هااي بنات شلونكم ترى اول مرة اسألكم واتمنى تساعدوني وما تخلوني، انا ولدت بعيالي الاثنين بالعدان الله يسامحهم لعبوا فيني ونفسيتي مو متقبلة الولاده عندهم اللي تعرف مستشفى الاحمدي عادي اولد فيه؟ لأني سمعت لازم يكون من الموظفين والعاملين فيه اما الناس العاديين ممنوع الولادة او المراجعة فيه
والله يااختي ماعندي معلومه انا عن نفسي اقدر اولد عنهم لان ريلي موظف بالبترول بس وايد بعيد على المكان وقريت مره وحده موضوع بمنتدى ثاني كاتبه بس الاولويه حق الموظفين ملوتهم وان شاءالله البنات يفيدونج ومايقصرون والله يسهل علينا وعليج يارب
مشكورة يا قلبي بس شلون ولادتهم من ناحية الرعاية وما تعرفين اذا يسوون فيه خياط تجميلي وقت الولادة اتمنى المساعدة
العفو حبيبتي ماسويت شي والله شوفي يختي ريلي ربعه والله ثلث ارباعهم حريمهم ولادتهم فيها والله ربعه يمدحون المستشفى لان حريمهم مادحين ولادتهم بس انا درب علينا والله من جذي مارحت واذا بتعتمدين على كلام الي مجربين راح تحتارين وراسج بيعورج والله وانا صارلي فتره افتر بالمنتديات والله لدرجه كثر مااقره قمت اخاف اولد بأي مكان وكل شوي اقول حق ريلي بغير مابي السلام وكل يوم مختاره شي بسبت كلام البنات الله يهديهم الي اطب بالدكاتره والممرضات والرعايه فتحتارين وين تولدين والي اعرفه عن الاحمدي ان دكاترتهم وايد زينين وانتي الي قرري وين تبين وتوكلي على الله ولاتعتمدين على اي احد السهالات من رب العالمين
طيب تنصحيني اروح لهم واسألهم اذا يصير اولد عندهم ولا لأ؟ لأن اذا يصير بروح وانا مغمضة بس المهم انحاش من ولادة العدان وغثاهم بس ما ادري اخاف ما يقولون لي الصج يعني يمكن يصير بس يقولون لي لأ ما يصير عشان ما يكون عندهم ضغط
ياتروحين او ادقين عليهم اخذي رقمهم من البدالة ودقي جيكي ان شاءالله يكون عادي وتولدين بسلامة واغلب البنات الحين يادوام يانايمين ان شاءالله يفيدونج اكثر مني لي بعدين
انا ابوي وعماني في الشركه بس زوجي لاء وناس تقول مايصير وناس تقول روحيهم وانتي واصله بالطوارئ ويدخلونج
هلا اختي ام غازي.... بالنسبة لمستشفي شركة النفط.... انا ولدت فيه بنتي عند دكتووور عمرووو ابو العز....بصراحة وبكل امانه مستشفي رووووعه خدمة ورعاااية والاهم النظااافة....وماشاء الله عليه دكتور عمرو وااايد زين وباقي الدكاااترة وااايد رووعه ... لكن للاسف ان المستشفي ماايستقبل الا زوجاات الموظفين بالنفط...لكن مثل مااقالت اختي مسحووورة اذااا رحتي لهم وانتي واااصلة يعني خلاااص بتولدين يدخلووونج عندهم... وربي يسهل عليج اختي ام غااازي... ولاتحطين ببالج اي شي تري التساااهيل ورااا رب العالمين....
انا اللي سمعته مايستقبلون الا زوجات موظفين النفط والحين مايستقبلون احد لانهم طبقوا نظام التأمين لعائلة موظف النفط يعني يولد مرته بأي مستشفى خاص وهم يدفعون عنه لما يفتحون مستشفى الاحمدي الجديد بعد اربع سنين
اي اختي اهو بس حق الي يشتغلون في الشركة والله اهتمامهم عدل حيل والدكاترة زينين وحبوبوبين انا ماولدت عندهم بس نزل علي ماي وخفت يكون ماي الراس والله والشاهد علي يجون عليج كل ربع او نص ساعه ويتطمنون عليج واذا انتي زوجج مو بالشركة تروحين حدج واصلة ويقولين كنتي بلوفرة ولامن الاماكن البعيدة وماتقدرين توصلين للمستشفى وراح يدخلونج انا مادري بس رفيجتي خواتها مسوين هل حركة ابوهم بالشركة بس زوجها لا والله يسهل عليج ان شاء الله وادعيلي الله يسهل علي انا باقيلي بس 4 ايام واخلص شهري وحدي خايفة مادري شلون لاني بكرية
