انا ولله الحمد ولدت قبل شهرين ونصف ... والحمدلله ربي رزقني بنوته حلوة .. ولما ولدت قالتلي الدكتورة تبين ماتحسين بالم قلت اي .. كان تعطيني ابرة ما حسيت بنفسي الا هذا اخر كلام بيني وبينها وفجاة قيموني السسترات وقالولي مبروك مدام جبتي بنت .. انا احمد ربي ان ما حسيت بالم الولادة مثل ولادتي الاولى .. بس من ولدت الى اليوم قاعده افكر شنو صار وشلون ولدوني؟؟؟ على العلم ان بس كنت حاسة بلوعة لما جيت المستشفى وقالتلي الدكتورة اني مفتوحة 4-5 سم قلت مدام جيت ولدوني يعني ماكنت واصله حدي على هذي الكلمة بعدها بثلاث ساعات ولدت ؟؟؟ انا شلون ولدت وشنو سوولي؟؟؟ الي عنها فكرة بالله عليها تجاوبني؟؟
هلا اختي . . . حمدلله ع سلامتج وتتربى بعزكم البنوتة . . . يمكن الرحم كان مفتوح وتسهلت امورج . . . ويمكن شفطوا البنوتة . . . اهم شي انج بعاافية والبنوتة بعد . . .
لا ابرة الظهر جربتها بولادتي الاولى لازم تكونين واعية وثابته لان اي خطأ لاسمح الله له ضرر وتستغرق ربع ساعة وهي تطقها
اي ما في غيرها ابرة الظهر العجيبة مفعولها خارق وحلوة حق اللي تولد تريحها من العوار مستحيل استغني عنها
السلام عليكم اولا واهم شي انج الحين بصحه وبعافيه يا الغالية وأنا عن نفسي جربت الكمام بصراحة أحس أنه أحسن من الإبرة تحسين بالألم لكن أهم شئ وقت نزول الراس والخياطة ماتحسين فيها بس عنج والله ماعندي فكره بس لو تسالي الدكتوره الي ولدتج وايد احسن وياريت تخبرينا شنو صار معاج بالضبط؟؟؟؟ ناطرينج على نار هههههههههههههه
الحمدلله على سلامتج وناسه اي دكتوره واي مستشفي انا بعد احاتي عوار الولاده مالي خلق اتعور ابي اولد بدون الم كلش كللللللللش كللللللللللللللللللللللللش
انا اعتقد ابرت الفخذ بس همن تحسين براس الجاهل اذا طلع بس مو لدرجه اللي توصفينها ومرت حماي تولد بالهادي تقول نفس كلامج بس دكتورتها ناديه القطان او فوزيه والله مو متذكره بس عليها زحمه مو طبيعيه علي ااضن بس امانه علمينا شنو سوو لج ضروري كلنا علي وجهه ولاده والحمد لله علي السلامه
يابنات والله العواار رحمه من الله لنااا الله ماخلق هالشي عبث اه لوتدرووون الاجر اللي تاخذونا ع هالعواار انا صج ميته من الخووف من الولاده الابره ماتحملها كلش ولا ارضى يقزوني لان تعورني واخاف منها كذاا مره بقت تنكسر بايدي لاني اتعافر معاهم اسحب ايدي واهي قاعد تقزني عشان جذي انا خاايفه من الولاده شراح اسوي بس لم تفكرين بالاجر مااودج تطووفينااا والله يسهل علينا اارب ويرزقنا بالذريه الصالحه
