هاااي.... طبعا باركوولي انا ولدت بتاريخ 29-6-2010 :teeth_smile:وهذا اول بيبي لي الله يحفظه (عبودي) حبيت افيدكم عن المستشفى صراااحه المستشفى حده رااااقي ومولوية انا ولادتي كانت الفير كمامهم موصج عجيب والسسترات رعايتهم وايد حلوة اللي تقرا عليج واللي تهديج كل شي سوولي ودكتورتي كانت فاطمة الكندري صراااحة احمد ربي انها ولدتني كانت تبي تسافر تاريخ 4-7 خوووش دكتورة انصح اللي تبي تراجع تروح عندها وبخصوص الغرف انا ولدت بالكاميليا حلوة وراهية,,وتقدرين تشوفين ولدج او بنتج من التلفزيون وايبون لج اياه بأي وقت تبين,و طبعا في عرض لي تاريخ 31-8-2010 الغرفه سعرها كان ب700 وكلفتني الولادة مع الدكتورة والادوية 1020 دينااار ولادتي كانت طبيعية الحمدالله واللي تبي تولد انصحها صراحة مالها شغل بالي يتكلمون سئلي مجرب انا صراحة كنت متخوفه من اللي يسولفون انه بس مظهر صراحة ظلموهم :teeth_smile:
الف مبروووووووووووووووك اختي ام عبووووودي.. وربي يحفظه لكم...ويعطيج العافية عالمعلوومات الطيبة... وعل قولة المثل أسال مجرب ولاتسأل طبيب....
الحمد الله على السلامة ومبروك ماجاج وأنا كنت والدة عندهم صج عناية وكانت دكتورتي ناهده العلى بصراحة الله يعطيه العافية ....
الحمدلله على سلاااامتج ومبروووووك ماااجااااااج ويتربى بعزكم ان شاءالله ... الله يطمنج انا بولد ان شاءالله برويال عند د. نداء بوخضوور ... وصج كنت متخووفه شووويه بس بتووكل ع الله .... وبخصووص الغرفه انا ابي كاميليا بس ماقالولي عن العرض ؟؟ الي اعرفه انها يومين بـ 950 طبعا مع شغل الدكتووره بس احتمال تاخذ زياده !! على حسب اذا تعسرت الولاده لاسمح الله ..... ياليت تفيديني بخصووص العررض .....
الف مبرووك ,, وانا بعد كانت اول ولاده لي فيه عند دكتوره بولين تجنن صج رعايه انا بجناح ليلي حلو بعد ,,
يحياتي انتي روحي لان رويال كل مرا عندهم عروض انا قالولي جناح ليلي ليليتين 700 بس انا طلعت 1075 ع حسب الولاده يقلبي انا اخذت طلق وتحاميل لفتح رحم وابرة ظهر وهذا غير حساب بنتي 300 وشي ,, يعني لا تقولين راح تطلعين 950 اكثر يقلبي ,,
الف مبرووووووووووووووووووووووووك ياقلبي ويتربة بعزج وعز ابوة انشالله ويسهل علي ادعولي تكفون خايفة حدي لدرجة الرعب
اول شي الف الف مبروك حق صاحبت الموضوع ويارب يتربه بعزكم عبودي والله يخليه لكم وثاني شي انا اليوم رايحه رويال حياة وشايفه العروض والاسعار وقررت بأذن الله اني اولد عندهم وشفت غرفة ليلى وغرفة كاميليا والمستشفى صراحتا لايعلى عليه حده راقي من عند الباب يبين هالشي والعرض مستمر لي تاريخ 31 / 8 مثل ماقالت ام عبودي والعرض يشمل بس هالغرفتين وغرفة ليلى مع دكتور من المستشفى سعرها 700 دينار طبيعي واذا بمساعدة 800 واذا قيصيرة 1075 هذي الاسعار الي مع دكتور من برا طبعا + سعر الدكتور الي تيبينه من برا ينجمع مع المبالغ الي تحت الطبيعي 450 وبالمساعدة 525 وقيصرية 725 طبعا هذا شامل يومين بالمستشفى واكلج الي اهم ايبونه وادويتج ماعاد اذا احتجتي مضاد حيوي يكون على حسابج وفحوصات لج روتينيه مره وحده بس ومع حقن وكمام الدواء المسكن وقت المخاض واذا تبين ولخياط التجميلي من تحت قالولي 85 اعتقد او 89 واذا تبين سرير اضافي هم على حسابج واذا طلبتي اكل زياده كله على حسابج والحين اقولج عن الغرفه الي ولدت فيها ام عبود كاميليا مع طبيب المستشفى منهم طبيعي 950 مساعدة 1050 قيصرية 1715 والحين سعر بدون دكتور المستشفى طبيعي 700 مساعدة 775 قيصرية 1365 وطبعا عندهم قاعتين استقبال وحده اسمها الجوري وهذي تاخذينها باليوم الواحد ب 500 دينار وتشمل يوم كامل وخدمة 3 مضيفات تقديم والمشروبات قهوه عربيه وشاي وماي وموالح خفيفة والبسكوت الضيافة تكفي 100 شخص والقاعه الثانية اسمها الجاردينيا وهذي باليوم 700 دينار وتفرق عن الثانيه ان زيادة مضيفة على ال 3 وبس وبس تعبت لول وانا اطالع لبروشرات واكتب واتمنى اني اكون فدتج ويارب الله يقوم كل وحده حامل بسلامه وانا وياهم يارب ويرزقنا بالبيبي الكامل المتعافي بدون زيادة او نقصان يارب
مرحبا آنا ولدت عندهم صج المستشفى كشخة وحلو بس تووووووووووووووووووووبه اولد فيه أقولكم ليش !!!!!!! أول شى ولادتى الحمدالله سهالات والدكتوره "خالدة المجيبل" زينه والسسترات أوكى ماأظلم حظى .. بسسسسسسسسسسس بعد الملاحظة الأربع ساعات بعد الولادة صرت أبجى بجى من العوار والمسكن مالهم خربووووووطه مانمت ليلتها كلش طلبت السستر وحدهااااااا إنفيسه وعطتنى بندول الحمدالله والشكر ومايطلون على الا بالحسره لوطحت أومت أو صار فينى شى محد درا عنى وإذا بروح الحمام مالها خلق وعافسه وييها وآنا حجزت الكامليا والجناح ماكو الاآنا ووحده بروحنا كأنى فمدينه أشباح وااايد صخه لما أسمع صوت بره أستانس أقول فيه أحد يطلعون أهلى زايرينى هذا غير الأسعار صلالالالالالالالاخ ولادتى طبيعيه ب1700وشى الغرفه 700 الدكتورة 500 والخياط ب80 وابره الظهر 100 غير الطلق الصناعى وباجى الخرابيط بس صراحة كانت تجربة تعيييييييييييسة على فكرة ولادتى الأولى قيصرى بالسلام كانو شايلينى شيل والمسكنات على طول ماحسيت بعوار كلش بس حب المظاهر ودانى رويال
