبركاته اسمحيلي اقولج شي ولو انه راح يضايقج بس هذا لاني معتبرتج اختي واقدم لج النصيحه اهو يمكن احتمال واحد بالميه كان محترمج ويبي يختبرج والدليل انه قالج اذا وافقتي علي قولي لامج لانها كان ضان انج ماراح تكلمينه ولما كلمتيه قالج لاتقولين لامج الا لما نتعرف على بعض اكثر هذا شنو معناااه ؟؟ معناه شي واحد بس انه حاب يستغلج ويضيع وقته معاج لين يلاقي بنت الحلال العفيفه بوجهة اللي ماتكلمه وترى هذا تفكير كل شبابنا الخليجي .. اخذي نصيحتي وقوليله ياابن الناس عندي اهل وتدل بيتنا حياك الله اذا تبي الحلال وفي فترة خطوبه بوضح النهار وبمعرفة الاهل وبالحلاااااااااااااااال اهم شي صدقيني قبل يطيح الفاس بالر اس وتخسرين نفسج قبل كل شي .. وفي شي كبيييييييييييييييييييير انتي جهلتيه وانتي ملتزمه تدرين شنو هو ؟؟؟ انج زنيتي وياه بصوتج !!!!!! لان صوت المراه عوره واذا سمه احد غير محارمها وغير للضروره تعتبر زانيه والعياذ بالله توبي لله واتركيه واذا يبيج ماراح يخليج وراح يخطبج .. تقبلي مروري ونصيحتي لج .
احبك الله اللذي احببتينا لاجله:teeth_smile: وانا عن نفسي واكيد البنات بدون استثناء >> نحبج في الله وان شاء الله تلقين اللي يفيدج بالمنتدى وكلنا خوات ونفيد ونستفيد من بعض
من كل قلبي اجاااااااااااااوبج فعلاااااااااااااااااااااااااااااااااااااااا ابتعدي عنه او قوليله تبي تتعرف علي عندك فترة خطبة وتتقدم لي رسمي وبين اهلي غير جذي ماعندي ولي يسلمج يااقلبي لا ترضخين له صدقييييني .. وما نقدر نحكم على الرياااال الا بعد ما تسوين هالشي نقدر نقوله عنه زين والا لا وربي يوفقج ويسهل عليج ... ويحفظج ويثبتج يالغالية ... تعووذي من بلييس وخري الشيطاان عنج حبيبتي انتي ...
السلام عليكم نصيحه لوجه الله قوليله كلمه وحده تبيني تقدملي لان لو صج كان صادق جان كلم ابوج ديري بالج كلهم جذابين
هلا حبايبي ولهت عليكم ايصراحة انتو وقفتو معاي اكثر من وقفة اخوان انا والله تركته وقتله اذا بغيتني تعال ادخل من الباب وانا عندي اهل والحمدلله انا تركتة اصلا من جم يوم بس عرفته واهو الحمدجلله مو قاعد يدزلي ولا ياذيني لني قتله بس اشوف رقمك على تلفوني راح اعلم ابوي واخواني والحمدلله مر يومين ومافي اي مسج منه الحمدلله بس استفدت واييد من هالتجربة بس صج الرياييل مامنهم اما والله يعطيكم العافية انشالله كفيتوا ووفيتوا واشكركم جميعا وخصوصا ام عبدلله حبيبتي والله انتي الله يوفقج انشالله.
اذا يبيج زواج جان قالج عطيني رقم الوالده او الوالد عشان اتقدم لج مو يقولج شهر ونتعرف ويقص عليج باعذار !! ديربالج انتي شكلج على نياتج لايقص عليج
