السلام عليكم يا بنات ابشركم ولدت احلى يوسف بالدنيا يوم 3/ديسمبر ولدته بعد معاناة من الساعه 11 باليل لي الساعه 9 الصبح في مستشفى الامومه ... اقولكم قصتي : بسم الله رحت المستشفى على اساس افحص بس كنت حاسه بطلق خفيف يروح ويرد مدة يومين كان تاريخ2/12 وانا اخر موعد ولاده معطيني 5/ 12 المهم فحصتني الدكتورة ولقتني مفتوحه 2 سم وكشفت علي وسوتلي توسعه لأن كنت ابيها تولدني بسرعه لأن ماي الطفل كان قليل عندي قليل وخافت على البيبي لا ينزل نبضه وحطتني وخلتني على جهاز التخطيط لنبض الطفل وجهاز طلق بنفس الوقت خلتني 40 دقيقه وبعدين كتبتلي دخول ولادة لأن الطلق يروح ويرد كل 5 دقايق ودخلت الولاده وانا قلبي يرقع لأني بجر وخايفه وبعدها ويشتد علي الطلق ويزيد العوار ويزيد ذبحني والدكتورة كل نص ساعه تفحصني وطبعا الفحص يذبح كل ما تحط ايدها احسها تطلع روحي من العوار جان يفتح الرحم لي 5 و6 سم سانتي وبطئ على مايفتح هالحجي من الساعه 12 باليل لي الساعه 6 الصبح بس على 6 سم وانا كنت جايه 2 سانتي اصلا المهم الدكتورة شفتها متوترة وماترد علي انا ماتطمنت لها واقولها عواااار ذبحني عطيني مسكن اي شي ما رضت تقولي نبض الطفل عندك نازل تحت ال 100 وخوفتني زيادة تقولي اذا عطيتج اي شي يوصل للبيبي وهو نبضه تعب المهم زوجي دخل عندي ويواسيني وشافني ابجي من العوار جان تقرر الدكتوره عمليه وخذوني طوارئ عمليات وسوولي قيصيريه وهذا الي ماتوقعته كلششش لأن الرحم كان زين عندي وفيني طلق بس نبض الطفل هو الي سوا جذي والحمدلله على كل حال قعدت من العمليه بسرعه مو متبنجه عدل حاسه بكل شي وعوار وسفلت فيهم ابي مسكن فضحتهم ولا اختي عند باب العمليات تنطرني حياتي وتسمعني ابجي وتهاوش الدكتور تقوله شلون عمليه وهي حاسه بعوار وكل شي شنو هذا عطوها مسكن قوي وبس طلعت عقبها ولقيت غرفتي متروسه ورد عبالي وزيرة من كثر الورد برا وداخل وسلاااامتكم
ههههههههههههههههههههه عجبتني وزيرة يلا مأجوره حبوبه وحمدالله على السلامة ويتربه بعزكم وكافي شوفة البيبي تنسيج عوار القيصريه ^_^ انا جذي قيصريه بس شوفته نستني العوار ومافيه
هلا أختي . . . حمدلله ع سلامتج وسلامة البيبي ويتربى بعزكم ان شاء الله وربي يجعله من مواليد الصلاح والفلاح يااارب . . .
الحمد الله علي سلامتج وسلامت يوسف والدكتوره استعجلت عليج جان اعطتج طلق والدتج طبيعي عقب كل التعب والفحص عمليه النهم ارجع واقول مبروك ما ياااااااج
حمدالله على سلامتج بس الله يسامحها الدكتوره شلون تقررلج عمليه وانت مفتوحه 6 سانتي اذا الحبل السري زين ماتحتاجين عمليه والله هذا على مااعتقد بس بالله وين ولدي بالهادي
كللووووووووووووووووش كللووووووووووووووووووووووووووش الف الف مبروك والحمدالله على سلامتج ياقلبي ومبروك الافي
الله يسلمكم كلكم حبايبي شاكرتلكم مروركم.. بس الي تقولي الدكتورة استعيلت لا حرام اهيا نطرتني من الساعه ١١ لي الساعه ٦ الصبح بعدها قالت ماقدر انطر اكثر نبض الطفل حيل نزل وخافت عليه
الف الف الف الف مبروووووك ياغلا الحمدالله على السلامة والله ياجرج على التعب والمعاناة ياقلبي والله لا يخسرج بيوسف يارب ويتمم انفاسج على خير
