وصفة انبات الشعر بس خلو قوبكم قويه

السلام عليكم ورحمة الله وبركاته :
اخواني اخواتي اش اخباركم كيف دنياكم مستانسين وكيف الاجازه معكم مرتاحين ...الله يديم عليكم الصحه و السعاده والسرور .

اسمعو انا بأقلكم سالفتي امس وعطوني رايكم .

انا عندي جزء من ذقني لايوجد به شعر نهائياً واشار لي احد الزملاء ان أذهب الى الصيدلية وان اطلب منه دواء لانبات الشعر والله نسيت اسمه بالضبط المهم انا ذهبت الى احدى الصيدليات عندنا بالدمام وطلبت منه ذلك المنتج ولم اجده عنده فعندما خرجت من المحل نادتني امراه كانت في المحل هي قد علمت ماكان يدور بيني وبين الكاشيير المهم قالتلي ماهي مشكلتك اخبرتها بأنني عندي جزء من ذقني لاينبت به شعر المهم قالتلي عندي لك وصفه لاكن لازم تكون مستعد لهذي الوصفه قلتلها تفضلي قالت ابيك تاخذ ( صوف ) قلتلها انا قطن قالت لأ صوف الغنم اللي هو شعر الخرفان قلت طيب مقدور عليها وبعدين قالت ابيك تشتري ( خل أسود ) وبعدين تجعل واحد من اخوانك او زوجتك هو اللي يسويها لك لا كن لازم يكون قلبه جامد وهو ان يضع قليل من الخل الاسود على الصوف الى ان تتبلل الصوف بالخل وبعدين يضعها في المكان اللي مافيه شعر ويقوم بعملية دلك ذلك المكان بقوة الى ان يخرج الدم من ذلك المكان مره واحد فقط وبعد ذلك يترك وخلال اسبوع سوف تلاحظ الفرق ولمدة اسبوع اسبوعين سوف ترى الشعر في تلك المنطقه وسألتها هل فيه احد جرب هذي الوصفه وطلع بنتائج قالتلي اخوي اللي مجربها .

علماً انني من بعد كلامها لي ذهبت الى محلات العطارة لأن الخل الاسود يوجد هناك على حسب كلامها لي ولم اجده . علماً بأن المراه اللتي قابلتها كويتيه من لهجتها والسيارة اللتي كانت راكبه فيها .

خلاصة الموضوع هل فيه احد منك قد سمع بمثل هذه الوصفه لأنني يوم اخبرت زوجتي قالتلي اول مره تسمعها وأول مره تسمع ان فيه خل اسود . انا حبيت اقلكم هل استخدمها ولا لأ لأني ما أبي استخدمها الين اشوف هل لها نتائج ام لأ أو لها مضار . اما بالنسبه للخل الاسود انا دورت في محلات كثيره ولم اجده كلما ذهبت لواحد قاللي مافي خل بالنوع هذا ما فيه الا خل التفاح قلت يمكن المراه تقصد خل التفاح وطبعاً هي من الكويت وأنا اطلب من الاخوه والأخوات الكويتيين هل عندهم بالكويت محلات العطارة يوجد فيها الخل الاسود . معليش على الاطاله .... ربي يوفقكم ويسعدكم وانشاء الله اني لو جربتها راح اقلكم نتائجها وتستفيدون بس خلو قلوبكم قويه .