وسواس الخلطات وكريمات التبييض

السلام عليكم شخباركم ياحلوات ان شالله كلكم بخير اليوم انا حابه اتناقش انا وياكم عن موضوع الكريمات والخلطات المضره اللي هابين فيها هالايام بصرااحه مصخوهاااااا كل كريم وكل خلطه قالو انه يجيب امراض وانه فيه زئبق وانه مضرر بصرراحه ماصارت انا اللحين بطلع من النفاس وقاعده بسواد الحمل من كثر ماقرا واخاف كل ماجيت اخلط خلطه ولا استخدم كريم قالو مضرر بعدين انا ابي اعرف اللحين البنات وامهاتنا اللي يستخدمون هالخلطات وهالكريمات من زماان وعلى ايامهم ماشاء الله عليهم ماصار لهم شي وبصراحه هاللخلطات الطبيعيه وخرابيط المطبخ انا ماحبها لانها تونسج تعطيج نتيجه يوم واحد وخلاص مثل النشا وماء الورد بنات انتو شرايكم بكلامي وربي تعبت نفسيتي من كثر مافكر ودي استخدم كريم او خلطه تفتحني عقب الحمل بس خااايفه من اللي اسمعه واقراه وانا اقولكم مثال انا احب استخدم كريم منيرفا بس قريت عنه انه فيه زئبق وهونت مااستخدمه مع اني سالت الصيدلي يقوول الكريم مافيه شي لان لو فيه شي كان سحبته وزاره الصحه والله احترت اصدق مين ولا مين تكفووون يابنات تفاعلو معاي بهالموضوع لانه قاهرني بقوه

شدعوه بنات مافي ولا وحده ردت

حبيبتي بما انج بالنفاس حطي اي نعم كل الناس يشربون هالخلطات بدال الماي ومافيهم الا العافية

حطي لما توصلين النتيجة اللي تبينها وبعدين وقفي وحطيها مرة بالاسبوع وعليج بفير اند لفلي كريمات العناية وصابون للتفتيح ,,,,

وترى الاهتمام هو اللي يخليج بيضا على طوووووول واي استفسار اختج تولي حااااااااضرة

تسلميييين حبيبتي تولي على ردج الحلو طيب ياعسل انقذيني بخلطه تكفيييين

هلا اختي . . .

تبين شي آمن وطبي اخذي فير ان وايت . . .

الكريم مو الجل . . .

هلاا اختي ام عبدالله انزين هذا الكريم متى تبان نتايجه ووين القاه الله يعطيج العافيه

هلا اختي جوافة . . .

استمري عليه آمن وطبي ونتيجته تبان من اسبوع بشرتج تصير ناعمة وفي حبوب اسمها سوبر وايت اخذيها من جمعية الروضة كرتونتها عنابية ومربعة تفتحينهم كأنهم كتاب صغير >>خوش وصف