مرحبا خواتى عندى ولد عمره الله يحفظه 13 سنه بس وايد يعاندنى وما يسمع كلامى ابدا ومرات اخلى عند اخته المتزوجه وتقولى بنتى لما بشوفج يصير غبر والله خواتى ابى اقعد وياه بس من اقعد بسرعه اتعب وياه يسويلى حركات مثل اليهال مثلا يسوى اصوات بحلجه او اذا اتكلم ويا بنتى او امى يدش عرض او يقاطعنه ويتفلسف وايد والله مضايقه وامس بنت قاعده تقرهء قران بالصاله يلعوزها ويضحك وعصبت عليه وايد على فكره عندى عيال 2 اصغر منه يكفخهم والله ما يتعامل بالكلام سيدا ضرب وين بعد اصطارات عالويه وايد وايد هذا اللى اقولكم اشويه والله مالى خلق ادعوله الله يخليكم هو اسمه احمد وادعى ربى بان يهديه قولى امين
الله يهديه لج ويصلح ياااارب والله يعينج بس ماقلتي وين ابوووووه عنه انا والله ولدي الكبير الله يصلح يارب ذبحني بانانيته على اخوانه بس الحمدالله دايم ادعيله واشوفه هالايام الحمدالله صااار يفهم مع العلم انه عمره مايتعده سبع سنوات ولدج يا اختي لازم يفهم الامور بطريقها السليم ولازم الاب يتدخل بشكل قاسي
هلا اختي الاخوات ماقصروا عليج بالدعاء له،واذا ولدج عنده هواية معينة خليه يزاولها وحاولي تحسسينه انه يعتمد عليه مثل تعطينه بيزات يشتري اغراض للبيت ،يقعد وياج وتسمعينه شنو يبي وشنو احلامه وهواياته سمعيه ،وابوه لازم يكون له دور ياهذه وياه مشاوير خاصة يقعد وياه يسمعه يتحاور وياه هو محتاج تسمعونه
والله العظيم نفس معاناتي مع ولدي ماشاء الله عليه رجال شواربه بدت تخط مجججججننننننني بالبيت نفس حركات ولدك ويمكن ازيد يسوي نفسه كان جاهل حاولت معاه بكل الطرق مالنا الا الدعاء الله يصلحهم ويهديهم بس أنا ألوم أبوه الصراحه الان هو مقصر معاه الان هالعمر يحتاج ابو يخاويه ويكون مثل صديقه بس شنو نسوي الله ويهديهم ويصلحهم ويرزقنا برهم بدنيا ودعائهم بعد موتنا
ولدج بسن المراهقة صج اصعب مرحلة ووايد ناس يعانون من عيالهم بهالفترة انا ولد خالتي جذي من صار بهالعمر واهوة بس يطق اخته ويزفها ومستواه الدراسي نزل الله يعينج ويعينا ياارب ويحفظلج عيالج
شوفي يالغاليه هو يدري انه متعبج ومستانس لانه انتي حاطنه في بالج من بد كل اللي بالبيت يعني مهتمه فيه هو بمر بمرحله دقيقه بحياته وبنفس الوقت خطره وهي طبعا المراهقه...لاتشدين معاه وحمليه شوية مسؤوليه ....طرشيه يشتري لج اغراض وبالبيت اذا بتسوين اي شي ناديه وسأليه عن رايه وماعليه شوي شوي بيتعدل مو من اول مره راح يتغير حاولي تمدحينه اذا سوه شي زين حتى لو بسيط ناديه باسم دلع ودلعيه ومدحيه عن اهلج حاولي تشغلينه بهواياته اللي يحبها خليه مشغول على طول وابعدي اخوانه عنه اذا صار الليل قولي له بنام يمك وخليج معاه بالسرير اكثري من الدعاء له بالهدايه والستر والتوفيق وهدي بالج ترى هو ذكي ويفهم شنو بتقولين قبل لايطلع الكلام منج ربي يهديه ويوفقه يارب
الاخوات ما قصرو .........ممكن تشركيه فى نادى يمارس فيها اى نوع رياضة يحبها بايام معينة ما طول الاسبوع وكدة يكون استنفز طاقته فى الرياضة ويجى البيت ياكل وينام ويتعرف على اصحاب ويكون عنده حياة خاصة به واصدقاء والله يارب يهديه ويحفظه هو واخواته .
انا اقول تقربيله هالعمر وايد حرج وصعب .. رافجيه انسي انج امه خليه يفتح لج قلبه حسسيه انه ريال مو تمشين معاه بالزف او الطق حسسيه انج معتمده عليه لا تعاملينه انه ياهل وبجذى صدقيني راح يتسنع ويصير ادمي عسى الله يهديك يا احمد .. يا ولد ام احمد
